ಮಲ್ಪೆ :ಒಂಜಿ ದೇವಸ್ಥಾನದ ಜೀರ್ಣೋದ್ದಾರ ಪಂಡ ಇಡೀ ಊರುಗೇ ಊರೇ ಸಂಭ್ರಮ. ದೇವೆರು ಕುಡೊರ ಆಲಯ ಸೇರುನೊಟ್ಟುಗ್ ಮಾತೆರೆಗುಲಾ ಶ್ರೇಯಸ್ಸಾಪುಂಡ್.. ಅರೆನ ಅನುಗ್ರಹ ದೇವಸ್ಥಾಞಡ್ ಬೆಂದಿನ ಮಾತೆರೆಗುಲಾ ಸಿಕ್ಕಡ್ ಪಂಡುದು ಪಲಿಮಾರು ಮಠದ ಶ್ರೀ ವಿದ್ಯಾಧೀಶ ತೀರ್ಥ ಶ್ರೀಪಾದೆರು ಪಂಡೆರು.
ಆರು ಶುಕ್ರವಾರ ವಡಭಾಂಡೇಶ್ವರ ಶ್ರೀ ವಡಭಾಂಡ ಬಲರಾಮ ದೇವಸ್ಥಾನದ ಪುನಃ ಪ್ರತಿಷ್ಠೆ ಅಷ್ಟಬಂಧ ಬ್ರಹ್ಮಕಲಶೋತ್ಸವದ ಧಾರ್ಮಿಕ ಸಭೆಟ್ ಆಶೀರ್ವಚನ ಮಲ್ತೆರು. ಮಧ್ವರ ಪವಿತ್ರ ಕ್ಷೇತ್ರ ವಡಭಾಂಡೇಶ್ವರ: ಅದಮಾರು ಮಠದ ಕಿರಿಯ ಯತಿ ಶ್ರೀ ಈಶ ಪ್ರಿಯ ತೀರ್ಥ ಶ್ರೀಪಾದೆರು ಆಶೀರ್ವಚನಡ್, ದೇವೆರೆನ ಚಿಂತನೆ, ಸಂಸ್ಕಾರನ್ ಕಲ್ಪಾವುನ ಶಾಲೆ ದೇವಸ್ಥಾನ. ದೇವೆರೆನ ಸನ್ನಿಧಾನ ಕಾರ್ಣಿಕವಾದ್ ಬೆಳಗೊಡಾಂಡ ಅಲ್ಪದ ಅರ್ಚಕೆರೆನ ತಪಸ್ಸು ವಿಶೇಷವಾದುಪ್ಪೊಡು. ಆಚಾರ್ಯ ಮಧ್ವಚಾರ್ಯೆರು ನಡತಿನ,. ಆರು ಪೂಜೆ ಮಲ್ದಿನ ಕ್ಷೇತ್ರ ವಡಭಾಂಡೇಶ್ವರ. ಅಂಚಾದ್ ಮುಲ್ಪದ ಕ್ಷೇತ್ರ ಪವಿತ್ರವಾದುಂಡು. ಅಂಚಿನ ಜಾಗೆಡ್ ಪ್ರಾರ್ಥನೆ ಮಲ್ತುಂಡ ನಮ್ಮ ಎಲ್ಲಾ ಇಷ್ಟಾರ್ಥೊಲು ಸಿದ್ಧಿಯಾಪುಂಡ್ ಪನ್ಪಿನ ನಂಬಿಕೆ ಉಂಡು ಪಂಡೆರು.
