ಅಂಜಾರು ಗ್ರಾಮ ಮುತ್ತೂರು ಶ್ರೀ ಬಬ್ಬುಸ್ವಾಮಿ ಬೊಕ್ಕ ಪರಿವಾರ ದೈವೊಲೆನ ದೈವಸ್ಥಾನದ ಜೀರ್ಣೋದ್ದಾರ ಕಾರ್ಯ ಸಂಪನ್ನ ಆದಿತ್ತುದ್,ಉಂದುವೇ ಬರ್ಪಿನ ಮೇ 11ತಾರೀಕುಡ್ದ್ 13 ತಾರೀಕುಮುಟ್ಟ ಪುನರ್ ಪ್ರತಿಷ್ಠೆ ಬೊಕ್ಕ ಬ್ರಹ್ಮಕಲಶಾಭಿಷೇಕ ನಡಪರೆಗುಂಡ್.
ಮೇ 11 ತಾರೀಕುದಾನಿ ಬುಧವಾರ ಬೈಯಗ್ 3 ಗಂಟೆಗ್ ಹಿರಿಯಡ್ಕ ಶ್ರೀ ವೀರಭದ್ರ ದೇವಸ್ಥಾನಡ್ದ್ ಪುದೆಕಾಣಿಕೆ ಮೆರವಣಿಗೆ ಪಿದಾಡ್ದ್ ಓಂತಿಬೆಟ್ಟು ಕಾಜಾರಗುತ್ತು ಮಾರ್ಗಡ್ದ್ ಮುತ್ತೂರುಗ್ ಬರ್ಪುಂಡ್.12 ತಾರೀಕುದಾನಿ ವಾಸ್ತುಹೋಮ,ಬಿಂಬಶುದ್ದಿ,ಪ್ರತಿಷ್ಠಾಹೋಮ ನಡಪರೆಗುಂಡ್.
13 ತಾರೀಕುದಾನಿ ಶುಕ್ರವಾರ ಕಾಂಡೆ 6 ಗಂಟೆಡ್ದ್ ಬ್ರಹ್ಮಕಲಶ ಸ್ಥಾಪನೆ,8 ಗಂಟೆಗ್ ಬಿಂಬಪ್ರತಿಷ್ಠೆ,ಬ್ರಹ್ಮಕಲಶಾಭಿಷೇಕ,ಮಹಾಪೂಜೆ,ಕಾಂಡೆ 10 ಗಂಟೆಗ್ ಶ್ರೀ ಬಬ್ಬುಸ್ವಾಮಿ ಬೊಕ್ಕ ಪರಿವಾರ ದೈವೊಲೆನ ದರ್ಶನ ಸೇವೆ,ಮಧ್ಯಾಹ್ನ 12.30 ಡ್ದ್ ಪ್ರಸಾದ ವಿತರಣೆ,1 ಗಂಟೆಡ್ದ್ ಸಾರ್ವಜನಿಕ ಅನ್ನಸಂತರ್ಪಣೆ ನಡಪರೆಗುಂಡ್.
ಆನಿ ಬೈಯಗ್ ನಡಪುನ ಸಭಾಕಜ್ಜೊಡ್ ದೈವಸ್ಥಾನದ ಆಡಳಿತ ಮುಕ್ತೇಸರೆರಾಯಿನ ಶ್ರೀ ಮೋಹನದಾಸ ಹೆಗ್ಡೆ ಮುತ್ತೂರು ಅಧ್ಯಕ್ಷತೆಡಿಪ್ಪುವೆರ್.ಮಲ್ಲ ಬಿನ್ನೆರಾದ್ ಸಮಾಜ ಕಲ್ಯಾಣ ಇಲಾಖೆದ ಸಚಿವೆರಾಯಿನ ಶ್ರೀ ಕೋಟ ಶ್ರೀನಿವಾಸ ಪೂಜಾರಿ,ಕಾಪು ವಿಧಾನಸಭಾ ಕ್ಷೇತ್ರದ ಶಾಸಕೆರಾಯಿನ ಶ್ರೀ ಲಾಲಾಜಿ ಆರ್.ಮೆಂಡನ್,ಮಾಜಿ ಸಚಿವೆರಾಯಿನ ವಿನಯ್ ಕುಮಾರ್ ಸೊರಕೆ,ಶ್ರೀ ಶಶಿಧರ್ ಗುರ್ಜರ್,ಶ್ರೀ ಸಿದ್ದಾರ್ಥ್ ಹೆಗ್ಡೆ,ಶ್ರೀ ದೇವೇಂದ್ರ ಹೆಗ್ಡೆ, ಶ್ರೀಮತಿ ಆಶಾ ಡಿ.ಶೆಟ್ಟಿ, ಶ್ರೀ ಸದಾನಂದ ಪ್ರಭು,ಉಪಸ್ಥಿತರಿಪ್ಪುವೆರ್.
ಸಭಾಕಾರ್ಯಕ್ರಮ ಆಯಿಬೊಕ್ಕ ಮಣಿಕಂಠ ಮಹಿಮೆ ತುಳುನಾಟಕ ನಡಪರೆಗುಂಡ್.ಈ ಮಾತಾ ಧಾರ್ಮಿಕ ಕಜ್ಜೊಲೆಡ್ ಹೆಚ್ಚಿನ ಭಕ್ತಾಭಿಮಾನಿಲು ಪಾಲ್ ಪಡೆದ್ ಶ್ರೀ ಬಬ್ಬುಸ್ವಾಮಿ ಬೊಕ್ಕ ಪರಿವಾರ ದೈವೊಲೆನ ಕ್ರಪೆಕ್ ಪಾತ್ರರಾವೊಡ್ ಪಂಡುದ್ ಸಮಿತಿದ ಆಧ್ಯಕ್ಷೆರ್ ಬೊಕ್ಕ ಸರ್ವ ಪದಾಧಿಕಾರಿಲು ಪತ್ರಿಕಾ ಪ್ರಕಟಣೆಡ್ ಬಿನ್ನಪ ಮಲ್ತುದೆರ್.
by 