ಅತಿರುದ್ರ ಮಹಾಯಾಗದ ನಾಲನೇ ದಿನ

ಶಿವಪಾಡಿ ಶ್ರೀ ಉಮಾಮಹೇಶ್ವರ ದೇವಸ್ಥಾನಡ್ ಫೆಬ್ರವರಿ 25, 2023 ರ ಶನಿವಾರದಾನಿ ನಡತಿನ ಅತಿರುದ್ರ ಮಹಾಯಾಗದ ನಾಲನೇ ದಿನದ ಧಾರ್ಮಿಕ ಸಭಾ ಕಾರ್ಯಕ್ರಮನ್ ಧಾರ್ಮಿಕ ಮುಖಂಡೆರು ಬೊಕ್ಕ ಸಮಾಜ ಸೇವಕೆರಾಯಿನ ಗುರ್ಮೆ ಸುರೇಶ್ ಶೆಟ್ಟಿ ಮೇರು ದೀಪ ಬೆಳಗಿಸಾದ್ ಉದಿಪನ ಮಲ್ತೆರ್.

ಈ ಸಂದರ್ಭಡ್ ಪಾತೆರಿನ ಆರು, ಈ ನಾಡುದ ಸುಖ, ಶಾಂತಿ, ನೆಮ್ಮದಿಗೋಸ್ಕರ ಯಾಗನ್ ಮಲ್ತೊಂದುಪ್ಪುನ ಸಂಘಟಕರೆಗ್ ಸೊಲ್ಮೆ ಸಂದಾಯ್ತ ಮಲ್ತೆರ್. ಲ. ಈ ಅರ್ಪಣೆನ್ ಭಗವಂತೆ ಒಪ್ಪಿದ್ ಲೋಕೊಗ್ ಸುಖ, ಶಾಂತಿ ಸಮೃದ್ಧಿನ್ ಕೊರಡ್ ಪಂಡುದು ಹಾರೈಸಿಯೆರ್.

ಸಭೆನ್ ಉದ್ದೇಶಿಸಾದ್ ಪಾತೆರಿನ ಖ್ಯಾತ ವಕೀಲೆರು ಬೊಕ್ಕ ಕರಾವಳಿ ಪ್ರಾಧಿಕಾರದ ಮಾಜಿ ಅಧ್ಯಕ್ಷೆರಾಯಿನ ಮಟ್ಟಾರು ರತ್ನಾಕರ್ ಹೆಗ್ಡೆ ಮೇರು, ಧರ್ಮ ಸಂಸ್ಥಾಪನೆ ಮಲ್ಪರೆಗ್ ದೇವೆರು ಅವತಾರೊಡ್ ಬರ್ಪೆ ಪನ್ಪಿನವ್ವೆನ್ ನಮ ಕೇಂಡುದ. ಆಂಡ ಕಲಿಯುಗಡ್ ಧರ್ಮ ಸಂಸ್ಥಾಪನೆಯಾವರೆಗ್ ಇಂಚಿನ ಯಾಗನ್ ಮಲ್ಪೊಡಾತುಂಡ್ . ಈ ಯಾಗಡಾದ್ ಇಡೀ ಸಮಾಜಗ್ ನೆಮ್ಮದಿ ಸಿಕ್ಕುಂಡ್. ಅಪರೂಪಡ್ ಅಪರೂಪವಾದುಪ್ಪುನ ಅತಿರುದ್ರ ಮಹಾಯಾಗನ್ ಜಿಲ್ಲೆದ ಜನತೆಗ್ ತೂಪಿಲೆಕ್ಕ ಮಲ್ದಿನ ಮಹೇಶ್ ಠಾಕೂರ್ ಮೆರೆಗ್ ಅಭಿನಂದಿಸಾದ್, ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆದ ಜನಕುಲು ಇತ್ತೆ ಮಣಿಪಾಲದ ಅತಿರುದ್ರ ಮಹಾಯಾಗದಂಚಿ ಮೋನೆ ಮಲ್ದಿನವ್ವೆನ್ ಯಾಗದ ಸಂಘಟಕೆರೆಗ್ ಧನ್ಯವಾದನ್ ಅರ್ಪಿಸಾಯೆರ್.

ರಾಷ್ಟ್ರೀಯ ಮಹಿಳಾ ಆಯೋಗದ ಮಾಜಿ ಸದಸ್ಯೆ ಶ್ಯಾಮಲಾ ಕುಂದರ್, ಮಣಿಪಾಲ ಶೈಕ್ಷಣಿಕ ಕ್ಷೇತ್ರವಾಂಡಲಾ, ಆಧ್ಯಾತ್ಮ ಮುಖೇನ ಮಾತೆರೆನ ಗಮನ ಸೆಳೆಯೊಂದುಪ್ಪುನ ಕ್ಷೇತ್ರ ಶಿವಪಾಡಿದ ಕ್ಷೇತ್ರವಾದುಂಡ್. ಧರ್ಮದ ಕಾರ್ಯದ ಮುಖೇನ ಜಾಗೃತಿನ್ ಮೂಡಿಸುವ ಕೆಲಸನ್ ಮಹೇಶ್ ಠಾಕೂರ್ ಮಲ್ತುದೆರ್ ಪಂಡುದು ಆರು ಸಂಘಟಕೆರೆಗ್ ಅಭಿನಂದಿಸಾಯೆರ್. ಪ್ರಕೃತಿದೊಟ್ಟುಗ್ ಬದುಕುನ ಸಂಸ್ಕ್ರತಿ ಯಾದುಂಡ್ ಪಂಡುದ್ ಪ್ರಕೃತಿ ಶಕ್ತಿ ಬೊಕ್ಕ ನಾರಿ ಶಕ್ತಿನ್ ದೆರ್ತ್ ತೋಜಾಯೆರ್.

