ನೀಲಕಂಠ ಬಬ್ಬುಸ್ವಾಮಿ ನೇಮೋತ್ಸವ.

ಉಡುಪಿ ಬೈಲೂರು 76 ನೇ ಬಡಗಬೆಟ್ಟು ಶ್ರೀ ನೀಲಕಂಠ ಮಹಾಬಬ್ಬುಸ್ವಾಮಿ ದೈವಸ್ಥಾನದ ಸಿರಿಸಿಂಗಾರದ ನೇಮೋತ್ಸವ ಉಂದುವೇ ಬರ್ಪಿನ ಎಪ್ರಿಲ್ 6 ಶನಿವಾರಡ್ದ್ 7ನೇ ತಾರೀಕ್ ಐತಾರಮುಟ್ಟ ನಡಪರೆಗುಂಡ್.

6 ತಾರೀಕುಗ್ ಕಾಂಡೆ 7ಗಂಟೆಗ್ ಗಜಕಂಭ ಪ್ರತಿಷ್ಠೆ,ಮಧ್ಯಾಹ್ನ 12 ಗಂಟೆಗ್ ಚಪ್ಪರ ಏರ್ದ್ 12.30 ನುಪ್ಪುಪ್ರಸಾದ(ಮಹಾಅನ್ನಸಂತರ್ಪಣೆ)  ನಡಪರೆಗುಂಡ್.ಬಯ್ಯಗ್ 6.30 ಗಂಟೆಗ್ ದೈವಸ್ಥಾನಡ್ದ್ ಭಂಡಾರ ಪಿದಾಡ್ದ್ ಮಹಿಷಮರ್ದಿನಿ ದೇವಸ್ಥಾನಗ್ ಸುತ್ತುಬತ್ತುದ್,ಚಪ್ಪರಗ್ ಬರ್ಪುಂಡ್.ರಾತ್ರೆ 9.30  ಗಂಟೆಗ್ ಶ್ರೀ ಬಬ್ಬುಸ್ವಾಮಿ ದೈವದ ನೇಮೋತ್ಸವ,ರಾತ್ರೆ 1 ಗಂಟೆಗ್ ತನ್ನಿಮಾನಿಗದೇವಿನನೇಮೋತ್ಸವ,ನಡಪರೆಗುಂಡ್.

7ನೇ ತಾರೀಕು ಐತಾರದಾನಿ ಕಾಂಡೆ 9.30ಕ್ ಪಂಜುರ್ಲಿನ ನೇಮೋತ್ಸವ,11ಗಂಟೆಗ್ ಜುಮಾದಿ ಬೊಕ್ಕ ಬಂಟ ದೈವೊಲೆನ ನೇಮೋತ್ಸವ,ಮಧ್ಯಾಹ್ನ 3 ಗಂಟೆಗ್ ಚಾಮುಂಡಿ,ರಾಹು ಬೊಕ್ಕ ಜೋಡು ಗುಳಿಗ ನೇಮೋತ್ಸವ,ಬಯ್ಯಗ್ 6ಗಂಟೆಗ್ ಕೊರಗಜ್ಜ ದೈವದ ನೇಮೋತ್ಸವ ನಡಪರೆಗುಂಡ್.ರಾತ್ರೆಗ್ 8.30 ಗಂಟೆಗ್ ಚಪ್ಪರಡ್ದ್ ಭಂಡಾರ ಪಿರ ಬರ್ಪುಂಡ್.

ನೇಮೋತ್ಸವಗ್ ಪುದೆಕಾಣಿಕೆ ಕೊರ್ಪಿನಕುಲು ಎಪ್ರಿಲ್ 4 ಗುರುವಾರದಾನಿ ದೈವಸ್ಥಾನಗ್ ಕನತುದ್ ಕೊರೊಲಿ.ಪರಕೆ ಕೊರ್ಪಿನಕುಲು ಸುರುಕೇ ತೆರಿಪಾವೊಡ್.