ಉಚ್ಚಿಲ ಮಹಾಲಕ್ಷ್ಮೀ ಕ್ಷೇತ್ರೊಗ್ ಬರೊಂದುಂಡ್ ಭಕ್ತೆರೆನ ದಂಡು

ಮೊಗವೀರೆರೆನ ಆರಾಧ್ಯ ದೇವಿಯಾದ್ ಉಚ್ಚಿಲ ಕ್ಷೇತ್ರೊಡ್ ನೆಲೆಯಾಯಿನ ಮಹಾಲಕ್ಷ್ಮ್ಮೀ ಅಪ್ಪೆ ಜೀರ್ಣೋದ್ಧಾರ ಆಯಿಬೊಕ್ಕ ತನ್ನ ಕ್ಷೇತ್ರೊಗ್ ಬರ್ಪಿನ ಭಕ್ತೆರೆನ ಕಷ್ಟೊನ್ ಕರಿಪುನ ಶಕ್ತಿದೇವತೆಯಾದ್ ಕ್ಷೇತ್ರೊಡ್ ಮಿನ್ಕೊಂದುಲ್ಲೊಲ್.ಮೊಗವೀರ ಸಮಾಜದಕುಲು ಮಾತ್ರ ಅತ್ತಾವಂದೆ ಈ ಕ್ಷೇತ್ರೊಗ್ ದೂರದೂರೊಡ್ದ್ ಭಕ್ತೆರ್ ಬತ್ತುದ್ ಕ್ಷೇತ್ರೊದ ಪೊರ್ಲುನ್ ತೂದ್ ಕೊಂಡಾಡೊಂದುಲ್ಲೆರ್.ಅಪ್ಪೆನ ಅನುಗ್ರಹ ಪಡೆಯಿನ ಭಕ್ತೆರೆಗ್ ಅಪ್ಪೆನ್ ತೂಯಿನಾತ್ ಯಾವುಜಿ.ಬತ್ತಿನ ಪ್ರತಿಯೊಂಜಿ ಭಕ್ತೆರ್ಲಾ ಒಂಜಿ ವಿಶೇಷ ಚೈತನ್ಯೊನ್ ಪಡೆಯೊಂದುಲ್ಲೆರ್.

ಭಕ್ತೆರೆನ ಬಾಯಿಡ್ ಕೇನೊಡ್ ಅಪ್ಪೆನ ಕ್ಷೇತ್ರದ ಪೊರ್ಲುದ ವರ್ಣನೆ….ಕೆಲವೆರ್ ಪನ್ಪೆರ್ ಇಂಚಿನ ಕ್ಷೇತ್ರ ಒಲ್ಪಲಾ ತೂವರೆ ತಿಕ್ಕಂದ್ ಪಂಡುದ್.ಕೆಲವೆರ್ ಪನ್ಪೆರ್ ಈ ಕ್ಷೇತ್ರೊಗ್ ಬರ್ಪಿನವ್ವೇ ಮಲ್ಲ ಭಾಗ್ಯ ಪಂಡುದ್.ಕುಡ ಕೆಲವೆರ್ ಪನ್ಪೆರ್ ಪಾವನ ಆಂಡ್ ಎನ್ನ ಬದುಕು ಮುಲ್ಪದ ಶಿಲ್ಪ ಕೆತ್ತನೆ ತೂದ್..

ಇಂಚ ಬತ್ತಿನ ಮಾತಾ ಭಕ್ತೆರ್ ಕ್ಷೇತ್ರೊನ್ ಬಾಯಿದಿಂಜ ಪುಗಾರುವೆರ್.ಇಂಚಿನ ಒಂಜಿ ಪುಣ್ಯಕ್ಷೇತ್ರೊನ್ ಸಕಲ ಜೀರ್ಣೊದ್ದಾರ ಮಲ್ತುದ್ ಲೋಕಾರ್ಪಣೆ ಮಲ್ತಿನ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರಾಯಿನ ನಾಡೋಜ ಡಾ.ಜಿ.ಶಂಕರ್ ಬೊಕ್ಕ ದ.ಕ.ಮೊಗವೀರ ಮಹಾಜನ ಸಂಘ(ರಿ] ಉಚ್ಚಿಲದ ಸರ್ವ ಪದಾಧಿಕಾರಿಲೆಗ್ ಒಂಜಿ ಮಲ್ಲ ಸೊಲ್ಮೆಲು..