ಶ್ರೀ ವ್ಯಾಘ್ರಚಾಮುಂಡೇಶ್ವರೀ ದೇವಸ್ಥಾನ ಉಳ್ಳಾಲ ಮೊಗವೀರ ಸಂಘ (ರಿ),ಚೆನ್ನ ಮರಕಾಲ ರಸ್ತೆ, ಮೊಗವೀರಪಟ್ಣ ಉಳ್ಳಾಲ ಮಂಗಳೂರು ಮುಲ್ಪ ಉಂದುವೇ ಬರ್ಪಿನ ಮಾರ್ಚ್ 9 ತಾರೀಕುಡ್ದ್ 26 ತಾರೀಕುಮುಟ್ಟ ಕಾಲಾವಧಿ ಉಚ್ಚಯ,ಶ್ರೀ ಗುಳಿಗ ಕೋಲ ಬೊಕ್ಕ ಗೆಂಡಸೇವೆ ನಡಪರೆಗುಂಡ್.
9 ತಾರೀಕುದಾನಿ ಕೊಡಿ ಏರ್ದ್ ರಾತ್ರೆಗ್ ದೈವದ ಭಂಡಾರ ಏರುಂಡ್.10 ತಾರೀಕುದಾನಿ ಪಿಲಿಚೌಂಡಿ ದೈವದ ಬಲಿ,ಇಂಡಿ ಬಲಿ,ಬೊಂಬೆ ಬಲಿ,ನೇಮ ಕಂಚಿಲ್ ಸೇವೆ ಬೊಕ್ಕ ಮಡಸ್ಥಾನ ಸೇವೆ ನಡತುದ್ ಆನಿ ಮಧ್ಯಾಹ್ನ 1 ಗಂಟೆಗ್ ಬಂಟ ದೈವದ ಬಲಿ ಬೊಕ್ಕ ನೇಮ ಅಯಿಬೊಕ್ಕ ಸಾರ್ವಜನಿಕ ಮಹಾಅನ್ನಸಂತರ್ಪಣೆ ನಡಪುಂಡ್.ಈ ಅನ್ನಸಂತರ್ಪಣೆದ ಸೇವೆನ್ ಉಳ್ಳಾಲ ಗ್ರಾಮದ ಪರ್ಸಿನ್‌ ಬೋಟ್ ದಕುಲು ಸೇವಾರೂಪೊಡ್ ಕೊರ್ತೆರ್.
11 ತಾರೀಕುದಾನಿ ರಾತ್ರೆ 10.30 ಕ್ ಬಂಟ ದೈವದ ವಳಸರಿ ಉಚ್ಚಯ,12 ತಾರೀಕುದಾನಿ ಕುಲಮಾಣಿಗ ಬಲಿ,ತರವಾಡು ಇಲ್ಲಗ್ ಭೇಟಿ,ಬೊಕ್ಕ ಅಗೆಲು ಸೇವೆ ನಡಪರೆಗುಂಡ್.
ಮಾರ್ಚ್ 21 ತಾರೀಕುಡ್ದ್ 26 ತಾರೀಕುಮುಟ್ಟ ಶ್ರೀ ಗುಳಿಗ ದೈವದ ಕೋಲ ಬೊಕ್ಕ ಗೆಂಡಸೇವೆ ನಡಪರೆಗುಂಡ್.
21 ಗ್ ಮೊರಸಾಂಡಿ ಬೊಕ್ಕ ಪರಿವಾರ ದೈವದ ಕೋಲ22ಗ್ ಶ್ರೀ ಗುಳಿಗ ದೈವದ ಪಗೆಲ್ ಕೋಲ ನಡಪುಂಡ್.ಆನಿ ಮಧ್ಯಾಹ್ನ ಉಳ್ಳಾಲ ಮೊಗವೀರ ಮೀನುಗಾರ ಮಹಿಳೆಯೆರೆನ ವತಿಡ್ದ್ ಅನ್ನಸಂತರ್ಪಣೆ ನಡಪರೆಗುಂಡ್.ಆನಿ ರಾತ್ರೆಗ್ ಗುಳಿಗ ದೈವಗ್ ಶ್ರೀ ರವೀಂದ್ರ ಕೋಟ್ಯಾನ್ ಉಳ್ಳಾಲ ಮೊಕ್ಲೆನ ಪರಕೆದ ಗೆಂಡಸೇವೆ ಬೊಕ್ಕ ಕೋಲ ನಡಪುಂಡ್.
23 ಗ್ ಗುಳಿಗ ದೈವಗ್ ಶ್ರೀ ಪಾಂಡುರಂಗ ಮಾರಿಯಮ್ಮ ವಾಡದಕುಲು ಪರಕೆದ ಕೋಲ ಸೇವೆ ನಡಪುಂಡ್. 24_ ಗ್ ಡಾ| ಯಶಸ್ವಿನಿ ಪ್ರತೀಕ್ಷ್ ಅಮೀನ್ ಉಳ್ಳಾಲ ಮೊಕ್ಲೆನ ವತಿಡ್ದ್ ಗುಳಿಗ ದೈವಗ್ ಪರಕೆದ ಕೋಲ ನಡಪುಂಡ್.25ಗ್ ದಿ| ರಾಮದಾಸ್ ಪುತ್ರನ್ ಕುದ್ರೋಳಿ ಬೆಂಗ್ರೆ ಮಂಗಳೂರು ಮೆರೆನ ನೆಂಪುಗಾದ್ ಶ್ರೀಮತಿ ಜಯ ಪುತ್ರನ್ ಬೊಕ್ಕ ಸಹೋದರಿನಕಲೆನ ವತಿಡ್ದ್ ಗುಳಿಗ ದೈವಗ್ ಪರಕೆದ ಕೋಲ ನಡಪರೆಗುಂಡ್.26 ಗ್ ಶ್ರೀ ಸಂದೀಪ್ ಬಾಬು ಬಂಗೇರ ಶುಭದೀ್ ಉಳ್ಳಾಲ ಮೊಕ್ಲೆಡ್ದ್ ಗುಳಿಗ ದೈವಗ್ ಪರಕೆದ ಕೋಲ ನಡಪರೆಗುಂಡ್.
ಈ ಮಾತಾ ಧಾರ್ಮಿಕ ಕಾರ್ಯಕ್ರಮೊಲೆಡ್ ಭಕ್ತಾದಿಲು ಪಾಲ್ ಪಡೆದ್ ದೈವ ದೇವೆರೆನ್ ಪ್ರಸಾದ ಸ್ವೀಕಾರ ಮಲ್ತುದ್ ದೈವ ದೇವೆರೆನ ಕ್ರಪೆಕ್ ಪಾತ್ರರಾವೊಡ್ ಪಂಡುದ್ ಆಡಳಿತ ಸಮಿತಿದಕುಲು ಬಿನ್ನಪ ಮಲ್ತುದೆರ್.
by 