ಪುತ್ತಿಗೆ ಶ್ರೀಪಾದೆರೆಗ್ ದ್ವಾರಕೆಡ್ ಪೌರಾಭಿನಂದನೆ..

ಪುತ್ತಿಗೆ ಶ್ರೀಪಾದರಿಗೆ ದ್ವಾರಕೆ ಪೌರಾಭಿನಂದನೆ:-
ಭಾವಿ ಪರ್ಯಾಯ ಶ್ರೀ ಪುತ್ತಿಗೆ ಮಠಾಧೀಶೆರಾಯಿನ ಶ್ರೀ ಶ್ರೀ ಸುಗುಣೇಂದ್ರ ತೀರ್ಥ ಶ್ರೀಪಾದೆರು ಶಿಷ್ಯ ಶ್ರೀ ಸುಶ್ರೀಂದ್ರ ತೀರ್ಥ ಶ್ರೀಪಾದೆರೆನೊಟ್ಟುಗ್ ಪರ್ಯಾಯ ಪೂರ್ವಭಾವಿ ಭಾರತ
ಪರಿಕ್ರಮ ಯಾತ್ರೆಡ್ ಮೋಕ್ಷಪ್ರದ ದ್ವಾರಕಾ ಕ್ಷೇತ್ರ ಯಾತ್ರೆ ನಡಪಾದ್ ಗೋಮತಿ ನದಿ ಸಾಗರಸಂಗಮ ತೀರ್ಥ ಸ್ಥಾನ ಮಲ್ತೆರ್..

ಭಕ್ತೆರೆನೊಟ್ಟುಗ್ ದ್ವಾರಕಾಧೀಶ ಕೃಷ್ಣನ ದರ್ಶನ ಮಲ್ತೆರ್.

ಪಲಿಮಾರು ಮಠದ ದ್ವಾರಕಾ ಶಾಖೆ ಮಧ್ವ ಮಠಟ್ ಶ್ರೀ ಉಪೇಂದ್ರ ವಿಠಲ ದೇವರ ಸಂಸ್ಥಾನ ಪೂಜೆನ್ ಮಲ್ತೆರ್.

ಬಯ್ಯಗ್ ನಡತಿನ ಸರಳ ಸಮಾರಂಭಡ್ ದ್ವಾರಕೆದ ಪೌರಾಭಿನಂದನೆನ್ ದ್ವಾರಕೆದ ಮಾಜಿ ಮೇಯರ್ ದ್ವಾರಕಾ ಬ್ರಾಹ್ಮಣ ಸಮಾಜದ ಪ್ರಮುಖ ಭಾರತ್ ಕರಾಡಿದ ,ಆರ್ ಎಸ್ ಎಸ್ ತಾಲೂಕು ಪ್ರಚಾರಕರಾಯಿನ ಮಹೇಶ್ ವ್ಯಾಸ ,ಆರ್ ಎಸ್ ಎಸ್ ಜಿಲ್ಲಾ ಕಾರ್ಯವಾಹಕ ಜಗದೀಶ್ ಬಾಯಿ, ದೇವಸ್ಥಾನದ ರಕ್ಷಣಾ ಮುಖ್ಯಸ್ಥೆರು, ನಗರಸಭಾ ಸದಸ್ಯೆರು ಬೊಕ್ಕ ಬೋಲೇ ಬಾಬಾ ವಾಸ್ತು ಭಂಡಾರ ಉದ್ಯಮಿ ಭಾವಿ ಪರ್ಯಾಯ ಶ್ರೀಪಾದೆರೆಗ್ ಗುರುವಂದನೆನ್ ಸಮರ್ಪಿಸಾಯೆರು.

ದ್ವಾರಕಾ ಪೌರಾಭಿನಂದನೆನ್ ಸ್ವೀಕಾರ ಮಲ್ತಿನ ಪುತ್ತಿಗೆ ಶ್ರೀಕುಕು ಉಡುಪಿಗುಲಾ ದ್ವಾರಕೆಗುಲಾ ಶ್ರೀ ಮಧ್ವಾಚಾರ್ಯರೆಗುಲಾ ಇಪ್ಪುನ ಸಂಬಂಧೊನ್ ತೆರಿಪಾದ್ ಪರ್ಯಾಯ ಮಹೋತ್ಸವದ ಸಂದರ್ಭಡ್ ಉಡುಪಿಗ್ ದ್ವಾರಕಾಧೀಶನ ಪ್ರಸಾದನ್ ಕನವರೆಗ್ ಅಪೇಕ್ಷೆ ಮಲ್ತೆರ್.

ದ್ವಾರಕೆದ ಮಾತಾ ಭಕ್ತೆರು ಗಣ್ಯೆರು ಉಡುಪಿಗ್ ಬರ್ರೆಗ್ ಪರ್ಯಾಯ ರಾಯಸನ್ ಕೊರ್ದ್ ಆಹ್ವಾನ ಮಲ್ತೆರು .

ಕಿರಿಯ ಶ್ರೀಪಾದೆರು ದ್ವಾರಕೆದ ಮಹಿಮೆನ್ ತೆರಿಪಾಯೆರು. ಸಾರ ಭಕ್ತೆರು ಕೋಟಿ ಗೀತಾಲೇಖನ ಯಜ್ಞ ದೀಕ್ಷಾ ಬದ್ಧರಾಯೆರು .

ದ್ವಾರಕೆದ ಪಲಿಮಾರು ಮಠದ ವ್ಯವಸ್ಥಾಪಕ ಶ್ರೀ ರಮೇಶ್ ಭಟ್ ಕಾರ್ಯಕ್ರಮ ಸಂಯೋಜನೆ ಮಲ್ತೆರ್ .ಪುತ್ತಿಗೆ ಮಠದ ಗೀತಾ ಪ್ರಚಾರಕ ಶ್ರೀ ರಮೇಶ ಭಟ್ ಕಾರ್ಯಕ್ರಮ ನಿರೂಪಣೆ ಮಲ್ತೆರು.