ಶ್ರೀರಾಮನ ಚಿತ್ರ ಬುಡ್ಪಾಯಿನ ಶಶಾಂಕ್ ಪೈ..

ಅಯೋಧ್ಯೆಡುಪ್ಪುನ ಶ್ರೀ ರಾಮಮಂದಿರದ ಭವ್ಯವಾಯಿನ ಅನಾವರಣ ಬೊಕ್ಕ ಪೂಜ್ಯ ಶ್ರೀ ರಾಮನ ಪ್ರಾಣ ಪ್ರತಿಷ್ಠಾ ಸಮಾರಂಭನ್ ಬಾರೀ ಕುಷಿ ಬೊಕ್ಕ ಭಕ್ತಿಡ್ ಸ್ವಾಗತಿಸಾವರೆಗ್ ಜನವರಿ 22 ಸಿದ್ಧವಾದುಂಡ್.

ದೇವನಗರಿ ಪಂಡುದೇ ಪುಗಾರ್ತೆನ್ ಪಡೆಯಿನ ನಮ್ಮ ಉಡುಪಿ ಭಕ್ತಿ, ಕಲೆ ಬೊಕ್ಕ ಸಂಸ್ಕೃತಿದ ಬೂಡು. ಉಡುಪಿದ ಪೂರ್ಣಪ್ರಜ್ಞಾ ಪದವಿ ಪೂರ್ವ ಕಾಲೇಜಿಡ್ ಪ್ರಥಮ ಪಿಯುಸಿ ವಿದ್ಯಾರ್ಥಿಯಾದುಪ್ಪುನ ಶಶಾಂಕ್ ಪೈ ಆರು ಭಗವಾನ್ ಶ್ರೀ ರಾಮಚಂದ್ರನ ಪಟ್ಟಾಭಿಷೇಕನ್ ಸ್ಪಷ್ಟವಾದ್ ವರ್ಣಿಸಾದಿನ ಭಾವ ಚಿತ್ರನ್ “ರಾಮ” ಪನ್ಪಿನ ಪವಿತ್ರ ಪದನ್ 21,008 ಬಾರಿ ಬರೆಪಿನ ಮೂಲಕ ಈ ಕಲಾಕೃತಿನ್ ರಚನೆ ಮಲ್ದೆರ್.

ಶ್ರೀ ರಾಮಚಂದ್ರ ಬೊಕ್ಕ ಅರೆನ ಬುಡೆದಿ ಸೀತಾ ದೇವಿ, ನಿಷ್ಠಾವಂತ ಸಹೋದರೆ ಶ್ರೀ ಲಕ್ಷ್ಮಣ ಬೊಕ್ಕ ಭಕ್ತ ಹನುಮನ ಭಾವಚಿತ್ರದ ಪ್ರತಿ ಸಾಲು,ರೇಖೆ, ಬೆಲೆಬಾಳುನ ಆಭರಣಲು, ದೇಹದ ಬಣ್ಣಲು, ಆಯುಧಲು ಬೊಕ್ಕ ಸಭೆತ್ತ ಪೂರ್ಣಚಿತ್ರನ್ ಬುಡ್ಪಾವರೆಗ್ ಕೇವಲ ಬೇತೆ ಬೇತೆ ಬಣ್ಣದ ಪೆನ್ ಬಳಸೊಂದ್ “ರಾಮ-ರಾಮ” ಪಂಡುದು ನಿರಂತರವಾದ್ಷ ಬರೆದು ಅಯಿತ್ತ ಅಸಾಧಾರಣ ಪ್ರತಿಭೆನ್ ಕಲಾಕೃತಿಡ್ ತೋಜಾದ್ ಮಾತೆರೆನ ಮೆಚ್ಚುಗೆಗ್ ಪಾತ್ರರಾತೆರ್.
ಉದಯೋನ್ಮುಖ ಕಲಾವಿದೆರಾದ್ ಉಡುಪಿಡ್ದ್ ಬತ್ತಿನ ಶಶಾಂಕ್ ಪೈ ಅರೆನ ಕಲಾಕೃತಿದ ರಚನೆ ಸ್ಥಳೀಯ ಸಮುದಾಯಗ್ ಪೆರ್ಮೆದ ಮೂಲವಾದುಂಡ್ – ಸಾಂಪ್ರದಾಯಿಕ ಕಲಾತ್ಮಕ ಗಡಿಕುಲೆನ್ ಮೀರಿನ ಭಕ್ತಿದ ಸಂಕೇತವಾತುಂಡ್.