ರಾಮಕ್ರಷ್ಣ ಭಜನಾ ಮಂಡಳಿ ಕುತ್ಪಾಡಿ ಸುವರ್ಣ ಮಹೋತ್ಸವ ಕಜ್ಜೊದ ಉದಿಪನ..

ಸುವರ್ಣಮಹೋತ್ಸವ ಸಮಿತಿ
ಶ್ರೀ ರಾಮಕೃಷ್ಣ ಯಕ್ಷಗಾನ ಕಲಾ ಮಂಡಳಿ ಆಶ್ರಯ: ಬಿಲ್ಲವ ಸೇವಾ ಸಂಘ(ರಿ)ಶ್ರೀ ರಾಮಕೃಷ್ಣ ಭಜನಾ ಮಂದಿರ ಕುತ್ಪಾಡಿ ನೆತ್ತ ಸುವರ್ಣಮಹೋತ್ಸವ ಕಾರ್ಯಕ್ರಮದ ಉದಿಪನ ಸಮಾರಂಭ ಬಾರೀ ಗೌಜಿಡ್ ನಡತುಂಡ್.
ಉದಿಪನ ಮಲ್ತುದ್ ಪಾತೆರಿನ ಡಾ. ನಿ. ಬೀ. ವಿಜಯ ಬಲ್ಲಾಳ್ ಧರ್ಮದರ್ಶಿ ಶ್ರೀ ಜನಾರ್ಧನ ಮಹಾಕಾಳಿ ದೇವಸ್ಥಾನ ಅಂಬಲಪಾಡಿ ಮೇರ್ ಮಂಡಳಿ ಒಂಜಿ ಎಡ್ಡೆ ತಂಡೊನ್ ಕಟ್ಟುದ್ ಗ್ರಾಮೀಣ ಭಾಗೊಡ್ ಯಶಸ್ವಿ ಕಾರ್ಯಕ್ರಮಲೆನ್ ಕೊರ್ಪಿನವ್ ಶ್ಲಾಘನೀಯ ಈ ಸಂಸ್ಥೆ ನನಲಾತ್ ಮಿತ್ತ್ ಬರಡ್ ಪಂಡೆರ್. ತಮ್ಮ ಸಂಸ್ಥೆದ ವತಿಡ್ದ್ ನಿಡಂಬೂರು ಬೀಡು ಅಣ್ಣಾಜಿ ಬಲ್ಲಾಳ ಪ್ರಶಸ್ತಿನಗ ಕೊರ್ಪಿನ ಬಗ್ಗೆ ಈ ಸಂದರ್ಭಡ್ ಘೋಷಣೆ ಮಲ್ತೆರ್.
ಮುರಳಿ ಕಡೆಕಾರು ಕಾರ್ಯದರ್ಶಿ ಯಕ್ಷಗಾನ ಕಲಾರಂಗ ಮೇರು ಮನವಿಪತ್ರ ಬುಡುಗಡೆ ಮಲ್ತುದ್ ಬಾಲ್ಯಡಿಂಚಿಲಾ ತಾನು ಮಂಡಳಿದ ಸಾಧನೆನ್ ಕೈತಲುಡ್ ತೂತರ. ಜಾತಿ ಮತ ಬೇದ ದಾಂತೆ ಮೊಕುಲು ಮಲ್ಪುನ ಸೇವೆ ಅಭಿನಂದನೀಯ ಪಂಡೆರ್.
ಉದ್ಯಮಿ ರಾಮಚಂದ್ರ ಕಿದಿಯೂರು ಸಭೆತ್ತ ಅಧ್ಯಕ್ಷತೆಡಿತ್ತುದ್ ಯಕ್ಷಗಾನ ಗುರುಕುಲಾಯಿನ ತೋನ್ಸೆ ಜಯಂತ ಕುಮಾರ್ ಆಶೀರ್ವವಚನ ಕೊರಿಯೆರ್. ಈ ಸಂದರ್ಭಡ್ ಭಾರತೀಯ ಸೇನೆಡ್ ಉನ್ನತ ಸ್ಥಾನೊಡುಪ್ಪುನ ಮೇಜರ್ ಕಾರ್ತಿಕ್ ಕರುಣಾಕರ ಪೂಜಾರಿ ಮೆರೆನ್ ಮಾನಾದಿಗೆ ಮಲ್ತೆರ್..
ವೇದಿಕೆಡ್ ಮನೋಹರ ಬಂಗೇರ ಸತ್ಯ ಯುಗ ಯೋಗಾಶ್ರಮ ಕುತ್ಪಾಡಿ, ಕೋಶಾಧಿಕಾರಿ ಶೇಖರ ಅಂಚನ್, ಕಡೆಕಾರು ಗ್ರಾಮ ಪಂಚಾಯತ್ ಉಪಾಧ್ಯಕ್ಷ ನವೀನ್ ಶೆಟ್ಟಿ ಮೊಕುಲು ಉಪಸ್ಥಿತರಿತ್ತೆರ್.
ಸುವರ್ಣಮಹೋತ್ಸವ ಸಮಿತಿದ ಅಧ್ಯಕ್ಷೆರಾಯಿನ ಕುತ್ಪಾಡಿ ವಿಠಲ ಗಾಣಿಗ ಸ್ವಾಗತ ಮಲ್ತುದ್ ಸಂಘದ ಅಧ್ಯಕ್ಷೆರಾಯಿನ ಹರೀಶ್ ಸುವರ್ಣ ಪ್ರಸ್ತಾವನೆ ಮಲ್ತೆರ್. ಪ್ರಧಾನ ಕಾರ್ಯದರ್ಶಿ ನಾರಾಯಣ ಬಿ.ಎಸ್. ಮನವಿ ಪತ್ರ ಓದಿಯೆರ್. ಸುರೇಶ್ ಸುವರ್ಣ ವಂದನಾರ್ಪಣೆ ಮಲ್ತುದ್ ದಿವಾಕರ ಕೆ. ಬೊಕ್ಕ ಡಾ. ಮಮತಾ ಹರೀಶ್ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.
ಸಭಾಕಜ್ಜೊಡ್ ಬೊಕ್ಕ ಸಂಜೀವ ಸುವರ್ಣ ಬನ್ನಂಜೆ ಮೆರೆನ ನಿರ್ದೇಶನಡ್ ಯಕ್ಷಗಾನ ಕೇಂದ್ರ ಇಂದ್ರಾಳಿ ಮುಲ್ಪದ ವಿದ್ಯಾರ್ಥಿಲೆಡ್ದ್ “ಯಕ್ಷೋತ್ತಮ ಕಾಳಗ” ಯಕ್ಷಗಾನ ಪ್ರದರ್ಶನ ನಡತುಂಡ್.