ಶ್ರೀ ಮಹಾಲಕ್ಷ್ಮೀ ಪ್ರಚಾರ ತೇರ್ ಗ್ ಚಾಲನೆ..

ಉಚ್ಚಿಲ ಮಹಾಲಕ್ಷ್ಮೀ ದೇವಸ್ಥಾನದ ಪುನಃಪ್ರತಿಷ್ಠೆದ ಸಲುವಾದ್ ನಡಪುನ ಧಾರ್ಮಿಕ ಕಾರ್ಯಕ್ರಮದ ಪ್ರಚಾರಗಾದ್ “ಶ್ರೀ ಮಹಾಲಕ್ಷ್ಮೀ ಪ್ರಚಾರ ರಥ ಕ್ ಚಾಲನೆ.

ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಸ್ಥಾನದ ಪುನರ್ ಪ್ರತಿಷ್ಠೆದ ಸಲುವಾದ್ 01.04.2022 ಡ್ದ್ 15.4.2022 ಮುಟ್ಟ ನಡಪುನ ಪುದೆ ಕಾಣಿಕೆ,ಪುನರ್ ಪ್ರತಿಷ್ಠೆ,ಬ್ರಹ್ಮಕಲಶ, ನಾಗಮಂಡಲೋತ್ಸವ ಬೊಕ್ಕ ಅಂತರ್ ರಾಜ್ಯ ಮಟ್ಟದ ಬೊಕ್ಕ ಸ್ಥಳೀಯ ಕಲಾವಿದೆರೆಡ್ದ್ ನಡಪುನ ಸಾಂಸ್ಕೃತಿಕ ಕಾರ್ಯಕ್ರಮೊಲೆನ್ ಉಪ್ಪಳ ಡ್ದ್ ಶೀರೂರುಮುಟ್ಟ ಪ್ರಚಾರ ಮಲ್ಪುನ ಉದ್ದೇಶಡ್ದ್ ನಿರ್ಮಾಣ ಮಲ್ದಿನ “ಶ್ರೀ ಮಹಾಲಕ್ಷ್ಮೀ ರಥ”ಕ್ಕ್ ಬ್ರಹ್ಮಕಲಶೋತ್ಸವ ಸಮಿತಿದ ಅಧ್ಯಕ್ಷೆರಾಯಿನ,ಜೀರ್ಣೋದ್ಧಾರ ಸಮಿತಿದ ಗೌರವ ಅಧ್ಯಕ್ಷೆರಾಯಿನ ನಾಡೋಜ ಡಾ. ಜಿ. ಶಂಕರ್ , ದ. ಕ ಮೊಗವೀರ ಮಹಾಜನ ಅಧ್ಯಕ್ಷರಾಯಿನ ಜಯ ಸಿ. ಕೋಟ್ಯಾನ್ ಮೊಕ್ಲೆನ ಉಪಸ್ಥಿತಿಡ್ ಇನಿ ಚಾಲನೆ ಕೊರಿಯೆರ್.

ಈ ಸಂದರ್ಭಡ್ ಪಾತೆರಿನ ನಾಡೋಜ ಡಾ. ಜಿ. ಶಂಕರ್ ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಸ್ಥಾನದ ಪುನರ್ ಪ್ರತಿಷ್ಠೆದ ಈ ಪುಣ್ಯ ಕಾರ್ಯೊಡ್ ಸಮಾಜ ಭಾಂದವೆರ್ ಬೊಕ್ಕ ಭಕ್ತಾಭಿಮಾನಿಲು ಜಾಸ್ತಿ ಸಂಖ್ಯೆಡ್ ಪಾಲ್ ಪಡೆಯೊಡ್ ಪನ್ಪಿನ ಉದ್ದೇಶಡ್ ಈ ಪ್ರಚಾರ ರಥೊನ್ ನಿರ್ಮಾಣ ಮಲ್ದಿತ್ತುದ್, ಉಪ್ಪಳಡ್ದ್ ಶೀರೂರುಮುಟ್ಟ ಪ್ರತೀ ಗ್ರಾಮಸಭೆಗ್ ಭೇಟಿ ಕೊರ್ಪುಂಡ್ ಪಂಡೆರ್. ರಥ ತಮ್ಮ ತಮ್ಮ ಊರುಗ್ ಭೇಟಿ ಕೊರ್ಪುನ ಸಂದರ್ಭಡ್ ಆಯಾಯ ಗ್ರಾಮಸಭೆತ್ತ ಗುರಿಕಾರೆರು, ಅಧ್ಯಕ್ಷೆರು, ಸೇರಿನಂಚ ಮಹಾಜನ ಸಂಘದ ಪ್ರತಿನಿಧಿಲು ಹಾಜರಿತ್ತುದ್ ಈ ರಥೊನ್ ಭಕ್ತಿ ಪೂರ್ವಕವಾದ್ ಸ್ವಾಗತ ಮಲ್ತುದ್ ಗಂಧ ಪ್ರಸಾದನ್ ಸ್ವೀಕಾರ ಮಲ್ತುದ್, ತಮ್ಮ ಗ್ರಾಮಸಭೆತ್ತ ವ್ಯಾಪ್ತಿಡ್ ಈ ರಥ ಸುಗಮವಾದ್ ಸಂಚರಿಸಾವರೆಗ್ ಸಹಕಾರ ಕೊರೊಡ್ ಬೊಕ್ಕ ರಥೊನ್ ದುಂಬುದ ಗ್ರಾಮಸಭೆಗ್ ಗೌರವಾದರೊಡ್ ಕಡಪುಡೊಡ್ ಪಂಡುದ್ ವಿನಂತಿ ಮಲ್ತೆರ್. ಪ್ರಚಾರ ಸಮಿತಿದ ಅಧ್ಯಕ್ಷೆರಾಯಿನ ಶಿವರಾಮ್ ಕೆ. ಎಂ ಮೇರ್ ಈ ರಥದ ಒಟ್ಟುಡ್ ಉಪ್ಪುವೆರ್. ಪಂಡೆರ್..ಈ ಸಂದರ್ಭಡ್ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರಾಯಿನ ಗುಂಡು ಬಿ. ಅಮೀನ್, ಕ್ಷೇತ್ರಾಡಳಿತ ಸಮಿತಿದ ಅಧ್ಯಕ್ಷೆರಾಯಿನ ವಾಸುದೇವ ಸಾಲಿಯಾನ್,ಶುಭಾಶ್ಚಂದ್ರ ಕಾಂಚನ್,ಭುವನೇಂದ್ರ ಕಿದಿಯೂರು, ಯಶಪಾಲ್ ಎ.ಸುವರ್ಣ,ರಾಘವೇಂದ್ರ ತಂತ್ರಿಲು, ರಾಘವೇಂದ್ರ ಉಪಾಧ್ಯಯ,ಮೋಹನ್ ಬೆಂಗ್ರೆ,ಭರತ್ ಉಳ್ಳಾಲ್, ವಿನಯ ಕರ್ಕೇರ, ಭರತ್ ಎರ್ಮಾಳ್ ವಿನಯ್ ಕರ್ಕೇರ,ಸುಧಾಕರ್ ಕುಂದರ್,ರಾಜೇಂದ್ರ ಸುವರ್ಣ, ರವೀಶ್ ಬೈಂದೂರು,ಕ್ರಷ್ಣಮೂರ್ತಿ ಮರಕಾಲ,ಗುಲಾಬಿ,ಅಪ್ಪಿ ಸಾಲ್ಯಾನ್,ವಿಶಾಲಾಕ್ಷಿ ಉಪಸ್ಥಿತರಿತ್ತೆರ್.