ಉಡುಪಿ ಜಿಲ್ಲಾ ಮಹಿಳಾ ಸಾಸ್ ಪದಗ್ರಹಣ

ಶಬರಿ ಮಲೆ ಅಯ್ಯಪ್ಪ ಸೇವಾ ಸಮಾಜಂ ಉಡುಪಿ ತಾಲೂಕು ವಲಯ ಬೊಕ್ಕ ಶ್ರೀ ಅಯ್ಯಪ್ಪಸ್ವಾಮಿ ಮಂದಿರ (ರಿ) ಮಲ್ಪೆದ ಒತ್ತುಸೇರಿಗೆಡ್ ಶ್ರೀ ಅಯ್ಯಪ್ಪ ಭಕ್ತೆರೆನ ಸಮಾವೇಶ ಹರಿವರಾಸನಂ ಶತಮಾನೋತ್ಸವ ಆಚರಣೆ ಬೊಕ್ಕ ಉಡುಪಿ ಜಿಲ್ಲಾ ಮಹಿಳಾ ಸಾಸ್ ಪದಗ್ರಹಣ ಡಿಸೆಂಬರ್ 31 ತಾರೀಕುಗ್ ಮಲ್ಪೆದ ಅಯ್ಯಪ್ಪ ಮಂದಿರಡ್ ನಡತುಂಡ್

.ಜಿ.ಶಂಕರ್ ಫ್ಯಾಮಿಲಿ ಟ್ರಸ್ಟ್ ಅಂಬಲಪಾಡಿ ಉಡುಪಿದ ಪ್ರವರ್ತಕೆರಾಯಿನ ನಾಡೋಜ ಡಿ.ಜಿ‌ಶಂಕರ್ ಕಜ್ಜೊದ ಉದಿಪನ ಮಲ್ತುದ್ ಕೇರಳ ಸರಕಾರಗ್ ಮನವಿ ಕೊರ್ಪಿನ ಮೂಲಕ ನಮ್ಮ ರಾಜ್ಯದ ಅಯ್ಯಪ್ಪ ಮಾಲಾಧಾರಿಲೆಗ್ ಸೂಕ್ತವಾಯಿನ ವ್ಯವಸ್ಥೆ ಮಲ್ತ್ ಕೊರೊಡ್ ಪಂಡುದ್ ಮನವಿ ಕೊರೊಡು.ಕರ್ನಾಟಕ ರಾಜ್ಯೊಡ್ ಒವ್ವೇ ರೀತಿದ ಸಹಕಾರ ಬೋಡಾಂಡಲಾ ಸಿದ್ದರಾಮಯ್ಯರೆಡ ಪಾತೆರ್ದ್ ಮಲ್ತ್ ಕೊರ್ಪಿನ ಪ್ರಯತ್ನ ಮಲ್ಪುವೆ ಪಂಡೆರ್.ಶ್ರೀಮತಿ ತಾರಾ ಉಮೇಶ್ ಆಚಾರ್ಯ ಮೆರೆನ್ ಜಿಲ್ಲಾ ಮಹಿಳಾ ಸಾಸ್ ದ ಅಧ್ಯಕ್ಷೆರಾದ್ ಆಯ್ಕೆ ಮಲ್ತುದ್,ಬಾಕಿದ 50 ಗುಲಾ ಜಾಸ್ತಿ ಪೊಂಜೊವ್ ನಕ್ಲೆನ್ ಸಾಸ್ ದ ಪದಾಧಿಕಾರಿಲಾದ್ ಆಯ್ಕೆ ಮಲ್ತೆರ್.

ಕಾರ್ಯಕ್ರಮಡ್ ಹಿರಿಯ ಗುರುಸ್ವಾಮಿಲೆಗ್ ಮಾನಾದಿಗೆ ನಡತುಂಡ್.. ಸಾಸ್ ದ ಜಿಲ್ಲಾಧ್ಯಕ್ಷೆರಾಯಿನ ರಾಧಾಕೃಷ್ಣ ಮೆಂಡನ್ ಸ್ವಾಗತ ಮಲ್ತುದ್,ಧನಂಜಯ್ ಕಾಂಚನ್ ಪ್ರಾಸ್ತಾವಿಕ ಪಾತೆರಿಯೆರು.ರಂಜಿತ್ ಶೆಟ್ಟಿ ಧನ್ಯವಾದ ಮಲ್ತೆರು.ಪಾಂಡುರಂಗ ಮಲ್ಪೆ ನಿರೂಪಣೆ ಮಲ್ತೆರ್.ಕಜ್ಜೊಡ್ ಗಣ್ಯೆರ್,ಭಜನಾ ಮಂದಿರದ ಸದಸ್ಯೆರ್ ಮಾತಾ ಉಪಸ್ಥಿತರಿತ್ತೆರು.

ನಾಗೇಶ್ ಬೊಕ್ಕ ಬಳಗದಕ್ಲೆಡ್ದ್ “ಹರಿವರಾಸನಂ” ಭಕ್ತಿಗೀತೆ ಗ್ ಸೇರ್ದಿನ ಭಕ್ತಾದಿಲು ಸೊರ ಸೇರಾಯೆರ್.