ಫೆ.10 ಬೊಕ್ಕ 11 ತಾರೀಕುಗ್ ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನಮ್,ಶ್ರೀ ದತ್ತಾಂಜನೇಯ ಕ್ಷೇತ್ರ, ದಕ್ಷಿಣಗಾಪುರ ಡ್ ತುಳುನಾಡ ಜಾತ್ರೆ,ಶ್ರೀ ಒಡಿಯೂರು ರಥೋತ್ಸವ,ಆನಂದೋತ್ಸವ,ಪೂಜ್ಯ ಶ್ರೀಕ್ಲೆನ ಷಷ್ಠ್ಯಬ್ದ ಸಂಭ್ರಮ “ಜ್ಞಾನವಾಹಿನಿ” ಕಾರ್ಯಕ್ರಮ ನಡಪರೆಗುಂಡ್.
10 ತಾರೀಕುದಾನಿ ಕಾಂಡೆ ಪರಮಪೂಜ್ಯ ಶ್ರೀ ಶ್ರೀ ಗುರುದೇವಾನಂದ ಸ್ವಾಮೀಜಿಲೆನ ದಿವ್ಯ ಉಪಸ್ಥಿತಿಡ್ ತುಳು ಬಾಸೆ ಸಂಸ್ಕ್ರತಿ ಜಾಗ್ರತಿಗಾದ್ “ಇರುವತ್ತರಡ್ಡನೇ ಐಸಿರೊ” ತುಳು ಸಾಹಿತ್ಯ ಸಮ್ಮೇಲನೊ ನಡಪರೆಗುಂಡ್.ಕಾಂಡೆ 9.30 ಗ್ ಮೆರೊಣಿಗೆ,10 ಗಂಟೆಗ್ ಸಮ್ಮೇಳನೊದ ಉದಿಪನ ನಡಪರೆಗುಂಡ್.ಮಧ್ಯಾಹ್ನ 2.30 ಗಂಟೆಗ್ ಒಡಿಯೂರು ಶ್ರೀ ಷಷ್ಠ್ಯಬ್ದ ಸಂಭ್ರಮೊ- ಪೆರಿಯ 60 ಸಾಧಕೆರೆಗ್ ಸನ್ಮಾನ ನಡಪರೆಗುಂಡ್.ಬಯ್ಯಗ್ ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯ ಸ್ವಾಮಿ ಕ್ರಪಾಪೋಷಿತ ಯಕ್ಷಗಾನ ಮಂಡಳಿ,ಪಾವಂಜೆ ಮೆಕ್ಲೆಡ್ದ್ ಯಕ್ಷಗಾನ ಬಯಲಾಟ ನಡಪರೆಗುಂಡ್.
11 ತಾರೀಕುದಾನಿ ಶ್ರೀ ಒಡಿಯೂರು ರಥೋತ್ಸವ, ತುಳುನಾಡ ಜಾತ್ರೆ ನಡಪರೆಗುಂಡ್.ಆನಿ ಕಾಂಡೆ 9 ಗಂಟೆಗ್ ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ 10 ಗಂಟೆಗ್ ಪರಮಪೂಜ್ಯೆರೆನ ದಿವ್ಯ ಉಪಸ್ಥಿತಿಟ್ ಷಷ್ಠ್ಯಬ್ದ ಸಂಭ್ರಮ ಜ್ಞಾನವಾಹಿನಿ ಕಾರ್ಯಕ್ರಮದ ಸಮಾರೋಪ ಸಮಾರಂಭ “ಆನಂದೋತ್ಸವ-ಗುರುವಂದನೆ” ನಡಪರೆಗುಂಡ್.ಮಧ್ಯಾಹ್ನ 12.30 ಗ್ ಮಹಾಪೂಜೆ,ಮಹಾಮಂಗಳಾರತಿ,ಮಹಾಅನ್ನಸಂತರ್ಪಣೆ ನಡಪರೆಗುಂಡ್.ಬೊಕ್ಕ ದತ್ತಾಂಜನೇಯ ದೇವೆರೆನ ವೈಭವೋಪೇತ ರಥಯಾತ್ರೆ ನಡಪರೆಗುಂಡ್.ಈ ಮಾತಾ ಕಾರ್ಯಕ್ರಮೊಡ್ ಭಕ್ತಾದಿಲು ಪಾಲ್ ಪಡೆದ್ ಶ್ರೀ ದೇವೆರೆನ ಕ್ರಪೆಕ್ ಪಾತ್ರರಾವೊಡ್ ಪಂಡುದ್ ಕ್ಷೇತ್ರದ ಪರವಾದ್ ಬಿನ್ನಪ ಮಲ್ತುದೆರ್…
by 