ಪಲಿಮಾರು ಮಠದ ಕಿರಿಯ ಯತಿ ವಿದ್ಯಾರಾಜೇಶ್ವರ ತೀರ್ಥ ಶ್ರೀಪಾದೆರು ಆಶೀರ್ವಚನ ಮಲ್ತೆರು. ವಿದ್ವಾನ್ ರವೀಂದ್ರ ಭಟ್ ಹೆರ್ಗ ಧಾರ್ಮಿಕ ಪ್ರವಚನ ಮಲ್ತೆರು. ನಿವೃತ್ತ ಮುಖ್ಯೋಪಾಧ್ಯಾಯ ಮುರಳಿ ಕಡೆಕಾರು, ಬ್ರಹ್ಮಕಲಶೋತ್ಸವಸಮಿತಿಯಮದ ಅಧ್ಯಕ್ಷ ಸಾಧು ಸಾಲ್ಯಾನ್, ಕೋಟ ಅಮೃತೇಶ್ವರಿ ಹಲವು ಮಕ್ಕಳ ತಾಯಿ ದೇವಸ್ಥಾನದ ಧರ್ಮದರ್ಶಿ ಆನಂದ ಸಿ. ಕುಂದರ್, ಉದ್ಯಮಿಲಾಯಿನ ಆನಂದ ಪಿ. ಸುವರ್ಣ, ಉದ್ಯಮಿ ಪ್ರಸಾದ್‌ರಾಜ್ ಕಾಂಚನ್, ಬಡಾನಿಡಿಯೂರುಗ್ರಾ.ಪಂ. ಮಾಜಿ ಅಧ್ಯಕ್ಷ ಉಮೇಶ್ ಪೂಜಾರಿ ಬಡಾನಿಡಿಯೂರು, ಮಲ್ಪೆ ಬಿಲ್ಲವರ ಸೇವಾ ಸಂಘದ ಅಧ್ಯಕ್ಷ ಗೋಪಾಲ ಸಿ, ಬಂಗೇರ, ಧಾರ್ಮಿಕ ಚಿಂತಕ ಪ್ರೊ| ಪವನ್ ಕಿರಣ್‌ರೆ, ನಗರಸಭಾ ಸದಸ್ಯೆ ಲಕ್ಷ್ಮೀ ಮಂಜುನಾಥ್ ಕೊಳ, ಬೆಳ್ಳಳೆ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ವ್ಯವಸ್ಥಾಪನ ಸಮಿತಿದ ಅಧ್ಯಕ್ಷ ಟಿ. ಪ್ರಶಾಂತ್ ಶೆಟ್ಟಿ ಉಪಸ್ಥಿತರಿತ್ತೆರು. ದೇವಸ್ಥಾನದ ಅಭಿವೃದ್ಧಿ ಸಮಿತಿದ
ಗೌರವಾಧ್ಯಕ್ಷ ಶ್ರೀಶ ಭಟ್ ಕಡೆಕಾರು, ಪ್ರಧಾನ ಕಾರ್ಯದರ್ಶಿ ಶಶಿಧ‌ರ್ ಅಮೀನ್ ಮೊಕ್ಲೆನ್ ಮಾನಾದಿಗೆ ಮಲ್ತೆರ್. ಅಭಿವೃದ್ಧಿ ಸಮಿತಿದ ಅಧ್ಯಕ್ಷ ನಾಗರಾಜ ಮೂಲಿಗಾರ್, ಬ್ರಹ್ಮಕಲಶೋತ್ಸವ ಸಮಿತಿದ ಪ್ರಧಾನ ಕಾರ್ಯದರ್ಶಿ ಪ್ರಕಾಶ್ ಜಿ. ಕೊಡವೂರು ಉಪಸ್ಥಿತರಿತ್ತೆರು. ಕಾರ್ಯದರ್ಶಿ ಜನಾರ್ದನ ಕೊಡವೂರು ಸ್ವಾಗತ ಮಲ್ತೆರು. ಉಪನ್ಯಾಸಕ ದಯಾನಂದ ಉಗೈಲ್ ಬೆಟ್ಟು ನಿರೂಪಣೆ ಮಲ್ತುದ್, ಸೊಲ್ಮೆ ಸಂದಾಯ್ತ ಮಲ್ತೆರು.
by 