ಅತಿರುದ್ರ ಮಹಾಯಾಗದ, ರಡ್ಡನೇ ದಿನ

ಶಿವಪಾಡಿಯ ಶ್ರೀ ಉಮಾಮಹೇಶ್ವರ ದೇವಸ್ಥಾನಡ್ ಫೆಬ್ರವರಿ 22, 2023 ಗ್ ಶುಭಾರಂಭ ಆಯಿನ ಅತಿರುದ್ರ ಮಹಾಯಾಗದ, ರಡ್ಡನೇ ದಿನ ಫೆಬ್ರವರಿ 23, 2023 ಗುರುವಾರ ಕಾಂಡೆ ಅತಿರುದ್ರ ಯಾಗಮಂಟಪೊಡ್ ಋತ್ವಿಜರೆಡ್ದ್ ಮಹಾನ್ಯಾಸಪೂರ್ವಕ ಶ್ರೀ ರುದ್ರ ಪುರಶ್ಚರಣ, ಶ್ರೀ ನಾಗದೇವೆರೆನ ಸನ್ನಿಧಿಡ್ ಆಶ್ಲೇಷ ಬಲಿ, ತಿಲಹೋಮ, ಪವಮಾನ ಹೋಮ, ಕೂಷ್ಮಂಡ ಹೋಮ, ನವಕಪ್ರಧಾನ ಹೋಮಪುರಸ್ಸರ ನವಕಲಶ ಅಭಿಷೇಕ, ವಟು ಆರಾಧನೆ, ಪ್ರಸನ್ನಪೂಜೆ, ಶ್ರೀ ಕ್ಷೇತ್ರಪಾಲ ಸನ್ನಿಧಿಯಲ್ಲಿ ಏಕ ಕಲಶಾಭಿಷೇಕ ಬೊಕ್ಕ ಬಯ್ಯಗ್ ಶ್ರೀ ರುದ್ರಕ್ರಮಪಾಠ, ಮಹಾಪೂಜೆ, ಅಷ್ಟಾವಧಾನ ಸೇವೆ ನಡತುಂಡ್. ಮಧ್ಯಾಹ್ನ ಸ್ಥಳೀಯ ಭಜನಾ ತಂಡೊಲೆಡ್ದ್ ಭಜನಾ ಕಾರ್ಯಕ್ರಮ ನಡತುಂಡ್. ರಡ್ಡನೇ ದಿನದ ಅತಿರುದ್ರ ಮಹಾಯಾಗಗ್ ಸಾರಗಟ್ಟಲೆ ಭಕ್ತಾದಿಲು ಬತ್ತುದ್, ಪುದೆಕಾಣಿಕೆ ಕೊರ್ದ್ ಶ್ರೀ ದೇವೆರೆನ ಅನುಗ್ರಹಗ್ ಪಾತ್ರರಾಯೆರ್. ಮಧ್ಯಾಹ್ನ ನಡತಿನ ಅನ್ನಸಂತರ್ಪಣೆಡ್ ಭಕ್ತಾಭಿಮಾನಿಲು ಪ್ರಸಾದನ್ ಸ್ವೀಕಾರ ಮಲ್ತೆರ್.

ಬಯ್ಯಗ್ ನಡತಿನ ಅತಿರುದ್ರ ಮಹಾಯಾಗದ ರಡ್ಡನೇ ದಿನತ್ತ ಸಭಾಕಾರ್ಯಕ್ರಮನ್ ಕೃಷ್ಣಪ್ಪ ಸಾಮಂತ ಸ್ಮಾರಕ ಸರಕಾರಿ ಮಾದರಿ ಹಿರಿಯ ಪ್ರಾರ್ಥಮಿಕ ಶಾಲೆದ ಸಂಸ್ಥಾಪಕೆರಾಯಿನ ಶ್ರೀಧರ್ ಕೆ. ಸಾಮಂತ್ ಮೇರು ದೀಪ ಬೆಳಗಿಸಾದ್ ಉದಿಪನ ಮಲ್ತೆರ್.

