ಗೇನದ ಬಡಾವ್ ಮಾಜಾವೊಡಾಂಡ,ನಂಕ್ ಏಪೊಲಾ ಆತ್ಮಜ್ಞಾನದ ನುಪ್ಪು ಬೋಡು: ಒಡಿಯೂರು ಶ್ರೀ..

ದೇವೆರೆಡ ಒತ್ತೊನೊಡಾಂಡ ನರಮಾನಿಗ್ ಸಂಸ್ಕಾರ ಬೋಡು.ಗೇನ ಬೊಕ್ಕ ಸಂಸ್ಕಾರ ದಾಂತಿನ ಬದುಕ್ ಬದುಕೇ ಅತ್ತ್.ಸಂಸ್ಕಾರವಂತೆರಾದ್ ಬದುಕುಂಡ ಮಾತ್ರ ಬದುಕುಗೊಂಜಿ ಅರ್ಥ ಉಂಡು.ಪಂಡುದ್ ಒಡಿಯೂರು ಸಂಸ್ಥಾನದ ಶ್ರೀ ಶ್ರೀ ಶ್ರೀ ಗುರುದೇವಾನಂದ ಸ್ವಾಮೀಜಿ ತೆರಿಪಾಯೆರ್.
ಆರು ಮಲ್ಪೆ ಕಡಲಬರಿಟುಪ್ಪುನ ಜ್ಞಾನಜ್ಯೋತಿ ಭಜನಾ ಮಂದಿರದ ಭಜನಾ ಮಂಗಲೋತ್ಸವದ ಅಕೇರಿದ ದಿನ ಆಶೀರ್ವಚನೊಡ್ ತನ್ನ ಗೇನೊನ್ ಭಕ್ತೆರೆಗ್ ಪಟ್ಟೊಂಡೆರ್.
ಉಡಲುದ ತುಡರ್ ಒಂಜಿ ಇತ್ತುಂಡ ನರಮಾನಿಗ್ ಬೇತೆ ತುಡರುದ ಅಗತ್ಯ ಇಜ್ಜಿ.ಆತ್ಮಜ್ಞಾನದ ನುಪ್ಪು ಬೋಡು ನಂಕ್ ಏಪೊಲಾ,ಗೇನದ ಬಡಾವ್ ಮಾಜಾವೊಡಾಂಡ.ಉಡಲುದ ತುಡರ್ ಅರ್ಲೊಡಾಂಡ ಭಜನೆ ಮಲ್ಪೊಡ್.ಪಂಡುದ್ ಎಡ್ಡೆಪ್ಪು ಬಯಕಿಯೆರ್.ನಿರಂತರವಾದ್ ಕ್ರಿಯಾಶೀಲೆರಾದುಪ್ಪುನ ಕಡಲಪ್ಪೆ ಜೋಕುಲೆಗ್ ವಿಶಾಲವಾಯಿನ ಗುಣ ಉಂಡು.ಅಕ್ಲೆಡ ಇತ್ತಿನಾತ್ ಆತ್ಮವಿಶ್ವಾಸ ಬೇತೆ ಎರೆಗುಲಾ ಇಜ್ಜಿ.ಅಕಲ್ನ ಆತ್ಮವಿಶ್ವಾಸೊಗ್ ಭಗವಂತನ ಕ್ರಪೆ ಏಪೊಲಾ ಉಪ್ಪುಂಡ್.ಧರ್ಮಸಂಬಂಧವಾದ್ ಮಲ್ಪುನ ಕಾರ್ಯ ಧರ್ಮನ್ ಒರಿಪಾವರೆಗ್ ಸಾದಿ ಆವಡ್ ಪಂಡುದ್ ಆಶೀರ್ವಚನ ಮಲ್ತೆರ್.