ಉಡುಪಿ ಪೇಜಾವರ ಮಠಟ್ ವಿಶ್ವೇಶತೀರ್ಥ ಸಂಸ್ಕರಣೆ


‌

ದೇಶ ಸೇವೆ ಈಶ ಸೇವೆಡ್ ಸಾರ್ಥಕ್ಯ ತೂಯಿನ ಶ್ರೇಷ್ಠ ತಪಸ್ವಿಲು ಶ್ರೀ ವಿಶ್ವೇಶತೀರ್ಥೆರು – ಶ್ರೀ ವಿದ್ಯಾಧೀಶತೀರ್ಥ ಶ್ರೀ

ಪೇಜಾವರ ಶ್ರೀ ಕೀರ್ತಿಶೇಷ ಪದ್ಮವಿಭೂಷಣ ಶ್ರೀ ವಿಶ್ವೇಶತೀರ್ಥ ಶ್ರೀಪಾದರೆನ ಚತುರ್ಥ ಆರಾಧನೋತ್ಸವದ ಪ್ರಯುಕ್ತ ಉಡುಪಿ ಪೇಜಾವರ ಮಠಟ್ ಐತಾರ ಗುರುಸಂಸ್ಮರಣಾ ಕಾರ್ಯಕ್ರಮ ನಡತುಂಡ್ .
ಶ್ರೀ ಪಲಿಮಾರು ಮಠಾಧೀಶೆರಾಯಿನ ಶ್ರೀ ವಿದ್ಯಾಧೀಶತೀರ್ಥ ಶ್ರೀಪಾದೆರು ಬೊಕ್ಕ ಶ್ರೀ ವಿದ್ಯಾರಾಜೇಶ್ವರ ತೀರ್ಥ ಶ್ರೀಪಾದೆರು ದಿವ್ಯಸಾನ್ನನಿಧ್ಯವಹಿಸಾದ್ ಶ್ರೀ ವಿಶ್ವೇಶತೀರ್ಥ ಶ್ರೀಪಾದೆರೆನ ದಿವ್ಯ ಪಾದುಕೆ ಬೊಕ್ಕ ಸಾಲಂಕೃತ ಭಾವಚಿತ್ರಗ್ ಮಂಗಳಾರತಿ ಬೆಳಗಿಯೆರು .
ಈ ಸಂದರ್ಭ ಸಂಸ್ಮರಣ ಸಂದೇಶ ಕೊರಿನ ಶ್ರೀ ವಿದ್ಯಾರಾಜೇಶ್ವರತೀರ್ಥೆರು ಶ್ರೀಕುಲು ಪರಮಕಾರುಣ್ಯಮೂರ್ತಿಯಾದಾತ್ತುದ್ ಸಜ್ಜನ ಬೊಕ್ಕ ವಿದ್ವತ್ಪಕ್ಷಪಾತಿಯಾದಿತ್ತೆರು ‌. ಕಿರಿಯೆರು ಹಿರಿಯೆರೆನ ಮಿತ್ತ್ ಏಕ‌ಪ್ರಕಾರದ ಪ್ರೀತಿ ಅಭಿಮಾನಲೆನ್ ಧಾರೆಯೆರೆದಿನೇಕ್ ತಾನೇ ಸಾಕ್ಷಿ ಪಂಡೆರು .

ಶ್ರೀ ವಿದ್ಯಾಧೀಶತೀರ್ಥೆರು ಪಾತೆರ್ದ್ ಶ್ರೀಕುಲು ನಡಪಾಯಿನ ಲೋಕೋತ್ತರ ಕಾರ್ಯಲು ಬೊಕ್ಕ ಆ ನೆಲೆಟೇ ಪಡೆಯಿನ ಅಪಾರ ಮನ್ನಣೆಲೆನ್ ಸ್ಮರಿಸಾದ್ ಅಯೋಧ್ಯೆಡ್ ರಾಮಮಂದಿರ ನಿರ್ಮಾಣದ ಪಿರಾವುಡ್ ಅರೆನ ದೂರದೃಷ್ಟಿ ಬೊಕ್ಕ ಕ್ರತುಶಕ್ತಿದ ಪರಿಣಾಮ ಭವ್ಯ ರಾಮಂಮದಿರ ನಿರ್ಮಾಣದ ದಿವ್ಯವಸಂದರ್ಭನ್ ದೇಶಗ್ ಕನತ್ ಕೊರ್ತುಂಡ್ . ಅಂಚಿನ ಮಹಾನುಭಾವೆರೆನ ಸ್ಮರಣೆ ಅತ್ಯಂತ ಶ್ರೇಯಸ್ಕರ ಪಂಡುದ್ ತೆರಿಪಾದ್ ಪತ್ತು ಬಾರಿ ರಾಮತಾರಕ ಮಂತ್ರನ್ ಸಾಮೂಹಿಕವಾದ್ ಬೋದನೆ ಮಲ್ತೆರು ‌.
ಮಠದ ದಿವಾನರಾಯಿನ ಎಂ ರಘುರಾಮಾಚಾರ್ಯ , ಸಿ ಇ ಒ ಸುಬ್ರಹ್ಮಣ್ಯ ಭಟ್ ಬೊಕ್ಕ ಮಠದ ವಿದ್ಯಾರ್ಥಿಲು ಉಭಯ ಶ್ರೀಕ್ಲೆನ್ ಆದರಡ್ ಬರಮಲ್ತೊಂದ್ ಭಕ್ತಿ ಗೌರವ ಸಮರ್ಪಣೆ ಮಲ್ತೆರು . ವಿದ್ವಾಂಸರಾಯಿನ ರಾಮಚಂದ್ರ ಭಟ್ ಗೋಪಾಲ ಜೋಯಿಸ್ , ಬಾಲಕೃಷ್ಣ ಭಟ್ ನೀರೆ , ಹೆರ್ಗ ಹರಿಪ್ರಸಾದ , ನರಸಿಂಹ ಭಟ್ , ವಿಧಾನ‌ಪರಿಷತ್ ವಿಪಕ್ಷ ನಾಯಕ ಕೋಟ ಶ್ರೀನಿವಾಸ ಪೂಜಾರಿ ಪ್ರೊ ಎಂ ಬಿ ಪುರಾಣಿಕ್ , ಮಾಜಿ ಶಾಸಕ ರಘುಪತಿ ಭಟ್ ಉಮೇಶ್ ರಾವ್ , ಮುರಲಿ ಕಡೆಕಾರ್ ಎಸ್ ವಿ ಭಟ್ ಗಂಗಾಧರ ರಾವ್ , ಪದ್ಮನಾಭ ಭಟ್ , ರಾಘವೇಂದ್ರ ಕಿಣಿ , ಮಠದ ಕೊಟ್ಟಾರಿ ಸಂತೋಷ ಭಟ್ , ವ್ಯವಸ್ಥಾಪಕ ಇಂದುಶೇಖರ , ವೇದವ್ಯಾಸ ಭಟ್ ಕೃಷ್ಣ ಸಾಮಗ , ಸುಬ್ರಹ್ಮಣ್ಯ ಹೆಬ್ಬಾರ್ ಮೊಕುಲು ಇತ್ತೆರು . ವಾಸುದೇವ ಭಟ್ ಪೆರಂಪಳ್ಳಿ ಕಾರ್ಯಕ್ರಮ ನಿರೂಪಣೆ ಮಲ್ತೆರು ‌