ಒಡಿಯೂರು ಶ್ರೀ ಕ್ಲೆನ ಷಷ್ಠಬ್ದ್ಯ ಸಮಿತಿದ ಉಡುಪಿ ವಲಯದ ವತಿಡ್ದ್ ಭಜನಾ ಸೇವೆ.

ಒಡಿಯೂರು ಪರಮಪೂಜ್ಯ ಶ್ರೀ ಶ್ರೀ ಗುರುದೇವಾನಂದ ಸ್ವಾಮಿಲೆನ 60‌ನೇ ಪುಟ್ಟು ಪರ್ಬದ ಅಂಗವಾದ್ ಷಷ್ಠ್ಯಬ್ದ ಸಮಿತಿ ಉಡುಪಿ ವಲಯದ ವತಿಡ್ದ್ ಇಲ್ಲ ಇಲ್ಲಡ್ ಭಜನಾ ಸೇವೆ ನಡತೊಂದಿತ್ತುದ್ ಕರಿನ ವಾರ ಅಶೋಕ್ ಕಾಂಚಾನ್ ಆತ್ರಾಡಿ ಮೆರೆನ ಇಲ್ಲಡ್ ಭಜನೆ‌ ನಡತುಂಡ್.ಈ ಪೊರ್ತುಡ್ ‌ನಾಡೋಜ ಡಾ.ಜಿ.ಶಂಕರ್ ಮೆರೆನ ವತಿಡ್ದ್ ಭಜನೆ ಮಲ್ತಿನ ಪ್ರತೀ ಇಲ್ಲಗ್ 2 ಜೋಡಿ ತಾಳ ಕೊರ್ಪಿನ ಸಂಕಲ್ಪ ಇತ್ತುದ್ ,ಉಡುಪಿ ಷಷ್ಠ್ಯಬ್ದ ಸಮಿತಿದ ಪ್ರಧಾನ ಕಾರ್ಯದರ್ಶಿ ,ಒಡಿಯೂರು ಗ್ರಾಮ ವಿಕಾಸ ಯೋಜನೆ ಉಡುಪಿ ವಲಯದ ಅಧ್ಯಕ್ಷೆರಾಯಿನ ಶ್ರೀ ಪ್ರಭಾಕರ ಶೆಟ್ಟಿ ಕಬ್ಯಾಡಿ ಮೇರ್ ಅಶೋಕ್ ಕಾಂಚಾನ್ ದಂಪತಿಲೆಗ್ ತಾಳೊನ್ ಹಸ್ತಾಂತರ ಮಲ್ತೆರ್.

ಈ ಪೊರ್ತುಡ್ ಭಜನಾ ಸಂಚಾಲಕಿ ಅಮಿತಾ ಗಿರೀಶ್, ಚಂದ್ರಿಕಾ ಜಯಪ್ರಕಾಶ್, ಸಂಪ್ರೀತಾ ,ಯಶೋದ ಕೇಶವ್,ರೇವತಿ,ಜಿ.ಎನ್.ಕೋಟ್ಯಾನ್,ಸುದೇಶ್,ಬೊಕ್ಕ ಸಮಿತಿದ ಕೂಟದಕುಲು ಉಪಸ್ಥಿತರಿತ್ತೆರ್.