ನಮ್ಮ ಬಾಸೆದ ಬಗೆಟ್,ಸಂಸ್ಕ್ರತಿದ ಬಗೆಟ್ ಜಾಗ್ರತಿ ಆಪಿನಿ ಯೇಪ? ತುಳುವೆರ್ ಲಕ್ಕುದ್ ಉಂತುನ ಯೇಪ ? ಪಂಡುದ್ ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನದ ಶ್ರೀ ಗುರುದೇವಾನಂದ ಸ್ವಾಮೀಜಿಲು ಪಾತೆರಿಯೆರ್.ಆರು ಒಡಿಯೂರು ಕ್ಷೇತ್ರದ ರಾಜಾಂಗಣದ ಆತ್ರೇಯ ಸಭಾಂಗಣೊಡ್ ನಡತಿನ ತುಳು ಸಾಹಿತ್ಯ ಸಮ್ಮೇಳನನ್ ಉದಿಪನ ಮಲ್ತುದ್ ಪಾತೆರಿಯೆರ್.ತುಳುವೆರೆಡ ಇಚ್ಛಾಶಕ್ತಿ ಜಾಗ್ರತಿ ಆವೊಡ್.ಬಾಸೆ ಒರಿಪರೆಗ್ ನಮಕ್ ಸಹನೆ ಬೋಡು.ತುಳುನ್ ಎಂಚ ಒರಿಪೊಲಿ ಪನ್ಪಿನ ಚಿಂತನೆ ಮಲ್ಪೊಡ್.ತುಳು ಬಾಸೆ 8 ನೇ ಪರಿಚ್ಛೇದೊಗ್ ಸೇರುನ ಸಾಧ್ಯತೆ ಉಂಡು.ಅಂಚಾದ್ ಮಾತಾ ತುಳುವೆರ್ ಒಟ್ಟಾದ್ ಸರಕಾರೊಗ್ ಒತ್ತಾಯ ಮಲ್ಪೊಡ್ ಪಂಡೆರ್.
ಸಭಾ ಕಜ್ಜೊಡ್ ಸಾಧ್ವಿ ಶ್ರೀ ಶ್ರೀ ಮಾತಾನಂದಮಯಿ, ಪೇಟೆಮನೆ ಪ್ರಕಾಶ್ ಶೆಟ್ಟಿ, ಜಯಪ್ರಕಾಶ್ ನಾರಾಯಣ ತೊಟ್ಟೆತ್ತೋಡಿ,ಮೋಹನ್ ಹೆಗ್ಡೆ ಬೆಜ್ಜ,ಜಯಕರ ಶೆಟ್ಟಿ ಇಂದ್ರಾಳಿ,ವಾಮಯ್ಯ ಶೆಟ್ಟಿ ಉಪಸ್ಥಿತರಿತ್ತೆರ್.
ಒಡಿಯೂರು ತುಳುಕೂಟದ ಗುರ್ಕಾರೆರಾಯಿನ ಯಶು ವಿಟ್ಲ ಬತ್ತಿ ಬಿನ್ನೆರೆನ್ ಮೋಕೆಡ್ ಎದ್ಕೊಂಡೆರ್.ಕರುಣಾಕರ್ ಸೊಲ್ಮೆ ಸಂದಾಯ್ತ ಮಲ್ತೆರ್.ಹರಿಣಾಕ್ಷಿ ಕಜ್ಜೊದ ಮದಿಪು ಕೊರಿಯೆರ್.
by 