ನರಮಾನಿನ ಬದುಕ್ ಕ್ರಿಯಾಶೀಲವಾಯಿನ ಬದುಕ್ ಆವೊಡ್.ಸಂಘಟನೆ ಸಮಾಜದ ಎಡ್ಡೆಪ್ಪುಗಾದ್ ಉಪ್ಪೊಡ್.ಬದುಕುಡ್ ಸಾಧನೆ ಮಲ್ತುಜಿಡ ಸಾವುಗ್ ಅವಮಾನ.ಆದರ್ಶವಾದ್ ಬದುಕುಜಿಡ ಬದುಕುಗ್ ಅವಮಾನ.ಶಾಶ್ವತವಾಯಿನ ಶಾಂತಿ ತಿಕ್ಕೊಡಾಂಡ ನಮ್ಮ ಉಲಾಯಿಗೇ ಪ್ರವೇಶ ಮಲ್ಪೊಡ್.ನಮ್ಮ ಉಲಾಯಿಡೇ ಶಾಂತಿ ತಿಕ್ಕುಂಡ್.ಇಡೀ ಸಮಾಜದ ಶ್ವಾಸ ಪ್ರೇಮತತ್ವೊಡ್ ದೆಂಗುದುಂಡ್.ತೋಜಂದಿನ ಒಂಜಿ ಶಕ್ತಿ ನಮನ್ ನಿಯಂತ್ರಣ ಮಲ್ಪುಂಡ್.ಅವ್ವೇ ಭಗವದ್ ಶಕ್ತಿ. ಯಾನ್ ಏರುಂದ್ ತೆರಿಯುನೇ ಆಧ್ಯಾತ್ಮ. ಎನ್ನ ಇತಿಮಿತಿಟ್ ಬದುಕುನೇ ಆಧ್ಯಾತ್ಮ. ಪಂಡುದ್ ಒಡಿಯೂರು ಗುರುದೇವದತ್ತ ಸಂಸ್ಥಾನದ ಪರಮಪೂಜ್ಯ ಶ್ರೀ ಶ್ರೀ ಗುರುದೇವಾನಂದ ಸ್ವಾಮೀಜಿ ಪಂಡೆರ್.
ಆರು ಒಡಿಪು ಪರ್ಕಳದ ಶ್ರೀ ಸುರಕ್ಷಾ ಭವನೊಡ್ ನಡತಿನ ಒಡಿಯೂರು ಶ್ರೀ ಕ್ಲೆನ ಷಷ್ಠ್ಯಬ್ದ ಸಂಭ್ರಮ “ಜ್ಞಾನವಾಹಿನಿ” ಉಡುಪಿ ವಲಯ ಸಮಿತಿ ಆಯೋಜನೆ ಮಲ್ದಿನ “ಗುರುವಂದನಾ ಕಾರ್ಯಕ್ರಮ” ಡ್ ಪಾಲ್ ಪಡೆದ್ ಆಶೀರ್ವಚನ ಮಲ್ತೆರ್.ಕಾರ್ಯಕ್ರಮೊಗ್ ಸಮಾರೋಪ ಆಂಡಲಾ ನಮ್ಮ ಸಮಾಜಮುಖಿ ಕಾರ್ಯೊಲೆಗ್ ಸಮಾರೋಪ ಆವರೆಗ್ ಬಲ್ಲಿ.ಅವ್ವ್ ನಿರಂತರವಾದ್ ನಡತೊಂದುಪ್ಪೊಡ್ ಪಂಡುದ್ ಆರು ಮಾರ್ಗದರ್ಶನ ಮಲ್ತೆರ್.
ವೇದಿಕೆಡ್ ದಿವ್ಯ ಉಪಸ್ಥಿತಿಟ್ ಇತ್ತಿನ ಒಡಿಯೂರು ಕ್ಷೇತ್ರದ ಸಾಧ್ವಿ ಶ್ರೀ ಶ್ರೀ ಮಾತಾನಂದಮಯಿ ಪಾತೆರ್ದ್ ನಮ್ಮ ಶರೀರೊನ್ ಎಡ್ಡೆಪ್ಪುಗ್ ಸಾರ್ಥಕ ಮಲ್ತೊನೊಡ್..ಗುರುಮಾರ್ಗೊಡ್ ನಡತುಂಡ ಗುರುವೇ ಗುರಿ ತೋಜಾವೆರ್ ಪಂಡುದ್ ಶುಭ ಸಂದೇಶ ಕೊರಿಯೆರ್.
ವೇದಿಕೆಡ್ ಮಲ್ಲ ಬಿನ್ನೆರಾದ್ ಷಷ್ಠ್ಯಬ್ದ ಸಮಿತಿದ ಒಡಿಪು ವಲಯದ ಅಧ್ಯಕ್ಚೆರಾಯಿನ ಉದ್ಯಮಿ ಸುರೇಶ್ ಶೆಟ್ಟಿ ಗುರ್ಮೆ,ಬಿ ಉಪಾಧ್ಯಕ್ಷೆರಾಯಿನ .ಜಯಕರ ಶೆಟ್ಟಿ ಇಂದ್ರಾಳಿ,ಕೇಂದ್ರ ಸಮಿತಿದ ಕಾರ್ಯಂತೆರಾಯಿನ ಯಶವಂತ್ ವಿಟ್ಲ,ಸುರಕ್ಷಾ ಸಭಾಭವನದ ಮಾಲಕೆರಾಯಿನ ರಾಮಮೂರ್ತಿ ಭಟ್,ಉಡುಪಿ ಸಮಿತಿದ ಪ್ರಧಾನ ಕಾರ್ಯಂತೆರಾಯಿನ ಪ್ರಭಾಕರ್ ಶೆಟ್ಟಿ,ಗುರುದೇವ ಸೇವಾ ಬಳಗದ ಅಧ್ಯಕ್ಷೆರಾಯಿನ ತಾರಾನಾಥ ಶೆಟ್ಟಿ ಚಿಕ್ಕಲ್ ಬೆಟ್ಟು,ವಜ್ರಮಾತಾ ವಿಕಾಸ ಕೇಂದ್ರದ ಅಧ್ಯಕ್ಷೆರಾಯಿನ ಅಮಿತಾ ಗಿರೀಶ್ ಉಪಸ್ಥಿತರಿತ್ತೆರ್.
by 