ಮಲ್ಪೆ: ಕೊಡವೂರುದ ವಿಪ್ರಶ್ರೀ ಸಭಾಭವನ ಶಾಕಲ ಋಕ್ ಸಂಹಿತಾ ಯಾಗ ಬೊಕ್ಕ ಭಾಗವತ ಸಪ್ತಾಹದ ನಿಮಿತ್ತ ಏಳು ದಿನ ಕೊಡವೂರುದ ಒಡೆಯೆ ಶಂಕರನಾರಾಯಣ ದೇವರೆನ ಸನ್ನಿಧಾನಡ್ ದಿಂಜಿದಿತ್ತುಂಡ್. ದಾಯೆಗ್ ಪಂಡ ಭಾಗವತನ್ ಶುಕಾಚಾರ್ಯರೆಗ್ ಉಪದೇಶ ಮಲ್ದಿನಿ ನಾರಾಯಣ ದೇವೆರು. ಅವ್ವೆನ್ ಪರೀಕ್ಷಿತ ರಾಜಗ್ ಉಪದೇಶ ಕೊರಿನ ಶುಕಾಚಾರ್ಯೆರು ಸಾಕ್ಷಾತ್ ರುದ್ರ ದೇವೆರು. ಈ ಶಂಕರನಾರಾಯಣ ದೇವೆರೆನ ಅನುಗ್ರಹಡ್ ಲೋಕೊಗೇ ಕಂಟಕವಾಯಿನ ರೋಗ ನಾಶವಾದ್ ದೇಶ ಸುಭಿಕ್ಷೆ ಯಾವಡ್ ಪಂಡುದ್ ಶ್ರೀ ಶ್ರೀ ವಿದ್ಯಾಧೀಶ ತೀರ್ಥ ಶ್ರೀಪಾದೆರು ತೆರಿಪಾದೆರ್. ಶ್ರೀಕುಲು ಕೊಡವೂರು ಬ್ರಾಹ್ಮಣ ಮಹಾಸಭಾದ ರಜತೋತ್ಸವದ ಪ್ರಯುಕ್ತ ನಡತಿನ ಋಕ್ ಸಂಹಿತಾ ಯಾಗ ಬೊಕ್ಕ ಭಾಗವತ ಸಪ್ತಾಹದ ಸಮಾರೋಪ ಸಮಾರಂಭಡ್ ಅನುಗ್ರಹ ಸಂದೇಶ ಕೊರ್ದ್ ಆಶೀರ್ವಚನ ಮಲ್ತೆರ್.
ಈ ಪೊರ್ತುಡ್ ಲೋಕ ಕಲ್ಯಾಣಗಾದ್ ನಡಪಾಯಿನ ಯಾಗದ ಪ್ರಯುಕ್ತ ಕೊಡವೂರುದ ಸುತ್ತ ಮುತ್ತದ ಹಿಂದು ಸಮಾಜದ ವಿವಿಧ ವರ್ಗದ ಹಿರಿಯೆರು, ಸಾಧಕೆರು ಬೊಕ್ಕ ತಮ್ಮ ತಮ್ಮ ವೃತ್ತಿನ್ ನಿಷ್ಠೆಡ್ ಮಲ್ತೊಂದುಪ್ಪುನ 11 ಮಂದಿ ಮಹನೀಯೆರಾಯಿನ ಶ್ರೀ ವಿಶ್ವನಾಥ ಶೆಣೈ ಮಲ್ಪೆ, ಕಾಳು ಸೇರಿಗಾರ ಕೊಡವೂರು, ಶಿವಪ್ಪ ಕಾಂಚನ್ ಕೊಡವೂರು, ಕರುಣಾಕರ ಶೆಟ್ಟಿಗಾರ್ ಉದ್ದಿನಹಿತ್ಲು, ಹರೀಶ್ ಪೂಜಾರಿ ಕೊಡವೂರು, ಅಣ್ಣಪ್ಪ ಶೆಟ್ಟಿ ಜುಮಾದಿ ನಗರ, ಶಂಕರ ಗಾಣಿಗ, ರತ್ನಾಕರ ಆಚಾರ್ಯ, ಬೇಬಿ ಅಮೀನ್, ಶೇಖರ ಮೂಡುಬೆಟ್ಟು, ಬೊಕ್ಕ ವಾಮನ ಮೊಕ್ಲೆನ್ ಸ್ವಾಮಿಲು ಫಲ ಮಂತ್ರಾಕ್ಷತೆ ಕೊರ್ದ್ ಮಾನಾದಿಗೆ ಮಲ್ತೆರ್.
ಶ್ರೀ ಶ್ರೀ ವಿದ್ಯಾರಾಜೇಶ್ವರ ತೀರ್ಥ ಶ್ರೀಪಾದೆರು, ಪಲಿಮಾರು ಕಿರಿಯ ಸ್ವಾಮಿಲು ಉಪಸ್ಥಿತರಿತ್ತುದ್ ಅನುಗ್ರಹ ಸಂದೇಶ ಕೊರಿಯೆರ್. ಡಾ|| ವಿಜಯ ಬಲ್ಲಾಳ್, ಧರ್ಮದರ್ಶಿ, ಅಂಬಲಪಾಡಿ ಜನಾರ್ದನ ಮಹಾಕಾಳಿ ದೇವಸ್ಥಾನ, ಶ್ರೀ ಮಂಜುನಾಥ ಉಪಾಧ್ಯ, ಪರ್ಕಳ, ಅಧ್ಯಕ್ಷರು, ಉಡುಪಿ ತಾಲೂಕು ಬ್ರಾಹ್ಮಣ ಮಹಾಸಭಾ, ನಾರಾಯಣ ಬಲ್ಲಾಳ್, ಅಧ್ಯಕ್ಷರು, ಕೊಡವೂರು ಬ್ರಾಹ್ಮಣ ಮಹಾಸಭಾ ಹಾಗೂ ಮಂಜುನಾಥ ಭಟ್, ಕಾರ್ಯಾಧ್ಯಕ್ಷರು, ರಜತೋತ್ಸವ ಸಮಿತಿ ಉಪಸ್ಥಿತರಿತ್ತೆರ್. ಯಾಗದ ಸಂಪೂರ್ಣ ಹೊಣೆ ದೆತೊಂದ್ ವ್ಯವಸ್ಥೆ ಮಲ್ದಿನ ಸಂಸ್ಥೆದ ಧಾರ್ಮಿಕ ಕಾರ್ಯದರ್ಶಿ ಶ್ರೀ ಲಕ್ಷ್ಮೀ ನಾರಾಯಣ ಭಟ್ ಮೆರೆನ್ ಗುರುತಿಸಾದ್ ಅಭಿನಂದನೆ ಮಲ್ತೆರ್. ಡಾ|| ಶ್ರೀಕಾಂತ ಆಚಾರ್ಯ ಕಾರ್ಯಕ್ರಮದ ನಿರೂಪಣೆ ಮಲ್ತೆರ್, ಸುಧೀರ್ ರಾವ್, ಸಂಘಟನಾ ಕಾರ್ಯದರ್ಶಿ ಸನ್ಮಾನಿತೆರೆನ ಪರಿಚಯ ಮಲ್ತೆರ್. ಚಂದ್ರಶೇಖರ್ ರಾವ್, ಪ್ರದಾನ ಕಾರ್ಯದರ್ಶಿ ಸೊಲ್ಮೆ ಸಂದಾಯ್ತ ಮಲ್ತೆರ್.
by 