ಹಿಂದೂ ಧರ್ಮ ರಕ್ಷಕ ನಾರಾಯಣ ಗುರು-ವಿಜಯ್ ಕೊಡವೂರು.

ನಾರಾಯಣ ಗುರುಕುಲೆನ 168ನೇ ಜಯಂತಿ ಕೊಡವೂರು ವಾರ್ಡುಡ್ ಅರ್ಥಪೂರ್ಣವಾದ್ ಆಚರಣೆ ಮಲ್ತೆರ್.
ನಾರಾಯಣ ಗುರುಕುಲು ತಾನ್ ಕಷ್ಟೊಡಿತ್ತುಂಡಲಾ ಕುಡೊರಿಯನ ಕಷ್ಟೊಗ್ ಉತ್ತರ ಕೊರ್ತಿನಾರ್ ಅಂಚಾದ್ ನಮ್ಮ ಕಷ್ಟೊಲೆನ್ ತೆರಿಯೊಂದ್ ಅಯಿಕ್ ಉತ್ತರ ಕೊರೊಡ್ ಪಂಡದು ಕೊಡವೂರುದ ಜೋಕ್ಲೆನ ಸಮಿತಿ ಯೋಚನೆ ಮಲ್ತುದ್ ಗಣೇಶ ಪರ್ಬದ ದಿನ ಪಿಲಿವೇಷ ಪಾಡ್ದ್ ಬೈದಿನ ಪಣವುನ್ ದೀನರೆಗ್/ ದುರ್ಬಲರೆಗ್ / ಅಂಗವಿಕಲರೆಗ್/ ಕೊರ್ಪಿನ ಕೆಲಸೊನ್ ನಾರಾಯಣ ಗುರು ಜಯಂತಿದ ದಿನ ಆಚರಣೆ ಮಲ್ತೆರ್.

ಕಷ್ಟಡಿತ್ತಿನ ಹಿಂದೂ ಧರ್ಮದ ಮಸ್ತ್ ಅಂಕುಡೊಂಕುಲೆನ್ ಸುಧಾರಣೆ ಮಲ್ದೆರ್.ಮತಾಂತರ ಆತಿನಕ್ಲೆನ್ ಪಿರ ಹಿಂದೂ ಧರ್ಮಗ್ ಲೆತ್ತುದಗ ಹಿಂದೂ ಧರ್ಮದ ರಕ್ಷಕರಾತೆರ್. ಆರು ಕೇವಲ ವ್ಯಕ್ತಿಯತ್ತ್ ಶಕ್ತಿ, ಕೇವಲ ಶಕ್ತಿ ಅತ್ತ್ ಆರ್ ಒರಿ ದೇವತಾ ಅವತಾರ ಪುರುಷೆ. ಆರು ಕೇವಲ ಒಂಜಿ ಸಮಾಜದ ವ್ಯಕ್ತಿ ಅತ್ತ್,ಆರು ನಮ್ಮ ಧರ್ಮದ ರಕ್ಷಕೆರು ಮಾತಾ ಜೋಕುಲು ಅರೆಲೆಕ್ಕ ಆಂಡ ಮಾತ್ರ ಅರೆನ ಯೋಚನೆದಲೆಕ್ಕ ಈ ನಮ್ಮ ದೇಶ ರಾಮ ರಾಜ್ಯ ಆವರೆಗ್ ಸಾಧ್ಯ ಪಂಡುದು ನಗರಸಭಾ ಸದಸ್ಯೆರಾಯಿನ ವಿಜಯ ಕೊಡವೂರು ತೆರಿಪಾಯೆರು.

ಕೊಡವೂರು ವಾರ್ಡುಡ್ ಮಸ್ತ್ ಕಾರ್ಯಕ್ರಮಲ್ ಆವೊಂದಿತ್ತುದ್, ಬಡವರೆಗಾದ್ ಅತ್ತುಂಡ ದೀನ ದುರ್ಬಲೆರೆಗಾದ್, ಅಂಗವಿಕಲರೆಗಾದ್ ಮಸ್ತ್ ಕಾರ್ಯಕ್ರಮ ಮಲ್ತೊಂದಿತ್ತುದ್, ಜೋಕ್ಲೆನ ಸಮಿತಿ ವತಿಡ್ದ್ ದಾದಾಂಡಲಾ ಮಲ್ಪೊಡ್ ಪಂಡುದ್ ಗಣೇಶ ಪರ್ಬದ ದಿನತ್ತಾನಿ ಪಿಲಿವೇಷ ಪಾಡ್ದ್ ಇಲ್ಲ ಇಲ್ಲಗ್ ಪೋದ್ ಒವ್ವೇ ಬೇಡಿಕೆ ಇಪ್ಪಂದೆ ಪಣವು ಸಂಗ್ರಹ ಮಲ್ತುದ್ ಅಕ್ಲೆಗ್ ಕೊರ್ಪಿನ ಚಿಂತನೆನ್ ಮಲ್ತುದ.

