ಸಾಸ್ ರಾಜ್ಯಕಾರ್ಯಕಾರಿಣಿ ಸಭೆ.

ಶಬರಿಮಲೆ ಅಯ್ಯಪ್ಪ ಸೇವಾ ಸಮಾಜಂ ದ ರಾಜ್ಯ ಕಾರ್ಯಕಾರಿಣಿ ಸಭೆ  25/08/2024 ನೇ ಐತಾರ ಕಾಂಡೆ ಶ್ರೀ ಮಹಾಲಕ್ಷ್ಮಿ ದೇವಸ್ಥಾನ ಉಚ್ಚಿಲ ಡ್ ರಾಜ್ಯಾಧ್ಯಕ್ಷರಾಯಿನ ಡಾ ಜಯರಾಮ್ ಜಿ ಮೆರೆನ ಅಧ್ಯಕ್ಷತೆಡ್ ನಡತುಂಡ್. ರಾಷ್ಟ್ರೀಯ ಅಧ್ಯಕ್ಷರಾಯಿನ ಶ್ರೀಯುತ ಟಿ ಬಿ ಶೇಖರ್ ಕಾರ್ಯಕ್ರಮ ಉದಿಪನ ಮಲ್ತೆರು. ಜಿಲ್ಲಾಧ್ಯಕ್ಷರಾಯಿನ  ಶ್ರೀ ರಾದಕೃಷ್ಣ ಮೆಂಡನ್ ಸ್ವಾಗತ ಮಲ್ತೆರು.

ವೇದಿಕೆಡ್  ಸಾಸ್ ಉಡುಪಿ ಜಿಲ್ಲಾ ಗೌರವಧ್ಯಕ್ಷರಾಯಿನ ಶ್ರೀಯುತ ಹರಿಯಪ್ಪ ಕೋಟ್ಯಾನ್ ಗೌರವ ಸಲಹೆಗಾರರಾಯಿನ  ಶ್ರೀ ಆನಂದ್ ಪಿ ಸುವರ್ಣ ಮೊಗವೀರ ಮಹಾಜನ ಸಂಘದ ಅಧ್ಯಕ್ಷರಾಯಿನ  ಶ್ರೀ ಜಯ ಸಿ ಕೋಟ್ಯಾನ್ ಸಾಸ್ ದಕ್ಷಿಣ ಪ್ರಾಂತಿಯ ಕಾರ್ಯದರ್ಶಿ ಕೃಷ್ಣಯ್ಯಜಿ ಲಯನ್ಸ್ ಮಾಜಿ ಜಿಲ್ಲಾ ಗವರ್ನರ್ ಶ್ರೀ ಎನ್ ಎಮ್ ಹೆಗ್ಡೆ ರಾಜ್ಯ ಉಪಾಧ್ಯಕ್ಷರಾಯಿನ  ಶ್ರೀ ಸಂಪತ್ ಕುಮಾರ್ ಮಹಿಳಾ ಸಾಸ್ ಜಿಲ್ಲಾಧ್ಯಕ್ಷರಾಯಿನ  ತಾರಾ ಯು ಆಚಾರ್ಯ ಸಾಸ್ ಕಾಪು ತಾಲೂಕ್ ಅಧ್ಯಕ್ಷರಾಯಿನ ಶ್ರೀ ರಘುರಾಮ್ ಶೆಟ್ಟಿ ದಕ್ಷಿಣ ಕನ್ನಡ ಜಿಲ್ಲಾಧ್ಯಕ್ಷರಾಯಿನ  ಶ್ರೀ ಗಣೇಶ್ ಪೊದುವಾಲ್ ಉಪಸ್ಥಿತರಿತ್ತೆರು.

ಸಾಸ್ ಸದಸ್ಯೆರು ಸೇವಾ ಮನೋಭಾವಡ್ ಬೇತೆ  ಬೇತೆ ರಾಜ್ಯಡ್ದ್  ಬರ್ಪಿನ ಮಾಲಾದಾರಿಲೆಗ್ ಅಕ್ಲೆನ  ಜಿಲ್ಲೆಡ್ ಒವ್ವೇ  ಸಮಸ್ಯೆ ಆಯಿನಪಗ ಕೂಡಲೇ ಸ್ಪಂದಿಸಾವುನ ಕೆಲಸ ಮಲ್ಪೊಡ್.ಸ್ವಚ್ಛ ಶಬರಿಮಲೆ ಲೆತ್ತಿನ  ಸಂದರ್ಭಡ್ ಸದಸ್ಯೆರು ಹೆಚ್ಚಿನ ಸಂಖ್ಯೆಡ್ ಪಾಲ್ ಪಡೆಯೊಡು. ಗುರುಸ್ವಾಮಿಲು ಬೊಕ್ಕ  ಮಾಲಾಧಾರಿಲು ಪಿರಾಕುಡಿಂಚೀಲಾ ನಡತೊಂದ್  ಬತ್ತಿನ  ವೃತ ನಿಯಮಲೆನ್  ಕಡ್ಡಾಯವಾದ್  ಪಾಲನೆ ಮಲ್ಪುನ ಮುಖೇನ ಸ್ವಾಮಿನ  ಕೃಪೆಕ್  ಪಾತ್ರರಾವೊಡ್ ಇರುಮುಡಿಟ್  ಪ್ಲಾಸ್ಟಿಕ್ ಬಳಕೆ ಮಲ್ಪಂದಿಲೆಕ್ಕ ಬೊಕ್ಕ  ಮಹಿಳೆಯೆರುಲಾ  ಹೆಚ್ಚಿನ ಸಂಖ್ಯೆಡ್  ಈ ಸಂಘಟನೆಡ್  ಸೇರುನ  ಮೂಲಕ ಅಯ್ಯಪ್ಪ ಧರ್ಮ ರಕ್ಷಣಾ ಕಾರ್ಯಡ್ ತೊಡಗಿಸಾವೊನೊಡು ಪಂಡುದ್  ಪಂಡೆರ್. ಈ ಸಂದರ್ಭಡ್  ರಾಜ್ಯದ ಮಾತಾ  ಜಿಲ್ಲೆಲೆಡ್ದ್  ಉಡುಪಿ ಜಿಲ್ಲೆದ  ಪದಾಧಿಕಾರಿಲು ಬೊಕ್ಕ ಉಡುಪಿ ಜಿಲ್ಲೆಡ್ದ್ ಮಾತಾ ತಾಲೂಕುಡ್ದ್  ಪದಾಧಿಕಾರಿಲು ಬೊಕ್ಕ ಮಹಿಳಾ ಸಾಸ್ ಪದಾಧಿಕಾರಿಲು ಪಾಲ್ ಪಡೆಯೆರು.

ಜಿಲ್ಲಾ ಉಪಾಧ್ಯಕ್ಷರಾಯಿನ  ಶ್ರೀ ವಿಜಯ ಕೊಡವೂರು ಪ್ರಾಸ್ತಾವಿಕ ಪಾತೆರಿಯೆರು ಪ್ರಧಾನ ಕಾರ್ಯದರ್ಶಿ ರಂಜಿತ್ ಶೆಟ್ಟಿ ಸೊಲ್ಮೆ ಸಂದಾಯ್ತ ಮಲ್ತೆರು.