ಪುದೆಕಾಣಿಕೆಗ್ ಮನವಿ

ಶ್ರೀ ಮಹಾಲಕ್ಷ್ಮೀ ದೇವಸ್ಥಾನ, ಶ್ರೀ ಕ್ಷೇತ್ರ ಉಚ್ಚಿಲ.

, "ಉಡುಪಿ ಉಚ್ಚಿಲ ದಸರಾ ಉತ್ಸವ -2024" "ಪುದೆಕಾಣಿಕೆದ ಬಗ್ಗೆ ವಿಜ್ಞಾಪನೆ"

ಅನಾದಿ ಕಾಲಡಿಂಚಿಲಾ   ಸಮುದ್ರ ತನಯೆ ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ಅಮ್ಮನ್  ಶ್ರದ್ಧಾ ಭಕ್ತಿಡ್  ಆರಾಧಿಸಾವೊಂದ್ ಬರೊಂದುಲ್ಲರ್.. ಶ್ರೀ ಕ್ಷೇತ್ರಡ್ ನಡಪುನ ಪ್ರತೀಯೊಂಜಿ  ಅಭಿವೃದ್ಧಿ ಕಾರ್ಯಕ್ರಮ, ಧಾರ್ಮಿಕ ಬೊಕ್ಕ  ಸಾಂಸ್ಕೃತಿಕ ಕಾರ್ಯಕ್ರಮಲೆಗ್   ತಮ್ಮ ವೈಯಕ್ತಿಕ ನೆಲೆಟ್  ಬೊಕ್ಕ  ತಮ್ಮ ಸಂಘ ಸಂಸ್ಥೆಲೆನ ವತಿಡ್ದ್ ಆರ್ಥಿಕ ಸಹಾಯ ಕೊರೊಂದು  ಬರೊಂದುಪ್ಪುನ ನಿಕ್ಲೆಗ್  ಶ್ರೀ ಕ್ಷೇತ್ರದ ಪರವಾದ್  ಹೃತ್ತೂರ್ವಕ ಕೃತಜ್ಞತೆಲು..

ದಿನಡ್ದ್  ದಿನ ಊರ ಪರವೂರ ಭಕ್ತಾಭಿಮಾನಿಲೆನ್ ತನ್ನಂಚಿ  ಸೆಳೆಯೊಂದುಪ್ಪುನ  ಶ್ರೀ ಕ್ಷೇತ್ರಡ್  ಈ ಸರ್ತಿಲಾ   ಶರನ್ನವರಾತ್ರಿನ್  ‘ದಸರ ಉತ್ಸವ’ ರೂಪಡ್  ಆಚರಣೆ ಮಲ್ಪರೆಗ್  ಸಂಕಲ್ಪ ಮಲ್ದುಂಡ್..ಉಂದುವೇ  ಬರ್ಪಿನ ಅಕ್ಟೋಬರ್ 3ಡ್ದ್  12ಮುಟ್ಟ  ನವದುರ್ಗೆರೆನ್ ಬೊಕ್ಕ  ಶ್ರೀ ಶಾರದ ಮಾತೆನ  ವಿಗ್ರಹ  ಪ್ರತಿಷ್ಠಾಪನೆ ಮಲ್ತುದ್  ಪತ್ತು ದಿನ   ನಿತ್ಯ ಚಂಡಿಕಾಯಾಗ, ಕಲ್ಪೋಕ್ತ ಪೂಜೆ, ಅನ್ನಸಂತರ್ಪಣೆ, ನಿತ್ಯ ಭಜನೆ ಬೊಕ್ಕ  ಪ್ರತೀದಿನ ಸಾಂಸ್ಕೃತಿಕ ತಿಕ ಕಾರ್ಯಕ್ರಮ ಸೇರಿನಂಚ ಅಕ್ಟೋಬರ್ 12ಗ್  ಭವ್ಯ ಶೋಭಾಯಾತ್ರೆದ  ಮೂಲಕ ವಿಗ್ರಹಲೆನ ವಿಸರ್ಜನೆ ಮಲ್ಪುಂಡ್ ಪಂಡುದ್  ನಿರ್ಣಯ ಮಲ್ದುಂಡ್.. ಈ ಸದ್ರಿ ಉತ್ಸವಡ್ 10 ದಿನಕ್  ಸುಮಾರು 4ಡ್ದ್  5 ಲಕ್ಷ ಭಕ್ತಾಭಿಮಾನಿಲೆಗ್ ಅನ್ನಪ್ರಸಾದದ ವ್ಯವಸ್ಥೆನ್ ಮಲ್ಪುಂಡ್ ಪಂಡುದ್  ನಿರ್ಧಾರ ಮಲ್ದಿತ್ತುದ್ , ನಿಕ್ಲೆನ  ವೈಯಕ್ತಿಕ ನೆಲೆಟ್ /ಸಂಘ ಸಂಸ್ಥೆಲೆನ  ವತಿಡ್ದ್  :01-10-2024 ಮಂಗಳವಾರ 10.30ಕ್  ಸರಿಯಾದ್ ಪುದೆಕಾಣಿಕೆ ರೂಪಡ್  ಅರಿ,, ಬೆಲ್ಲ, ತೊಗರಿಬೇಳೆ, ತೆಂಗಿನಕಾಯಿ, ತರಕಾರಿನ್  ದೇವಸ್ಥಾನಗ್  ತಲುಪಿಸಾವೊಡು  ಬೊಕ್ಕ 10 ದಿನಮುಟ್ಟ ನಡಪುನ  ಈ ದಸರಾ ಉತ್ಸವಡ್  ತಪ್ಪಂದೇ ಪಾಲ್ ಪಡೆಯೊಡು ಪಂಡುದ್ ದೇವಳದ ಆಡಳಿತ ಮಂಡಳಿ   ಈ ಮೂಲಕ ನಮ್ರವಾದ್ ವಿನಂತಿ ಮಲ್ತುದೆರ್.