ಉಡುಪಿ ನಿತ್ಯಾನಂದ ಬಾಲಾಲಯಡ್ 250 ದಿನ ನಡತಿನ ನಿತ್ಯಭಜನೆ

ಉಡುಪಿ ನಿತ್ಯಾನಂದ ಬಾಲಾಲಯಡ್ 250 ದಿನ ನಡತಿನ ನಿತ್ಯಭಜನೆ

ಉಡುಪಿದ ಸದ್ಗುರು ಶ್ರೀ ನಿತ್ಯಾನಂದ ಸ್ವಾಮಿ ಮಂದಿರ ಮಠಟ್ ನಿರಂತರವಾದ್ ನಡತೊಂದುಪ್ಪುನ ನಿತ್ಯ ಭಜನೆ 250ನೇ ದಿನ ಪೂರೈಸುದುಂಡ್. ಈ ನಿಟ್ಟುಡ್ ಗುರುಕುಲೆಗದ ವಿಶೇಷ ಪೂಜೆ ಬೊಕ್ಕ ಪ್ರಸಾದ ವಿತರಣೆ ನಡತುಂಡ್.
ಮಠ ನವೀಕರಣ ಆಪಿನ ಪೊರ್ತುಡ್ ಗುರುಕುಲೆನ ವಿಗ್ರಹ ನ್ ಬಾಲಾಲಯಡ್ ದೀದ್ ಈ ಬಾಲಾಲಯಡ್ ಕರಿನ 250 ದಿನಡ್ದಿಂಚಿ ನಿರಂತರ ಭಜನಾ ಕಾರ್ಯಕ್ರಮ ನಡತೊಂದುಂಡ್. ಭಜನಾ ಕಾರ್ಯಕ್ರಮಡ್ ದಿನೊಲಾ ಭಕ್ತೆರು ಪಾಲ್ ಪಡೆಯೊಂದಿತ್ತುದ್ ಈ ಭಜನಾ ಕಾರ್ಯಕ್ರಮ ಪೊಸ ಮಂದಿರದ ಪ್ರತಿಷ್ಠೆ ಆವನಮುಟ್ಟ ನಡಪರೆಗುಂಡ್ ಪಂಡುದು ಮಂದಿರದ ಪ್ರಮುಖೆರು ತೆರಿಪಾದೆರ್.
61 ವರ್ಷ ಪಿರಾವುಡ್ ನಿತ್ಯಾನಂದ ಸ್ವಾಮೀಜಿ ಅರೆನ ಪರಮ ಭಕ್ತೆ ಯಾದಿತ್ತಿನ ಸಾಧ್ವಿ ಸೀತಮ್ಮ ಅರೆಡ್ದ್ ಈ ಮಂದಿರ ಸ್ಥಾಪನೆಯಾದಿತ್ತುದ್ ,ಇತ್ತೆ ದಾನಿಲೆನ ನೆರವುಡ್ದ್ ಗಣೇಶ ಪುರಿಡುಪ್ಪುನ ಮೂಲ ಮಂದಿರದ ಮಾದರಿಡೇ ಪೊಸ ಮಂದಿರ ವೈಭವಡ್ ರಚನೆ ಆವೊಂದುಂಡ್.
ಮಂದಿರದ ನಿರ್ಮಾಣ ಕಾರ್ಯ ಬಾರೀ ಬೀಸೊಡ್ ನಡತೊಂದಿತ್ತುದ್ ಜನವರಿ 2ನೇ ವಾರ ಶ್ರೀ ಗುರುಕುಲೆಗ್ ಬ್ರಹ್ಮ ಕುಂಭಾಭಿಷೇಕ ಬೊಕ್ಕ ಪೊಸ ಮಂದಿರದ ಲೋಕಾರ್ಪಣೆ ನಡಪರೆಗುಂಡ್. ಈ ಕಾರ್ಯಕ್ರಮಡ್ ದೇಶದ ಬೇತೆ ಬೇತೆ ಮೂಲಡ್ದ್ ಅವಧೂತ ಪರಂಪರೆಗ್ ಸೇರಿನ ಸಂತೆರು ಬೊಕ್ಕ ಗುರುಕುಲೆನ ಸಾರ ಭಕ್ತೆರು ಪಾಲ್ ಪಡೆಯುನ ಸಾಧ್ಯತೆ ಉಂಡು.