ಶ್ರೀ ದುರ್ಗಾ ಆದಿಶಕ್ತಿ ಕ್ಷೇತ್ರ

ಶ್ರೀ ದುರ್ಗಾ ಆದಿಶಕ್ತಿ ಕ್ಷೇತ್ರ
ಬ್ರಹ್ಮ ಕುಂಭಾಭಿಷೇಕ ಸಂಪನ್ನ

ಉಡುಪಿ ದೊಡ್ಡಣ್ಣ ಗುಡ್ಡೆದ  ಶ್ರೀಚಕ್ರ ಪೀಠ ಸುರಪೂಜಿತೆ ಶ್ರೀ ದುರ್ಗಾ ಆದಿಶಕ್ತಿ ಕಾರಣಿಕ ಕ್ಷೇತ್ರದ 18ನೇ ಪ್ರತಿಷ್ಠಾ ವರ್ಧಂತಿ ಮಹೋತ್ಸವದ ಪ್ರಯುಕ್ತ ಪಂಚವಂಶತಿ ದ್ರವ್ಯ ಮೀಲಿತ ಅಷ್ಟೋತ್ತರ ಶತ ಬ್ರಹ್ಮಕುಂಬಾಭಿಷೇಕ ಕ್ಷೇತ್ರದ ಧರ್ಮದ ಶ್ರೀ ಶ್ರೀಯುತ ಶ್ರೀ ರಮಾನಂದ ಗುರೂಜಿ ಮಾರ್ಗದರ್ಶನಡ್  ಹೇರೂರು ಆನಂದ ಭಟ್ ಬೊಕ್ಕ ಶ್ರೀ ಯುತ ಗಣೇಶ ಸರಳಾಯ ಮೆರೆನ  ನೇತೃತ್ವಡ್  ವೇದ ಮೂರ್ತಿ ಕೊಲಕಾಡಿ ವಾದಿರಾಜ ಉಪಾಧ್ಯಾಯ ನಡಪಾಯೆರು…
ಪ್ರಾತಕ್ಕಾಲಾ ಪ್ರಧಾನ ಯಾಗ ಬೊಕ್ಕ  ಕಾಂಡೆದ  9.45 ಗ್  ಮಿಥುನ ಲಗ್ನ ಸುಮಹೂರ್ತಡ್  ಕುಂಭಾಭಿಷೇಕ ನಡತುಂಡ್..
ಕ್ಷೇತ್ರದ ಶ್ರೀಯುತ ಆನಂದಬಾಯರಿ ದುರ್ಗಾ ಆದಿಶಕ್ತಿ ದೇವಿನ್  ಸರ್ವಾಲಂಕೃತ ಮಲ್ತೆರು. ಮಹಾಪೂಜೆನ್ ಕ್ಷೇತ್ರದ ಅರ್ಚಕ ಶ್ರೀ ಅನಿಶ್ ಆಚಾರ್ಯ ನಡಪಯೆರು. ಪಲ್ಲಪೂಜೆಡ್  ಬೊಕ್ಕ  ಶ್ರೀ ದುರ್ಗಾ ಆದಿಶಕ್ತಿ ದೇವಿಗ್ ಅಭಿಮುಖವಾದ್  ಕ್ಷೇತ್ರದ ವಿಶೇಷ ಸೇವೆಯಾಯಿನ ನೃತ್ಯ ಸೇವೆ ಡಾಕ್ಟರ್ ಮಂಜರಿ ಚಂದ್ರ ಪುಷ್ಪರಾಜ ನೇತ್ರತ್ವದ ಸೃಷ್ಟಿ ಕಲಾಕೂಟೀರದ ನೃತ್ಯಾರ್ತಿಲೆಡ್ದ್  ಬೊಕ್ಕ ಭ್ರಾಮರಿ ನಾಟ್ಯಾಲಯದ ವಿದ್ವಾನ್ ಭವಾನಿ ಶಂಕರ್ ಶಿಷ್ಯರೆಡ್ದ್  ನಿರಂತರ ನೃತ್ಯಸೇವೆ ನಡತುಂಡ್..
ಕ್ಷೇತ್ರದ ನವಶಕ್ತಿ ವೇದಿಕೆಡ್  ಖ್ಯಾತ ಸೆಕ್ಸಾ ಫೋನ್ ವಾದಕ ವಿಜಯಶೇರಿಗಾರ್ ಬೊಕ್ಕ ಬಳಗದಕ್ಲೆಡ್ದ್ ನಾದ ಸೇವೆ, ನಡತುಂಡ್.. ಮಧ್ಯಾಹ್ನ ಮಹಾಸಂತರ್ಪಣೆಡ್ ಸಾರ  ಭಕ್ತೆರ್ ಪ್ರಸಾದ ಸ್ವೀಕಾರ ಮಲ್ತೆರು
ದೇವತಾರಾಧನೆ ಸಮಾರಾಧನೆ ಬೊಕ್ಕ ಕಲಾ ರಾಧನೆಡ್ದ್  ಉತ್ಸವ ಮಹೋತ್ಸವವಾದ್   ವಿಜ್ರಂಬಣೆಡ್ ಸಂಪನ್ನ ಆವೊಂದುಂಡ್  ಪಂಡುದು ಕ್ಷೇತ್ರ ಉಸ್ತುವಾರಿ ಶ್ರೀಮತಿ ಕುಸುಮ ನಾಗರಾಜ ತೆರಿಪಾದೆರ್..