ವಡಭಾಂಡೇಶ್ವರ ಗೌಜಿದ ಪುದೆಕಾಣಿಕೆ

ಮಲ್ಪೆ ವಡಭಾಂಡೇಶ್ವರ ದೇವಸ್ಥಾನ ಜೀರ್ಣೋದ್ದಾರ ಆದ್ ಮಾ.20 ತಾರೀಕುಡ್ದ್ 28 ತಾರೀಕುಮುಟ್ಟ ನಡಪುನ  ದೇವೆರೆನ ಪುನಃಪ್ರತಿಷ್ಠೆ,ಬ್ರಹ್ಮೂಲಶೋತ್ಸವ,ಮಹಾರಥೋತ್ಸವದ ಅಂಗವಾದ್ ಮಾ.19 ತಾರೀಕು ಕೋಡೆದ ದಿನ ಕೊಡವೂರು ಶಂಕರನಾರಾಯಣ ದೇವಳಡ್ದ್ ವಡಭಾಂಡೇಶ್ವರನ ಸನ್ನಿಧಿಗ್ ಗೌಜಿದ ಪುದೆಕಾಣಿಕೆ ಮೆರವಣಿಗೆ ನಡತುಂಡ್. ಪರಮಪೂಜ್ಯ ಪಲಿಮಾರು ಮಠಾಧೀಶೆರಾಯಿನ  ಶ್ರೀ ಶ್ರೀ ವಿದ್ಯಾಧೀಶ ತೀರ್ಥ ಶ್ರೀಪಾದೆರು ಮೆರವಣಿಗೆಗ್ ಚಾಲನೆ ಕೊರ್ದ್ ಎಡ್ಡೆಪ್ಪು ಬಯಕಿಯೆರ್.

ವಿಶೇಷ ಆಕರ್ಷಣೆಯಾದ್ 101 ಚೆಂಡೆವಾದನ,ಕುಣಿತ ಭಜನಾ ತಂಡೊಲು,ಟ್ಯಾಬ್ಲೋ,ಕೀಲುಕುದುರೆ,ವಾದ್ಯ,ಭಜನಾತಂಡೊಲು,ಕರಾವಳಿದ ಭಜನಾ ತಂಡೊಲು, ಸಂಘಸಂಸ್ಥೆದ ಪದಾಧಿಕಾರಿಲು, ಮೀನುಗಾರ ಮುಖಂಡೆರು, ಉದ್ಯಮಿಲು, ದೇವಳದ ಆಡಳಿತ ಸಮಿತಿ, ಜೀರ್ಣೋದ್ದಾರ ಸಮಿತಿ, ಭಕ್ತವ್ರಂದ ಸಮಿತಿದ ಸದಸ್ಯೆರ್, ಗ್ರಾಮಸ್ಥೆರ್, ಭಕ್ತಾಧಿಲು ಮೆರವಣಿಗೆಡ್ ಪಾಲ್ ಪಡೆಯೆರ್.