ಮಾಸ್ತಿ ಅಮ್ಮನ ಸನ್ನಿಧಿಡ್ ಚಂಡಿಕಾಯಾಗ

ಉಡುಪಿ ಸಂತೆಕಟ್ಟೆ ಪುತ್ತೂರುದ ನ್ಯಾಷನಲ್ ಹೈವೇ ಡ್ ನೆಲೆಯಾದುಪ್ಪುನ ಕಾರ್ಣಿಕದ ದೇವಸ್ಥಾನ ಶ್ರೀ ಮಾಸ್ತಿಯಮ್ಮ. ತಲಜಾಗೆಗ್ ಬತ್ತಿನ ಭಕ್ತೆರೆನ ಸಕಲ ಕಷ್ಟೊಲೆನ್ ಪರಿಹಾರ ಮಲ್ತೊಂದ್ ಭಕ್ತೆರೆನ ಉಡಲ್ ಗೆಂದುದಿನಾಲ್ ಅಪ್ಪೆ ಮಾಸ್ತಿ ಅಮ್ಮ. ಮಾಸ್ತಿ ಅಮ್ಮನ ದೇವಸ್ಥಾನಡ್ ಉಂದುವೆ ಮೇ.10 ತಾರೀಕು ಅಕ್ಷಯ ತ್ರತೀಯಾ ಪ್ರತಿಷ್ಠಾ ವರ್ಧಂತಿ ಬೊಕ್ಕ ಚಂಡಿಕಾಯಾಗ ನಡಪರೆಗುಂಡ್.ಕಾಂಡೆ 9 ಗಂಟೆಗ್ ಚಂಡಿಕಾಯಾಗ ಪ್ರಾರಂಭ ಆದ್, 10.30 ಗಂಟೆಗ್ ಸತ್ಯನಾರಾಯಣ ಪೂಜೆ ನಡಪರೆಗುಂಡ್. ಮಧ್ಯಾಹ್ನ 11.59 ಗ್ ಚಂಡಿಕಾಯಾಗದ ಪೂರ್ಣಾಹುತಿ ನಡತುದ್ ಬೊಕ್ಕ ಮಹಾಅನ್ನಸಂತರ್ಪಣೆ ನಡಪರೆಗುಂಡ್. ಬಯ್ಯಗ್ ಅಪ್ಪೆನ ಸನ್ನಿಧೀಡ್ ದರ್ಶನ ಸೇವೆ ನಡಪರೆಡಗುಂಡ್. ಭಗವದಭಕ್ತೆರ್ ಹೆಚ್ಚಿನ ಸಂಖ್ಯೆಡ್ ಈ ಒಂಜಿ ಧಾರ್ಮಿಕ ಕಜ್ಜೊಡ್ ಪಾಲ್ ಪಡೆದ್ ಅಪ್ಪೆನ ಗಂಧಪ್ರಸಾದ ಸ್ವೀಕಾರ ಮಲ್ತುದ್, ಅನ್ನಪ್ರಸಾದ ಸ್ವೀಕಾರ ಮಲ್ತುದ್ ಪೋವೊಡು ಪಂಡುದ್ ಸಮಿತಿದಕುಲು ಬಿನ್ನಪ ಮಲ್ತುದೆರ್.