ಪೆರ್ಣಂಕಿಲ ದೇವಳದ ಜೀರ್ಣೋದ್ಧಾರ ಗ್ ಭೂಮಿಪೂಜೆ.

ಪೆರ್ಣಂಕಿಲ ದೇವಳದ ಜೀರ್ಣೋದ್ಧಾರಗ್ ಭೂಮಿ ಪೂಜೆ
ಶ್ರೀ ಮಹಾಲಿಂಗೇಶ್ವರ ಶ್ರೀ ಮಹಾಗಣಪತಿ ದೇವಳದ ಸಮಗ್ರ ಜೀರ್ಣೋದ್ಧಾರ ಕಾರ್ಯ ಸುರು..

ಉಡುಪಿ
ಪೇಜಾವರ ಮಠದ ಆಡಳಿತಡುಪ್ಪುನ , ಸುಮಾರು 10ನೇ ಶತಮಾನಡ್ ಆಳುಪ ವಂಶದ ರಾಣಿ ಬಲ್ಲಾ ಮಹಾದೇವಿ ನಿರ್ಮಾಣ ಮಲ್ದಿನ ಪೆರ್ಣಂಕಿಲ ಗ್ರಾಮದ ಮಹಾಲಿಂಗೇಶ್ವರ – ಮಹಾಗಣಪತಿ ದೇವಳದ ಸಮಗ್ರ ಜೀರ್ಣೋದ್ಧಾರ ಕಾರ್ಯೊಗ್ ಗುರುವಾರ ಶಂಕುಸ್ಥಾಪನೆ ನಡತುಂಡ್.
ಊರುದ ಭಕ್ತಾಭಿಮಾನಿಲೆನ ಉಪಸ್ಥಿತಿಡ್ ಸಾಮೂಹಿಕ ಪ್ರಾರ್ಥನೆಡ್ ಬೊಕ್ಕ , ಪೇಜಾವರ ಮಠದ ಶ್ರೀ ವಿಶ್ವಪ್ರಸನ್ನ ತೀರ್ಥ ಶ್ರೀಪಾದೆರು ಜೀರ್ಣೋದ್ಧಾರ ಕಾರ್ಯಗ್ ಭೂಮಿ ಪೂಜೆ ಮಲ್ತೆರ್.
ಈ ಸಂದರ್ಭಡ್ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷ ವಿದ್ವಾನ್ ಹರಿದಾಸ ಭಟ್, ಪ್ರ.ಕಾರ್ಯದರ್ಶಿ ಶ್ರೀಶ ನಾಯಕ್ ಪೆರ್ಣಂಕಿಲ, ಪೇಜಾವರ ಮಠದ ದಿವಾನೆರಾಯಿನ ಸುಬ್ರಹ್ಮಣ್ಯ ಭಟ್ ಸಗ್ರಿ, ದೇವಳದ ಸಾರ್ವಜನಿಕ ಸಂಪರ್ಕಾಧಿಕಾರಿ ಹರೀಶ ಸರಳಾಯ, ದೇವಸ್ಥಾನದ ತಂತ್ರಿ ಮಧುಸೂದನ ತಂತ್ರಿ, ವ್ಯವಸ್ಥಾಪಕೆರಾಯಿನ ಸುರೇಶ ತಂತ್ರಿ, ಸಮಿತಿದ ಪದಾಧಿಕಾರಿಲಾಯಿನ ಸುವರ್ಧನ ನಾಯಕ್, ಸದಾನಂದ ಪ್ರಭು, ವಸಂತ ಶೆಟ್ಟಿ ಕುದಿ, ಉಮೇಶ್ ನಾಯಕ್, ಮಹೇಶ್ ಕುಲಕರ್ಣಿ, ಸಂದೀಪ್ ನಾಯಕ್ ಹೆಬ್ಬಾಗಿಲು ಮೊಕುಲು ಉಪಸ್ಥಿತರಿತ್ತೆರ್ .
ಸುಮಾರು 10 ಕೋಟಿ ರು. ವೆಚ್ಚೊಡ್ ನಡತೊಂದುಪ್ಪುನ ಈ ಜೀರ್ಣೋದ್ದಾರ ಕಾರ್ಯ ದುಂಬುದ ಒಂಜಿ ವರ್ಷದುಲಾಯಿ ಪೂರ್ಣ ಆವರೆಗುಂಡ್. ಒಂಜೇ ಪ್ರಾಕರದುಲಾಯಿ ಪೂರ್ವಾಭಿಮುಖವಾದ್ ಮಹಾಲಿಂಗೇಶ್ವರ ಬೊಕ್ಕ ಪಶ್ಚಿಮಾಭಿಮುಖವಾದ್ ಉದ್ಭವ ಮಹಾಗಣಪತಿ ದೇವಾಲಯ ಉಪ್ಪುನವ್ ಮುಲ್ಪದ ವಿಶೇಷತೆಯಾದುಂಡ್.