ವಿಷ್ಣುಮೂರ್ತಿ ದೇವಸ್ಥಾನ ಮನ್ಮಹಾರಥೋತ್ಸವ

ಉಡುಪಿ ಜಿಲ್ಲೆ ಬ್ರಹ್ಮಾವರ ತಾಲೂಕು ಆರೂರು ಮಹತೋಭಾರ ಶ್ರೀ ವಿಷ್ಣಮೂರ್ತಿ ದೇವಸ್ಥಾನದ ಮನ್ಮಹಾರಥೋತ್ಸವ ಉಂದುವೇ ಬರ್ಪಿನ ಮೇ 9 ತಾರೀಕುಡ್ದ್ 14 ತಾರೀಕುಮುಟ್ಟ ನಡಪರೆಗುಂಡ್

.ಮೇ 9 ತಾರೀಕುಗ್ ಮುಹೂರ್ತ ಬಲಿ,ವಿಘ್ನೇಶ್ವರ ಪ್ರಾರ್ಥನೆ,ಅಂಕುರ ಸ್ಥಾಪನೆ,ಮಧ್ಯಾಹ್ನ ಸಂತರ್ಪಣೆ,ಬೊಕ್ಕ ರಾತ್ರೆಗ್ ರಂಗಪೂಜೆ ನಡಪರೆಗುಂಡ್.ಆನಿ ಬಯ್ಯಗ್ 5 ಗಂಟೆಗ್ ಆರೂರು ಹಾಲೆಕಟ್ಟೆಡ್ದ್ ಪುದೆಕಾಣಿಕೆ(ಹೊರೆಕಾಣಿಕೆ) ನಡಪರೆಗುಂಡ್. ಬಯ್ಯಗ್ 7 ಗಂಟೆಗ್ ಸಾಂಸ್ಕ್ರತಿಕ ಕಜ್ಜೊಡ್ ಪ್ರಸಿದ್ಧ ಕಲಾವಿದೆರೆಡ್ದ್  ನ್ರತ್ಯ ವೈಭವ ಬೊಕ್ಕ ರಸಮಂಜರಿ ಕಾರ್ಯಕ್ರಮ ನಡಪರೆಗುಂಡ್. 8 ಗಂಟೆಗ್ ಕುಂದಾಪುರ ಕನ್ನಡ ಕಣ್ಮಣಿ ಮನು ಹಂದಾಡಿ ಬೊಕ್ಕ ತಂಡದಕ್ಲೆನ ನಗೆ ಹಬ್ಬ “ಕಾಮಿಡಿ ಕಂಪೆನಿ” ನಡಪರೆಗುಂಡ್.

ಮೇ 10 ತಾರೀಕುಗ್ ಧ್ವಜಾರೋಹಣ,ನಿತ್ಯಬಲಿ,ಸಂತರ್ಪಣೆ,ಬಯ್ಯಗ್ ಸವಾರಿಬಲಿ,ಭೇರಿತಾಡನ,ಗಜವಾಹನೋತ್ಸವ,ರಾತ್ರೆಗ್ ರಂಗಪೂಜೆ ನಡಪರೆಗುಂಡ್.ಆನಿ ಬಯ್ಯಗ್ 5 ಗಂಟೆಗ್ ಧಾರ್ಮಿಕ ಸಭಾ ಕಾರ್ಯಕ್ರಮಡ್ ಪೇಜಾವರ ಮಠಾಧೀಶೆರಾಯಿನ  ಶ್ರೀ ಶ್ರೀ ಶ್ರೀ ವಿಶ್ವಪ್ರ ಸನ್ನ ತೀರ್ಥ ಸ್ವಾಮೀಜಿಲು ಆಶೀರ್ವಚನ ಮಲ್ಪರೆಗುಲ್ಲೆರ್.. ವಿದ್ವಾನ್ ಶತಾವಾಧಾನಿ ರಮಾನಾಥ ಆಚಾರ್ಯ ಉಡುಪಿ ಮೆರೆಡ್ದ್ ಪ್ರವಚನ ನಡಪರೆಗುಂಡ್. ಸಭಾ ಕಾರ್ಯಕ್ರಮಡ್ ಪೊಸ (ನೂತನ) ರಥೊಕ್ ದೇಣಿಗೆ ಕೊರಿನ ದಾನಿಲೆಗ್ ಮಾನಾದಿಗೆ(ಗೌರವ) ನಡಪರೆಗುಂಡ್. ಸಭಾಕಾರ್ಯಕ್ರಮ ಆಯಿಬೊಕ್ಕ ರಾಜ್ಯಪ್ರಶಸ್ತಿ ಪುರಸ್ಕ್ರತ ತೆಲಿಕೆದ ಬೊಳ್ಳಿ ಡಾ. ದೇವದಾಸ್ ಕಾಪಿಕಾಡ್ ಮೇರು ರಚನೆ ಮಲ್ತುದ್ ನಟನೆ ಮಲ್ತುದ್ ನಿರ್ದೇಶನ ಮಲ್ದಿನ “ ಪನಿಯರೆ ಆವಂದಿನ ತುಳು ನಾಟಕ ನಡಪರೆಗುಂಡ್.