ಈ ಮುಖೇನ
* ಸ್ವಾತಿ ಮೆರೆಗ್ ಇಲ್ಲ್ ಕಟ್ಟರೆಗ್ ಪಣವುದ ಸಹಾಯನ್,

* ರಮೇಶ್ ಪೂಜಾರಿ,ಬಾಳು ನಾಯಕ್,ಪ್ರೇಮ ರಾವ್, ಮೊಕ್ಲೆಗ್ ವೈದ್ಯಕೀಯ ವೆಚ್ಚಗಾದ್ ಸಹಾಯ ಧನ,

*ಭೀಮಪ್ಪ ಕಾಪು ಮೆರೆಗ್ ವೀಲ್ ಚೇರ್.

ಚಂದ್ರಶೇಕರ್ ಮೆರೆನ ಮಗಳೆಗ್ ಕಲ್ಪರೆಗ್ ಪಣವುದ ಸಹಕಾರ ಮಲ್ತೆರ್.

ಈ ಮಾತಾ ಕಾರ್ಯಕ್ರಮಗ್ ಪ್ರೋತ್ಸಾಹ ವಾದ್ ನಗರ ಸಭಾ ಸದಸ್ಯೆರಾಯಿನ ವಿಜಯ್ ಕೊಡವೂರು ಪಂಡುದು ಜೋಕುಲು ತೆರಿಪಾಯೆರು.

ಅಂಚೆನೇ ಏಕನಾಥ ಬೊಕ್ಕ ಸುಮಾರು 13 ಜೋಕ್ಲೆಗ್, ಬೆರಿ ಮೂಳೆ ಪೊಲ್ಲಿನಕ್ಲೆಗ್ , ದಿವ್ಯಾಂಗೆರೆಗ್,ಪ್ರಾಯದಕ್ಲೆಗ್ ಅರಿ ವಿತರಣೆ ಕಾರ್ಯಕ್ರಮಲಾ ನಡತುಂಡ್.

ಈ ಸಂದರ್ಬಡ್ ನಾರಾಯಣ್ ಬಲ್ಲಾಳ್, ಕಾಳು ಶೇರಿಗಾರ್,
ಭಾಸ್ಕರ್ ಪಾಲನ್,ಕಿಶೋರ್ ಪೂಜಾರಿ,ಅಶೋಕ್ ಶೆಟ್ಟಿಗಾರ್,ಗುಣವತಿ,ಸದಾಶಿವ ದೇವಾಡಿಗ ಎಲ್ಲೂರು , ಕೃಷ್ಣ ಶೇರಿಗಾರ್,
,ಚಂದ್ರಚಿತ್ರ,ರಾಮ ಪೂಜಾರಿ,ಮೋಹನ್ ಸುವರ್ಣ, ಶೇಖರ್ ಮಾಬಿಯಾನ್,ದಿನೇಶ್ ಲಕ್ಷ್ಮೀ ನಗರ., ದಿನೇಶ್ ಸಾವಂತ್ ಉಡುಪಿ.,ಹರೀಶ್ ಕೊಪ್ಪಳ ತೋಟ,ಪ್ರತೀಷ್.
ಮಂಜುನಾಥ್,ಸಂದೇಶ್,ರವಿರಾಜ್,ಮಂಜುನಾಥ,ರವಿರಾಜ್
ಮೊಕುಲು ಇತ್ತೆರ್.

ಅರವಿಂದ್ ಭಟ್ ಕಾರ್ಯಕ್ರಮನ್ ನಿರೂಪಣೆ ಮಲ್ತುದ್,

ಪ್ರೀತಿ ವಿಜಯ ಕೊಡವೂರು ಎಲ್ಲರನ್ನೂ ಸ್ವಾಗತ ಮಲ್ತುದ್ ಪ್ರಭಾತ್, ಅಜಿತ್ ಬೊಕ್ಕ ಚಂದ್ರಕಾಂತ್ ವಂದನಾರ್ಪಣೆ ಮಲ್ತೆರ್.