ಈ ಸಂದರ್ಭಡ್ ಅತಿರುದ್ರ ಮಹಾಯಾಗ ಸಮಿತಿದ ಅಧ್ಯಕ್ಷೆರಾಯಿನ ಶಾಸಕ ರಘುಪತಿ ಭಟ್, ಬೆಂಗಳೂರುದ ಬಾಲ ವಾಗ್ಮಿ ಕು. ಹಾರಿಕಾ ಮಂಜುನಾಥ್, ಉಡುಪಿದ ಶಿವಾನಿ ಡೈಗ್ನೋಸ್ಟಿಕ್ ಸೆಂಟರ್ ದ ಮಾಲೀಕೆರಾಯಿನ , ವಿಜ್ಞಾನಿ ಡಾ. ಶಿವಾನಂದ ನಾಯಕ್, ಉಡುಪಿದ ಸ್ವದೇಶಿ ಔಷಧ ಭಂಡಾರ ನೆತ್ತ ಉದ್ಯಮಿಲಾಯಿನ ಭರತ್ ಪ್ರಭು, ಉಡುಪಿ ಜಿಲ್ಲಾ ಕುಡಾಳ್ ದೇಶಸ್ಥ ಆದ್ಯಗೌಡ್ ಬ್ರಾಹ್ಮಣ ಸಮಾಜದ ಅಧ್ಯಕ್ಷೆರಾಯಿನ ರಾಧಾಕೃಷ್ಣ ಸಾಮಂತ್, ಶ್ರೀ ಉಮಾಮಹೇಶ್ವರ ದೇವಸ್ಥಾನದ ಉಪಾಧ್ಯಕ್ಷರಾಯಿನ ಅಶೋಕ್ ಪ್ರಭು, ದೇವಸ್ಥಾನದ ಶಾಶ್ವತ ಟ್ರಸ್ಟಿ ಯಾಯಿನ ದಿನೇಶ್ ಸಾಮಂತ್ ಉಡುಪಿದ ಕೂಟ ಮಹಾಜಗತ್ತುದ ಅಧ್ಯಕ್ಷೆರಾಯಿನ ಡಾ. ಎ. ಗಣೇಶ್, ಅತಿರುದ್ರ ಮಹಾಯಾಗದ ಸಂಚಾಲಕೆರಾಯಿನ ಡಾ. ನಾರಾಯಣ ಶೆಣೈ, ಅತಿರುದ್ರ ಮಹಾಯಾಗದ ಉಗ್ರಣ ಸಮಿತಿದ ಸಂಚಾಲಕೆರಾಯಿನ ಪ್ರಕಾಶ್ ಪ್ರಭು, ಮಹಾಯಾಗದ ಪ್ರಧಾನ ಕಾರ್ಯದರ್ಶಿ ಪ್ರಕಾಶ್ ಕುಕ್ಕೆಹಳ್ಳಿ ಕಾರ್ಯಕರ್ತರ ಸಂಚಾಲಕೆರಾಯಿನ ಮಹಿಳಾ ಕಾರ್ಯಕರ್ತೆ ಡಾ. ಆಶಾ ಪಾಟೀಲ್, ದೇವಸ್ಥಾನದ ಮೊಕ್ತೇಸರಾಯಿನ ಸುಭಾಕರ್ ಸಾಮಂತ್ ಬೊಕ್ಕದಿನೇಶ್ ಪ್ರಭು ವೇದಿಕೆಡ್ ಉಪಸ್ಥಿತರಿತ್ತೆರು.

ಶ್ರೀ ಉಮಾಮಹೇಶ್ವರ ದೇವಸ್ಥಾನದ ಅಭಿವೃದ್ಧಿ ಟ್ರಸ್ಟ್ ದ ಅಧ್ಯಕ್ಷೆರಾಯಿನ ಮಹೇಶ್ ಠಾಕೂರ್ ಮಾತೆರೆನ್ ಸ್ವಾಗತ ಮಲ್ತೆರ್.. ಬೊಕ್ಕ ಬೆಂಗಳೂರುದ ಬಾಲ ವಾಗ್ಮಿ ಕು. ಹಾರಿಕಾ ಮಂಜುನಾಥ್ ಅರೆಡ್ದ್ ಉಪನ್ಯಾಸ ನಡತುಂಡ್. ಕು. ಹಾರಿಕಾ ಮಂಜುನಾಥ್ ಅವರು ತಮ್ಮ ಉಪನ್ಯಾಸಡ್ ಗೋಮಾತೆದ ಮಹಿಮೆನ್ ಸಾರಿಯೆರ್.
ಪ್ರೊ.ಬಾಲಕ್ರಷ್ಣ ಮದ್ದೋಡಿ ಕಜ್ಜೊದ ನಿರೂಪಣೆ ಮಲ್ತೆರ್ ಬೊಕ್ಕ ಪರ್ಕಳದ ಸರಿಗಮ ಭಾರತಿ ಸಂಗೀತ ವಿದ್ಯಾಲಯದ ವಿಧುಷಿ ಉಮಾಶಂಕರಿ ಉದಯಶಂಕರ್ ಬೊಕ್ಕ ಬಳಗದಕ್ಲೆಡ್ದ್ ಭಕ್ತಿ ಸಂಗೀತ ಬೊಕ್ಕ ಹರಿದಾಸೆರಾಯಿನ ಶ್ರೀಮತಿ ಪ್ರತಿಮಾ ಕೋಡೂರು ಬೊಕ್ಕ ಬಳಗದಕ್ಲೆಡ್ದ್ “ದಕ್ಷ ಯಜ್ಞ” ಹರಿಕಥೆ ನಡತುಂಡ್.