ಮೇ 11 ತಾರೀಕುಗ್  ನಿತ್ಯಬಲಿ,ಸಂತರ್ಪಣೆ,ಬಯ್ಯಗ್ ಸವಾರಿಬಲಿ ಉತ್ಸವಬಲಿ,ಕಟ್ಟೆಪೂಜೆ ಬೊಕ್ಕ ರಾತ್ರೆಗ್ ಮಲ್ಲರಂಗಪೂಜೆ ನಡಪರೆಗುಂಡ್.

ಮೇ 12 ತಾರೀಕುಗ್ ನಿತ್ಯಬಲಿ,ಮಹಾಪೂಜೆ,ಮಧ್ಯಾಹ್ನ 12.30 ಕ್ ರಥಾರೋಹಣ,ಮಧ್ಯಾಹ್ನ ಮಹಾಅನ್ನಸಂತರ್ಪಣೆ,ಬಯ್ಯಗ್ ಶ್ರೀ ಮನ್ಮಹಾರಥೋತ್ಸವ,ಭೂತಬಲಿ,ಶಯನೋತ್ಸವ,ಕವಾಟ ಬಂಧನ ನಡಪರೆಗುಂಡ್. ಆನಿ ಮಧ್ಯಾಹ್ನ 12.30 ಗಂಟೆಗ್ ತೆನ್ಕಾಯಿ ಬೊಕ್ಕ ಬಡಕಾಯಿ ಕಲಾವಿದೆರೆಡ್ದ್ ಗಾನ ವೈಭವ ನಡಪರೆಗುಂಡ್.

ಮೇ 13 ಗ್ ತುಲಾಭಾರ ಸೇವೆ ನಡಪರೆಗುಂಡ್.ಮೇ 14 ಗ್ ಸಂಪ್ರೋಕ್ಷಣೆ,ರಾತ್ರೆಗ್ ಮಾರಿಪೂಜೆ ನಡಪರೆಗುಂಡ್.ಆರೂರು  ಮಹತೋಭಾರ ಶ್ರೀ ವಿಷ್ಣುಮೂರ್ತಿ ದೇವಸ್ಥಾನಡ್ ನಡಪರೆಗುಪ್ಪುನ  ಈ ಮಾತಾ ಧಾರ್ಮಿಕ,ಸಾಂಸ್ಕ್ರತಿಕ ಕಜ್ಜೊಲೆಗ್ ಮಾತಾ ಭಕ್ತಾಧಿಲು ಇಷ್ಟೆರೆನೊಟ್ಟುಗ್ ಬತ್ತುದ್ ಶ್ರೀ ದೇವೆರೆನ ಗಂಧ ಪ್ರಸಾದನ್ ಸ್ವೀಕಾರ ಮಲ್ತುದ್ ಶ್ರೀ ದೇವೆರೆನ ಪರಮಾನುಗ್ರಹಗ್ ಪಾತ್ರರಾವೊಡ್ ಪಂಡುದ್ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರಾಯಿನ ಆರೂರು ರತ್ನಾಕರ ಭಟ್ ಬೊಕ್ಕಸರ್ವಸದಸ್ಯೆರ್,ಅಂಚೆನೇ  ಅರ್ಚಕೆರು,ಸಿಬ್ಬಂದಿ ವರ್ಗ ಬೊಕ್ಕ ಗ್ರಾಮಸ್ಥೆರು ಬಿನ್ನಪ ಮಲ್ತುದೆರ್.