ನಿಟ್ಟೂರು ರಾಮಭಕ್ತೆರೆಡ್ದ್ ರಾಮೋತ್ಸವ.

ಅಯೋದ್ಯೆಡ್ ಶ್ರೀರಾಮನ ಪ್ರಾಣಪ್ರತಿಷ್ಠೆ ಹಿನ್ನಲೆಡ್ ಸೋಮವಾರ ನಿಟ್ಟೂರು ಶ್ರೀ ಸೋಮನಾತೇಶ್ವರ, ವಿಷ್ಣುಮೂರ್ತಿ ದೇವಸ್ಥಾನಡ್ ಕಾಂಡೆಡ್ದ್ ರಾತ್ರೆಮುಟ್ಟ ಭಕ್ತಿಸಂಭ್ರಮದೊಟ್ಟುಗ್ ರಾಮೋತ್ಸವ ನಡತುಂಡ್.

ಕಾಂಡೆ 10 ಗಂಟೆಡ್ದ್ ಭಜನಾ ತಂಡಲೆಡ್ದ್ ಭಜನೆ, ಮದ್ಯಾಹ್ನ 12.20 ಡ್ದ್ 12.55 ಮುಟ್ಟ ಶ್ರೀ ಸೋಮನಾತೇಶ್ವರ ಬೊಕ್ಕ ವಿಷ್ಣುಮೂರ್ತಿ ದೇವರೆಗ್ ವಿಶೇಷ ಪೂಜೆ ನಡತುಂಡ್. ಬೊಕ್ಕ ಮದ್ಯಾಹ್ನ 1 ಗಂಟೆಡ್ದ್ ಪ್ರಾರಂಭವಾಯಿನ ಅನ್ನಸಂತರ್ಪಣೆಡ್ ಸುಮಾರು 3000 ಗುಲಾ ಜಾಸ್ತಿ ಭಕ್ತೆರು ಅನ್ನಪ್ರಸಾದ ಸ್ವೀಕಾರ ಮಲ್ತೆರು.

ಬಯ್ಯಗ್ 4.30 ಗಂಟೆಗ್ ಮುದ್ದುರಾಮ ಸ್ಪರ್ಧೆ 6.30 ಗಂಟೆಡ್ದ್ ರಾತ್ರೆ 9.30 ಮುಟ್ಟ ಕುಣಿತ ಭಜನಾ ಕಾರ್ಯಕ್ರಮ ನಡತುಂಡ್. .ರಾತ್ರೆ ದೇವಸ್ಥಾನ, ದೈವಸ್ಥಾನ, ಪ್ರತೀ ರಸ್ತೆ ಬೊಕ್ಕ ಇಲ್ಲಡ್ ದೀಪೋತ್ಸವ ಆಚರಣೆ ಮಲ್ತೆರ್.

ಈ ಮಾತಾ ಕಾರ್ಯಕ್ರಮಡ್ ಊರುದ ಮಾತಾ ಸಂಘ ಸಂಸ್ಥೆಲು, ಮಾತಾ ಹಿಂದೂ ಸಂಘಟನೆಲು, ಊರುದ ಮಾತಾ ಮಹನೀಯೆರು ಸಕ್ರಿಯವಾದ್ ಪಾಲ್ ಪಡೆಯೆರ್.