ಶಿಸ್ತು ಬದ್ಧವಾದ್ ನಡಪರೆಗುಂಡ್ ಉಚ್ಚಿಲ ದಸರಾ..

ಕರ್ನಾಟಕದ ಕೊಲ್ಹಾಪುರ ಪಂಡುದೇ ಪುಗಾರ್ತೆನ್ ಪಡೆಯಿನ ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಸ್ಥಾನಡ್ ರಡ್ಡನೇ ವರ್ಷದ ಉಚ್ಚಿಲ ದಸರಾ ಅಕ್ಟೋಬರ್ 15 ತಾರೀಕುಡ್ದ್ 24 ತಾರೀಕುಮುಟ್ಟ ಬಾರೀ ಗೌಜಿಡ್, ಶಿಸ್ರುಬದ್ಧವಾದ್ ನಡಪರೆಗುಂಡ್ ಪಂಡುದ್ ಮೊಗವೀರ ಮುಂದಾಳು ನಾಡೋಜ ಡಾ.ಜಿ.ಶಂಕರ್ ತೆರಿಪಾದೆರ್.ಆರು ಉಚ್ಚಿಲ ದಸರಾದ ಬಗೆಟ್ ಉಚ್ಚಿಲದ ಮೊಗವೀರ ಸಭಾ ಭವನೊಡ್ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರಿಯೆರ್.

ದೇವಳದ ಕೈತಲುಡುಪ್ಪುನ ಶ್ರೀಮತಿ ಶಾಲಿನಿ ಡಾ.ಜಿ.ಶಂಕರ್ ಸಭಾಂಗಣಡ್ ನವದುರ್ಗೆಯೆರೆನ ಬೊಕ್ಕ ಶ್ರೀ ಶಾರದ ಮಾತೆನ ವಿಗ್ರಹೊಲೆನ್ ಪ್ರತಿಷ್ಢಾಪನೆ ಅಕ್ಟೋಬರ್ 15 ತಾರೀಕುಗ್ ಕಾಂಡೆ 9.30 ಗ್ ನಡಪರೆಗುಂಡ್.ಉಚ್ಚಿಲ ದಸರಾ-2023 ದ ಉದಿಪನ ಕಜ್ಜೊ ಕಾಂಡೆ 10 ಗಂಟೆಗ್ ನಡಪರೆಗುಂಡ್.ಉಡುಪಿದ ಜಿಲ್ಲಾಧಿಕಾರಿ ಶ್ರೀಮತಿ ವಿದ್ಯಾಕುಮಾರಿ ಉಚ್ಚಿಲ ದಸರಾನ್ ಉದಿಪನ ಮಲ್ಪರೆಗುಲ್ಲೆರ್.ಆನಿಯೇ ಕಾಂಡೆ 10.15 ಗ್ ಅನ್ನಛತ್ರ ಕಟ್ಟಡ ಬೊಕ್ಕ ಅತಿಥಿಗ್ರಹ ಉದಿಪನಲಾ ನಡಪರೆಗುಂಡ್.ಕಾಂಡೆ 10.30‌ಗಂಟೆಗ್ ಬೇತೆ ಬೇತೆ ಮೇಳ ಬೊಕ್ಕ ಪ್ರದರ್ಶನದ ಉದಿಪನ ನಡಪರೆಗುಂಡ್.ಫಲಪುಷ್ಪ ಪ್ರದರ್ಶನ, ಪುಸ್ತಕ ಮೇಳ,ಬೊಕ್ಕ ಕೇಂದ್ರ ಬೊಕ್ಕ ರಾಜ್ಯ ಸರಕಾರದ ಮೀನುಗಾರಿಕೆ ಯೋಜನೆಲೆನ ಮಾಹಿತಿ ಬೊಕ್ಕ ಮೀನುಗಾರಿಕಾ ಪರಿಕರಲೆನ ಪ್ರದರ್ಶನದ ಉದಿಪನ ನಡಪರೆಗುಂಡ್.ಆನಿ ಬಯ್ಯಗ್ 6.15 ಗಂಟೆಗ್ ಯುವ ದಸರಾ ಬೊಕ್ಕ ಸಾಂಸ್ಕೃತಿಕ ಕಾರ್ಯಕ್ರಮೊಲೆನ ಉದಿಪನ ನಡಪರೆಗುಂಡ್.ಜಿಲ್ಲೆದ ಮಾಜಿ ಬೊಕ್ಕ ಇತ್ತೆದ ಶಾಸಕೆರುನಕುಲು, ಲೋಕಸಭಾ ಸದಸ್ಯೆರ್,ಗಣ್ಯೆರೆನ ಉಪಸ್ಥಿತಿಡ್ ಕಾರ್ಯಕ್ರಮ ನಡಪರೆಗುಂಡ್.

ಈ ಸರ್ತಿದ ಉಚ್ವಿಲ ದಸರಾಡ್ ವಿಶೇಷವಾದ್ ಆನೆದ ಅಂಬಾರಿದ ಮಿತ್ತ್ ದೇವಿನ ಮೂರ್ತಿ ಕುಲ್ಲುದಿನ