ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಉಡುಪಿ ಜಿಲ್ಲೆ ವತಿಡ್ದ್ ಇ.ಸಿ.ಆರ್ ಗ್ರೂಪ್ ಆಫ್ ಇನ್ಸ್ಟಿಟ್ಯೂಟ್ ದ ವಿರುದ್ಧ ಮಂಗಳವಾರ 22-10-2024 ಗ್ ಅನ್ಯಾಯವಾದ್ ತಡೆಮಲ್ತಿನ ವಿದ್ಯಾರ್ಥಿಲೆನ ಎಸ್ಎಸ್ಎಲ್ಸಿ ಬೊಕ್ಕ ಪಿಯುಸಿ ಅಂಕಪಟ್ಟಿನ್ ಪಿರಕೊರೊಡು ಪಂಡುದ್ ಆಗ್ರಹ ಮಲ್ತುದ್ ಪ್ರತಿಭಟನೆ ಮಲ್ತುದ್ ಯಶಸ್ವಿಯಾದ್ ಅಂಕಪಟ್ಟಿನ್ ಪಿರ ದೆತೊಂಡೆರ್.
ಕರಿನ ಕೆಲವು ವರ್ಷಡಿಂಚಿ ಅನಧಿಕೃತವಾದ್ ಕೆಲವ್ ವಿದ್ಯಾರ್ಥಿಲೆನ ಎಸ್ಎಸ್ಎಲ್ಸಿ ಬೊಕ್ಕ ಪಿಯುಸಿ ಅಂಕಪಟ್ಟಿನ್ ತಡೆಮಲ್ತುದು ವಿದ್ಯಾರ್ಥಿಲೆನ ಜೀವನಡ್ ಚೆಲ್ಲಾಟ ಮಲ್ತೊಂದಿತ್ತಿನ ಅಚಲಾಡಿಡುಪ್ಪುನ ಇ.ಸಿ.ಆರ್ ಕಾಲೇಜಿದ ಗೇಟುದ ಎದುರು ಶೋಷಿತ ವಿದ್ಯಾರ್ಥಿಲು ಎಬಿವಿಪಿ ನೇತೃತ್ವಡ್ ಪ್ರತಿಭಟನೆ ನಡಪಾದ್ ಪ್ರಾಂಶುಪಾಲೆರು ಬತ್ತುದು ಸಮಸ್ಯೆಲೆನ್ ಕೇನೊಡು ಪಂಡುದ್ ಒತ್ತಾಯ ದೀಯೆರು. ಎಬಿವಿಪಿ ಮಂಗಳೂರು ವಿಭಾಗ ಸಂಚಾಲಕ ಗಣೇಶ್ ಪೂಜಾರಿ ಮೇರು ಯುಜಿಸಿ ನಿಯಮ ಬಾಹಿರವಾದ್ ಅನಧಿಕೃತವಾದ್ ವಿದ್ಯಾರ್ಥಿಲೆನ ಅಂಕಪಟ್ಟಿನ್ ತಡೆಮಲ್ದಿನವ್ವೆನ್ ಈ ಕೂಡಲೇ ಪಿರ ಕ್ರ್ಪಿಲೆಕ್ಕ ಮನವರಿಕೆ ಮಲ್ತುದ್ ಅಲ್ಪ ಸೇರ್ದಿನ 10 ವಿದ್ಯಾರ್ಥಿಲೆನ ಅಂಕಪಟ್ಟಿನ್ ಕಾಲೇಜಿಡ್ದ್ ಯಶಸ್ವಿಯಾದ್ ಪಿರ ದೆತೊಂಡೆರ್.
ಬೊಕ್ಕ ಪ್ರತಿಭಟನೆ ಉದ್ದೇಶಿಸಾದ್ ಪಾತೆರಿನ ಉಡುಪಿ ಜಿಲ್ಲಾ ಸಂಚಾಲಕ ಕಾರ್ತಿಕ್ ಎಂ ಈ ಕಾಲೇಜಿಡ್ದ್ ನೂದೆಕುಲಾ ಜಾಸ್ತಿ ವಿದ್ಯಾರ್ಥಿಲು ಕೆಲವು ಸಮಸ್ಯೆಲೆಡಿತ್ತುದ್ ದುಂಬುದಷ ದಿನೊಟ್ ಮಾತೆರೆನ ಸಮಸ್ಯೆಲೆನ್ ಪರಿಹಾರ ಮಲ್ಪರೆಗ್ ಎಬಿವಿಪಿ ನೇತೃತ್ವ ದೆತೊಂಬುಂಡ್ ಪಂಡೆರು.
ಪ್ರತಿಭಟನೆ ಸಂದರ್ಭ ಕರ್ನಾಟಕ ದಕ್ಷಿಣ ಪ್ರಾಂತ ಸಾಮಾಜಿಕ ಜಾಲತಾಣ ಸಹ ಸಂಚಾಲಕ ಶ್ರೀವತ್ಸ, ಉಡುಪಿ ತಾಲೂಕು ಸಂಚಾಲಕ ಶ್ರೇಯಸ್, ರಾಜ್ಯ ಕಾರ್ಯಕಾರಿಣಿ ಸದಸ್ಯರಾಯಿನ ಸಂಹಿತಾ ಮತ್ತು ಪ್ರಮುಖರಾಯಿನ ಸ್ವಸ್ತಿಕ್ ಕಿಶೋರ್,ಶಶಾಂಕ್, ನವೀನ್ ಉಪಸ್ಥಿತರಿತ್ತೆರು ವಿದ್ಯಾರ್ಥಿ ರೋಶನ್ ತನಗಾಯಿನ ಸಮಸ್ಯೆದ ವಿವರಣೆ ಕೊರಿಯೆರು ಕೋಟ ಠಾಣಾ ಉಪನಿರೀಕ್ಷೆರಾಯಿನ ರಾಘವೇಂದ್ರ ಸೇರಿನಂಚ ಬಾಕಿದ ಅಧಿಕಾರಿಲು ಉಪಸ್ಥಿರಿತ್ತೆರು.
by 