ಜ್ಞಾನಜ್ಯೋತಿಡ್ ರಾಮೋತ್ಸವ.

ಅಯೋಧ್ಯೆಡ್ ಶ್ರೀ ರಾಮಮಂದಿರ ಲೋಕಾರ್ಪಣೆ ಬೊಕ್ಕ ರಾಮಲಲ್ಲನ ಪ್ರಾಣಪ್ರತಿಷ್ಠೆದ ಅಂಗವಾದ್ ಮಲ್ಪೆ ಕಡಲತೀರದ ಜ್ಞಾನಜ್ಯೋತಿ ಭಜನಾಮಂದಿರಡ್ ಜೋಕ್ಲೆಗ್ ಮುದ್ದುರಾಮ ಪಂತೊ ಬೊಕ್ಕ ಛದ್ಮವೇಷ ಪಂತೊ ನಡತುಂಡ್.

ಉಜ್ವಲ್ ಡೆವಲಪರ್ಸ್ ದ ಅಜಯ್ ಶೆಟ್ಟಿ ಕಜ್ಜೊದ ಉದಿಪನ ಮಲ್ತುದ್ ಎಡ್ಡೆಪ್ಪು ಬಯಕಿಯೆರ್. ಕಜ್ಜೊಡ್ ಮಂದಿರದ ಅಧ್ಯಕ್ಷೆರಾಯಿನ ಜ್ಞಾನೇಶ್ವರ್ ಕೋಟ್ಯಾನ್, ಮಹಿಳಾ ಘಟಕದ ಅಧ್ಯಕ್ಷೆರಾಯಿನ ಸುಮಂಗಳ ಸದಾನಂದ್, ಶಶಿಧರ್ ಕುಂದರ್, ರಾಧಾಕ್ರಷ್ಣ ಮೆಂಡನ್, ರಂಜಿತ್ ಶೆಟ್ಟಿ ಉಪಸ್ಥಿತರಿತ್ತೆರ್. ಈಜುಪಟು ಶ್ರೀ ಗಂಗಾಧರ್ ಖಾರ್ವಿ ಬೊಕ್ಕ ಶ್ರೀಮತಿ ಯಶೋದ ಕೇಶವ್ ಪಂತೊದ ತೀರ್ಪುಗಾರೆರಾದಿತ್ತೆರ್. ಪಾಂಡುರಂಗ ಮಲ್ಪೆ ನಿರೂಪಣೆ ಮಲ್ತೆರ್.