ಮೋದೀಜಿನ ಪುದರುಡ್ ಕ್ರಷ್ಣದೇವೆರೆಗ್ ವಜ್ರಕವಚ ಸೇವೆ ಕೊರಿನ ಅಭಿಮಾನಿ…

2024 ರ ಲೋಕಸಭಾ ಚುನಾವಣೆಗ್ ಕೆಲವೇ ತಿಂಗೊಲು ಕೈತಲಿತ್ತುದ್, ದೇಶದ ರಾಜಕೀಯ ರಂಗೊಡ್ ಚುರುಕು ತೋಜೊದುಂಡ್. ಈ ನಿಟ್ಡುಡ್ ದೇಶದ 21 ವಿರೋಧ ಪಕ್ಷೊಲು ಒಟ್ಟಾದ್ ಮಾನ್ಯ ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿಜಿನ್ ಸೋಪಾವರೆಗ್ ರಣತಂತ್ರ ಮಲ್ತೊಂದುಂಡ್.. ನರೇಂದ್ರ ಮೋದೀಜಿನ ಆಡಳಿತಡ್ ಭಾರತ ದೇಶ ಸುಭದ್ರವಾದ್ ಸಾಗೊಂದುಪ್ಪುನ ತೂದ್ ಉಡುಪಿ ಕೃಷ್ಣ ಮಠದ ಸೇವಕ ಚೇತನ್ ಐತಾಳ್ ಪನ್ಪಿನಾರ್ ಮಾನ್ಯ ಪ್ರಧಾನ ಮಂತ್ರಿಲೆನ ಏಳಿಗೆ ಬೊಕ್ಕ ಅರೆನ ಅರೋಗ್ಯ ವೃದ್ಧಿಗಾದ್ ಉಡುಪಿ ಶ್ರೀ ಕೃಷ್ಣ ದೇವೆರೆಗ್ ವಜ್ರ ಕವಚ ಸೇವೆ ಕೊರ್ಪಿನ ಮುಖೇನ ದೇವೆರೆಗ್ ಪ್ರಾರ್ಥನೆ ಮಲ್ದೆರ್. ಈ ಸಂದರ್ಭಡ್ ಪಾತೆರಿನ ಆರು ಶ್ರೀ ನರೇಂದ್ರ ಮೋದೀಜಿ ನಮ್ಮ ದೇಶ ತೂಯಿನಂಚಿನ ಒರಿ ದಿಟ್ಟ ನಾಯಕೆ. ಎಂಚ ಮೋದೀಜಿ ನಿಸ್ವಾರ್ಥತೆಡಾದ್ ನಮ್ಮ ದೇಶದ ಏಳಿಗೆಗ್ ಶ್ರಮ ಮಲ್ತೊಂದುಲ್ಲೆರಾ ಅಂಚೆನೇ ಅರೆನ ಏಳಿಗೆಗ್ ನಮಲಾ ಪ್ರಾರ್ಥನೆ ಮಲ್ಪುನಲಾ ನಮ್ಮ ಕರ್ತವ್ಯವಾದುಂಡ್. ಭಾರತ ತನ್ನ ಆರ್ಥಿಕ ಜಾಗೆಡ್ 10 ಡ್ದ್ 5ನೇ ಪಟ್ಟಿಗ್ ಬೈದಿನವ್ , ನೆರೆ ರಾಷ್ಟ್ರದ ಭಯೋದ್ಪಾದಕೆರೆಗ್ ಪೋಡಿಗೆ ಪುಟ್ಟಾದುಂಡ್. ಯಾಂತ್ರಿಕ ಕ್ಷೇತ್ರಡ್ ಪೊಸ – ಪೊಸ ಆವಿಷ್ಕಾರಲು ಬರೊಂದಿತ್ತುದ್, ಜಾಗತಿಕ ಮಟ್ಟಡ್ ನಮ್ಮ ದೇಶೊಗ್ ಗೌರವ ಕೊರೊಂದುಲ್ಲೆರ್ ಬೊಕ್ಕ ನಮ್ಮ ಸನಾತನ ದೇವಾಲಯೊಲು ಜೀರ್ಣೋದ್ದಾರ ಆವೊಂದುಪ್ಪುನವ್ ಈ ಮಾತಾ ಕಾರ್ಯೊಲೆಗ್ ಮೋದೀಜಿನ ಪಾತ್ರ ಅಪಾರ. ಈ ಕಾರಣೊಡ್ದಾವರ ಭಾರತದ ಉನ್ನತಿನ್ ಬಯಕುನ ಜವಾಬ್ದಾರಿಯುತ ನಾಗರಿಕೆ ಆಯಿನ ಯಾನು ಎಂಚ ರಾಮಾಯಣ ಕಾಲೊಡ್ ಅಳಿಲು ಶ್ರೀ ರಾಮಗ್ ಸಾಕಾರ ಕೊರ್ತುಂಡ , ಮಹಾಭಾರತ ಕಾಲೊಡ್ ಘಟೋದ್ಗಜ ಪಾಂಡವೆರೆಗ್ ಬೆರಿಬಲ ಕೊರ್ತೆನಾ ಅಂಚೆನೇ ಮೋದೀಜಿ ಕುಡೊರ ಪ್ರಧಾನಿಯಾವರೆಗ್ ನಮ ಮಾತೆರ್ಲಾ ಯಥಾಶಕ್ತಿ ಬೆನೊಡ್ ಪಂಡುದ್ ಶ್ರೀ ಕೃಷ್ಣ ದೇವೆರೆಡ ಪ್ರಾರ್ಥನೆ ಮಲ್ಪುನ ಮೂಲಕ ವಜ್ರಧಾರಿ ಉಡುಪಿ ಶ್ರೀ ಕೃಷ್ಣನ ಆಶೀರ್ವಾದ ಮೋದೀಜಿಗ್ ವಜ್ರ ಕವಚ ಆವಡ್ ಪಂಡುದ್ ಕೃಷ್ಣಗ್ ಶರಣಾತೆ ಪಂಡುದು ತನ್ನ ಅಭಿಪ್ರಾಯ ತೆರಿಪಾಯೆರ್.

• ಚೇತನ್ ಐತಾಳ್.