ದೇವಸ್ಥಾನಲೆಡ್ ಶಿಲಾ ವಿಗ್ರಹ ಪ್ರತಿಮೆಲೆಡ್ ದೇವೆರೆನ ಶಕ್ತಿನ್ ದಿಂಜಾದ್ ಆರಾಧನೆ ನಡಪುಂಡ್ . ಪೆತ್ತದ ಮೈ ಟ್ ದೇವಾನುದೇವತೆಲೆನ ಸನ್ನಿಧಾನ ನಿತ್ಯ ಜಾಗೃತವಾದುಪ್ಪುಂಡ್ . ಚೈತನ್ಯ ದಿಂಜಿನ ವಿಗ್ರಹದಾತೇ ಪೆತ್ತೊಲು ಪ್ರಮುಖವಾದುಪ್ಪುಂಡ್ . ಅಂಚಾದ್ ದೇವಳದ ಜೀರ್ಣೋದ್ಧಾರಗ್ ಕೊರ್ಪಿನಾತ್ ಪ್ರಾಮುಖ್ಯತೆನ್ ಗೋಶಾಲೆದ ನಿರ್ಮಾಣ , ನವೀಕರಣಗ್ ಕೊರೊಡು ಪಂಡುದ್ ಗೋವರ್ಧನಗಿರಿ ಟ್ರಸ್ಟ್ ಮುಖ್ಯಸ್ಥೆರಾಯಿನ ಶ್ರೀ ಪೇಜಾವರ ಮಠಾಧೀಶ ಶ್ರೀ ವಿಶ್ವಪ್ರಸನ್ನತೀರ್ಥ ಶ್ರೀಪಾದೆರು ಲೆಪ್ಪು ಕೊರ್ತೆರ್.
ಟ್ರಸ್ಟ್ ವತಿಡ್ದ್ ನಡಪುನ ಉಡುಪಿ ಕೊಡವೂರು ಕೈತಲುಡುಪ್ಪುನ ನಂದಗೋಕುಲ ಗೋಶಾಲೆದ ಪೊಸ ಕಟ್ಟಡಗ್ ಮಂಗಳವಾರ ಶಿಲಾನ್ಯಾಸ ಮಲ್ತುದ್ ಸಂದೇಶ ಕೊರಿಯೆರ್ .
ಕೆ ಎಂ ಎಫ್ ಅಧ್ಯಕ್ಷ ಕೆ ರವಿರಾಜ ಹೆಗ್ಡೆ , ಆಸ್ಟ್ರೇಲಿಯಾ ಡ್ ಯೋಗ ಶಿಕ್ಷಕೆರಾದುಪ್ಪುನ ರಾಜೇಂದ್ರ ಎಂಕಣ್ಣಮೂಲೆ ಶುಭ ಕೋರುದ್ ಪಾತೆರಿಯೆರ್.. ಬಡಾನಿಡಿಯೂರುದ ಬಾಲಯ್ಯ ಕುಟುಂಬಿಕರ ಪಂಜುರ್ಲಿ ಟ್ರಸ್ಟ್ ಮುಖ್ಯಸ್ಥ , ದಾನಿ ಉಮೇಶ್ ರಾವ್ , ಕೊಡವೂರು ಶಂಕರನಾರಾಯಣ ದೇವಳದ ವ್ಯವಸ್ಥಾಪನಾ ಸಮಿತಿ ಸದಸ್ಯೆರಾಯಿನ ಕೆ ಸುಧೀರ್ ರಾವ್ , ನಗರಸಭಾ ಸದಸ್ಯೆರಾಯಿನ ವಿಜಯ್ ಕೊಡವೂರು , ಡಾ ಸರ್ವೋತ್ತಮ ಉಡುಪ , ನಾಗರಾಜ ಪುರಾಣಿಕ್ , ಇಂಜಿನಿಯರ್ ರಾಜೇಂದ್ರ ಮಯ್ಯ , ಚಂದ್ರಶೇಖರ್ , ಗೋಶಾಲೆ ನಿರ್ವಾಹಕಿ ಪ್ರಮೀಳಾ ಜೋಶಿ ಮೊಕುಲು ಉಪಸ್ಥಿತರಿತ್ತುದ್ ಶಿಲಾನ್ಯಾಸ ಮಲ್ತೆರ್ .
ಈ ಗೋಶಾಲೆ ಒಂದೂವರೆ ಎಕ್ರೆ ಪ್ರದೇಶಡ್ 1984 ಡ್ ಪೇಜಾವರ ಮಠದ ಶ್ರೀ ವಿಶ್ವೇಶತೀರ್ಥ ಶ್ರೀಪಾದೆರು ಸ್ಥಾಪನೆ ಮಲ್ದಿನ ಸುರುತ್ತ ಗೋಶಾಲೆಯಾದಿತ್ತುದ್ 150 ಪೆತ್ತೊಲೆನ ಆರೈಕೆ ಆವೊಂದುಂಡ್. .
ಪ್ರಸ್ತುತ ಪೊಸತ್ತಾದ್ ಒಂಜಿ ಕೋಟಿ ವೆಚ್ಚಡ್ ಪೊಸ ಕಟ್ಟಡ ನಿರ್ಮಾಣ ಮಲ್ಪುನ ಉದ್ದೇಶ ದೀಯೊಂದುಂಡ್ ಪಂಡುದ್ ಟ್ರಸ್ಟ್ ವ್ಯವಸ್ಥಾಪಕ ರಘುರಾಮಾಚಾರ್ಯ ವಿವರಣೆ ಕೊರಿಯೆರ್.
ಜಾಗೆಡೇ ಪಣವುದ ಸಹಕಾರ ಕೊರಿನ ಮಹನೀಯೆರು
ಕಾರ್ಯಕ್ರಮಡ್ ಉಪಸ್ಥಿತರಿತ್ತಿನ ಆಸ್ಟ್ರೇಲಿಯಾ ದ ಯೋಗ ಶಿಕ್ಷಕ ರಾಜೇಂದ್ರ ಎಂಕಣ್ಣಮೂಲೆ ಎರಡು ಲಕ್ಷರೂ , ಕೆ ಎಂ ಎಫ್ ಪರವಾಗಿ ಅಧ್ಯಕ್ಷ ರವಿರಾಜ ಹೆಗ್ಡೆ ಒಂದು ಲಕ್ಷ ರೂ ದೇಣಿಗೆ ಹಸ್ತಾಂತರ ಮಲ್ತೆರ್.
ವಾಸುದೇವ ಭಟ್ ಪೆರಂಪಳ್ಳಿ ಸ್ವಾಗತ ಮಲ್ತುದ್ ಕಾರ್ಯಕ್ರಮ ನಿರ್ವಹಣೆ ಮಲ್ತೆರ್. . ವೇಣುಗೋಪಾಲ ಸಾಮಗೆರು ಧಾರ್ಮಿಕ ವಿಧಿ ಮಲ್ತೆರ್. ಕೃಷ್ಣ ಭಟ್ , ವಿಷ್ಣುಮೂರ್ತಿ ಆಚಾರ್ಯ , ಪ್ರಾಣೇಶ್ ಜೋಶಿ ಸಹಕಾರ ಕೊರಿಯೆರ್ .
by 