ಈ ಸಭಾ ಕಾರ್ಯಕ್ರಮಡ್ ಸಂಸ್ಕೃತ ವಿಶ್ವವಿದ್ಯಾಲಯ ಉತ್ತರಖಾಂಡ ಬೊಕ್ಕ ಉತ್ತರಪ್ರದೇಶದ ಉಪಕುಲಪತಿಲಾಯಿನ ಬೊಕ್ಕ ಆಯುರ್ವೇದ ತಜ್ಞೆರಾಯಿನ ಕಾರ್ಯಕ್ರಮದ ಮುಖ್ಯ ಅತಿಥಿ ಡಾ. ತನ್ಮಯ್ ಗೋಸ್ವಾಮಿ, ಅತಿರುದ್ರ ಮಹಾಯಾಗ ಸಮಿತಿದ ಅಧ್ಯಕ್ಷರಾಯಿನ ಶಾಸಕ ಕೆ. ರಘುಪತಿ ಭಟ್, ಉಡುಪಿ ಜಿಲ್ಲಾ ಬಿಜೆಪಿ ಅಧ್ಯಕ್ಷೆರಾಯಿನ ಕುಯಿಲಾಡಿ ಸುರೇಶ್ ನಾಯಕ್, ಕುಂದಾಪುರದ ಗುತ್ತಿಗೆದಾರೆರಾಯಿನ ಕಾರ್ತಿಕ್ ಆರ್. ನಾಯಕ್, ಪರ್ಕಳದ ಉದ್ಯಮಿ ದಿಲೀಪ್ ರಾಜ್ ಹೆಗ್ಡೆ, ಸ್ವದೇಶಿ ಔಷಧಿ ಬಂಡಾರದ ಉದ್ಯಮಿಯಾಯಿನ ರಘು ಪ್ರಸಾದ್ ಪ್ರಭು, ಉಡುಪಿ ಸಮಾಜದ ಅಧ್ಯಕ್ಷೆರಾಯಿನ ಪ್ರಭಾಕರ್ ನಾಯಕ್, ಅತಿರುದ್ರ ಮಹಾಯಾಗ ಸಮಿತಿದ ಸಂಚಾಲಕೆರಾಯಿನ ಡಾ. ನಾರಾಯಣ ಶೆಣೈ, ದೇವಸ್ಥಾನದ ಶಾಶ್ವತ ಟ್ರಸ್ಟಿ ದಿನೇಶ್ ಸಾಮಂತ್, ಭಾರತೀಯ ಸಂಜಯ್ ಪ್ರಭು, ದೀಪಲಕ್ಷ್ಮಿ ಪ್ರಭು, ಲಕ್ಷ್ಮೀ ನಾಗೇಶ್ ಪ್ರಭು, ಪುಷ್ಪ ನಂದಾಕಿಶೋರ್ ಬೊಕ್ಕ ಅತಿರುದ್ರ ಮಹಾಯಾಗ ಸಮಿತಿದ ಪದಾಧಿಕಾರಿಲು ಉಪಸ್ಥಿತರಿತ್ತೆರ್.

ಅತಿರುದ್ರ ಮಹಾಯಾಗ ಸಮಿತಿದ ಪ್ರಧಾನ ಕಾರ್ಯದರ್ಶಿ ಪ್ರಕಾಶ್ ಕುಕ್ಕೆಹಳ್ಳಿ ಸ್ವಾಗತ ಮಲ್ತೆರ್. ಹಿರಿಯ ಪುರೋಹಿತೆರಾಯಿನ ದಿವಾಕರ್ ಭಟ್ ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತೆರ್.. ಕಾರ್ಯಲಯದ ಕಾರ್ಯದರ್ಶಿ ಗೋಪಾಲಕೃಷ್ಣ ಪ್ರಭು ವಂದಿಸಾಯೆರ್.

ಡಾ. ತನ್ಮಯ್ ಗೋಸ್ವಾಮಿ ಮೆರೆಡ್ದ್ ಧಾರ್ಮಿಕ ಉಪನ್ಯಾಸ, ಉದಯೋನ್ಮುಖ ಕಲಾವಿದೆರಾಯಿನ ಗಗನ್ ಗಾಂವ್ಕರ್, ಅನುರಾಧ ಭಟ್, ಸುನೀತಾ ಭಟ್ ಕೂಡಾಟೊಡ್ “ಭಕ್ತಿ ಗಾನ ಸಿಂಚನ” ಬೊಕ್ಕ ನೃತ್ಯ ನಿರ್ದೇಶಕ ಕರ್ನಾಟಕ ಕಲಾಶ್ರೀ ವಿದುಷಿ ಶಾರದಾಮಣಿ ಶೇಖರ್ ಬೊಕ್ಕ ವಿದುಷಿ ಶ್ರೀಲತಾ ನಾಗರಾಜ್ ಅರೆನ ನೇತೃತ್ವಡ್ ರಾಷ್ಟ್ರದೇವೋಭವಃ ಖ್ಯಾತಿದ ಮಂಗಳೂರುದ ಸನಾತನ ನಾಟ್ಯಾಲಯ ಪ್ರಸ್ತುತ ಪಡಿಸಾವುನ “ಪುಣ್ಯ ಭೂಮಿ ಭಾರತ”, ಆದರ್ಶ್ ಗೋಖಲೆ ಅರೆನ ನಿರೂಪಣೆಡ್ ನಡತುಂಡ್.