ಉಡುಪಿ ಧರ್ಮ ಪ್ರಾಂತ್ಯೊಗ್ ಪೊಸ ಗುರುಕುಲೆನ ನೇಮಕ..

ಉಡುಪಿ ಧರ್ಮಪ್ರಾಂತ್ಯೊಗ್ ಪೊಸ ಶ್ರೇಷ್ಟಗುರುಕುಲೆನ ನೇಮಕ
ಉಡುಪಿ ಧರ್ಮಪ್ರಾಂತ್ಯದ ಧರ್ಮಾಧ್ಯಕ್ಷರಾಯಿನ ಪರಮಪೂಜ್ಯ ಡೊ. ಜೆರಾಲ್ಡ್ ಐಸಾಕ್ ಲೋಬೊ ಮೇರ್ ವಂ. ಸ್ವಾಮಿ. ಫರ್ಡಿನಾಂಡ್ ಗೊನ್ಸಾಲ್ವಿಸ್ ಮೆರೆನ್ ಧರ್ಮಪ್ರಾಂತ್ಯದ ನೂತನ ಶ್ರೇಷ್ಟಗುರುಕುಲಾದ್ಲ ನೇಮಕ ಮಲ್ತುದೆರ್. 2023 ಎಪ್ರಿಲ್ 1 ಗ ಧರ್ಮಾಧ್ಯಕ್ಷರ ನಿವಾಸಡ್ ನಡತಿನ ಸರಳ ಧಾರ್ಮಿಕ ಕಾರ್ಯಕ್ರಮಡ್ ಧರ್ಮಾಧ್ಯಕ್ಷರು ಪ್ರಾರ್ಥನೆ ಮಲ್ತುದ್, ವಂ. ಸ್ವಾಮಿ. ಫರ್ಡಿನಾಂಡ್ ಗೊನ್ಸಾಲ್ವಿಸ್‍ ಮೆರೆಗ್ ಪ್ರತಿಜ್ಞಾವಿಧಿನತ ಭೋದಿಸಾಯೆರ್. ಧರ್ಮಪ್ರಾಂತ್ಯದ ಕುಲಪತಿ ಅತಿ ವಂ. ಡೊ. ರೋಶನ್ ಡಿಸೋಜಾ, ಉಡುಪಿ ಶೋಕಮಾತಾ ದೇವಾಲಯದ ಪ್ರಧಾನ ಧರ್ಮಗುರು ಅ. ವಂ. ಚಾರ್ಲ್ಸ್ ಮಿನೇಜಸ್, ವಂ. ಸ್ಟೀಫನ್ ಡಿಸೋಜಾ, ಉಜ್ವಾಡ್ ಪಾಕ್ಷಿಕದ ಸಂಪಾದಕೆರಾಯಿನ ವಂ. ರೊಯ್ಸನ್ ಫೆರ್ನಾಂಡಿಸ್ ಈ ಸಂದರ್ಭಡ್ ಉಪಸ್ಥಿತರಿತ್ತೆರ್ .
ನೂತನ ಶ್ರೇಷ್ಟಗುರು ವಂ. ಸ್ವಾಮಿ ಫರ್ಡಿನಾಂಡ್ ಗೊನ್ಸಾಲ್ವಿಸ್‍ ಮೇರ್ ಪ್ರಸ್ತುತ ಪಾಂಗಾಳ-ಶಂಕರಪುರ ಸಂತ ಯೋಹಾನ್ನರ ದೇವಾಲಯದ ಪ್ರಧಾನ ಧರ್ಮಗುರುಕುಲಾದ್ ಸೇವೆ ಮಲ್ತೊಂದುಲ್ಲೆರ್. 1955 ಸಪ್ತೆಂಬರ್ 29 ಗ್ ಕುಂದಾಪುರದ ಜೋನ್ ಗೊನ್ಸಾಲ್ವಿಸ್ ಬೊಕ್ಕ ಆಂಜೆಲಿನ್ ರೆಬೆಲ್ಲೊರವರ ಮಗೆ ಆಯಿನ ಮೇರು, 1985 ಡ್ ಗುರುದೀಕ್ಷೆನ್ ಸ್ವೀಕಾರ ಮಲ್ದೆರ್. ಬಿ. ಎಸ್ಸಿ., ಬಿ.ಎಡ್, ಎಮ್.ಎ ಸ್ನಾತಕೋತ್ತರ ಪದವಿ ಬೊಕ್ಕ ದೇವಶಾಸ್ತ್ರಡ್ ಪದವಿನ್ ದೆತೊಂದಿನ ಮೇರು, ಕುಲಶೇಕರಡ್ ಸಹಾಯಕ ಧರ್ಮಗುರು ಬೊಕ್ಕ ಜೆಪ್ಪು ಸಂತ ಅಂತೊನಿ ಆಶ್ರಮಡ್ ಸಹಾಯಕ ನಿರ್ದೇಶಕರಾದ್ ಸೇವೆ ಸಲ್ಲಿಸಾದೆರ್. ಕೊಕ್ಕಡ, ಬೈಂದೂರ್, ಉಜಿರೆ, ಕೆಮ್ಮಣ್ ಬೊಕ್ಕ ಪಾಂಗಾಳ-ಶಂಕರಪುರ ಚರ್ಚ್ ಡ್ ಪ್ರಧಾನ ಧರ್ಮಗುರುಕುಲಾದ್ ಪುತ್ತೂರ್, ಉಜಿರೆ, ಲೂರ್ಡ್ಸ್ ಸೆಂಟ್ರಲ್ ಸ್ಕೂಲ್-ಬಿಜೈ, ಮಿಲಾಗ್ರಿಸ್ ಪಿಯು ಕೋಲೆಜ್-ಕಲ್ಯಾಣ್‍ಪುರ್ ಬೊಕ್ಕ ಬೀದರ್‍ನ ಶಾಲಾ-ಕಾಲೆಜ್‍ ಲೆಡ್ ಪ್ರಾಂಶುಪಾಲೆರಾದ್ ಸೇವೆ ಸಲ್ಲಿಸಾದೆರ್. ಪ್ರಸ್ತುತ ಕಥೊಲಿಕ್ ಸಭಾ ಉಡುಪಿ ಪ್ರದೇಶ್ ನೆತ್ತ ಅಧ್ಯಾತ್ಮಿಕ ನಿರ್ದೇಶಕೆರಾದ್ ಬೊಕ್ಕ ಧರ್ಮಪ್ರಾಂತ್ಯದ ಶ್ರೀ-ಸಾಮಾನ್ಯ ಆಯೋಗದ ನಿರ್ದೇಶಕೆರಾದ್ ಸೇವೆ ಮಲ್ತೊಂದುಲ್ಲೆರ್.
2012 ಜುಲಾಯ್ 16ಗ್ ಅಸ್ತಿತ್ವಗ್ ಬತ್ತಿನ ಉಡುಪಿ ಧರ್ಮಪ್ರಾಂತ್ಯ ಇಂಚಪ್ಪೊಗ್ ತನ್ನ ದಶಮಾನೋತ್ಸವನ್ ಆಚರಿಸಾದಿತ್ತುದ್ , ಕರಿನ 10 ವರ್ಷೊಡ್ ಅ. ವಂ. ಬ್ಯಾಪ್ಟಿಸ್ಟ್ ಮಿನೇಜಸ್‍ ಮೇರ್ ಶ್ರೇಷ್ಟ ಗುರುಕುಲಾದ್ ಸೇವೆ ಸಲ್ಲಿಸಾದೆರ್.