ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಉಡುಪಿ ನಗರ ವತಿಡ್ದ್ ಚೆಕ್ ಬೌನ್ಸ್ ವಂಚನೆ ಪ್ರಕರಣಡ್ ಶಿಕ್ಷೆ ಆತಿನ ಶಿಕ್ಷಣ ಸಚಿವೆ ಮಧುಬಂಗಾರಪ್ಪ ನೈತಿಕ ಹೊಣೆ ದೀದ್ ರಾಜೀನಾಮೆ ಕೊರೊಡ್ ಪಂಡುದು ಆಗ್ರಹ ಮಲ್ತುದ್ ಅಜ್ಜರಕಾಡುದ ಹುತಾತ್ಮರ ಸ್ಮಾರಕದ ಕೈತಲ್ ಪ್ರತಿಭಟನೆ ಮಲ್ತೆರು.
ಜಿಲ್ಲಾ ಸಂಚಾಲಕೆರಾಯಿನ ಗಣೇಶ್ ಪೂಜಾರಿ ಪಾತೆರ್ದ್ ಭಾರತದ ಮಾತಾ ಸಮಸ್ಯೆಲೆಗ್ ಶಿಕ್ಷಣವೊಂಜೇ ಪರಿಹಾರ ಪಂಡುದ್ ನಂಬುದಿನ ನಮ ನ್ಯಾಯಾಲಯಡ್ದ್ ಶಿಕ್ಷೆ ಆತಿನ ವ್ಯಕ್ತಿ ಶಿಕ್ಷಣ ಸಚಿವೆ ಆದ್ ದುಂಬರಿಪುನ ವಿಪರ್ಯಾಸದ ಸಂಗತಿ ಪಂಡೆರ್.
ನಗರ ಕಾರ್ಯದರ್ಶಿ ಶ್ರೀವತ್ಸ ಪಾತೆಊ ಶಿಕ್ಷಣ ಇಲಾಖೆಗ್ ಕಪ್ಪು ಚುಕ್ಕಿ ಕನದಿನ ಮಧು ಬಂಗಾರಪ್ಪ ಈ ಕೂಡಲೇ ತಮ್ಮ ಸಚಿವ ಸ್ಥಾನಗ್ ರಾಜೀನಾಮೆ ಕೊರೊಡುಂದು ಆಗ್ರಹ ಮಲ್ತೆರು.
ಪ್ರತಿಭಟನೆಡ್ ರಾಜ್ಯ ಕಾರ್ಯಕಾರಿಣಿ ಸದಸ್ಯರಾಯಿನ ಸಂಹಿತಾ ಕೆ. ನಗರ ಸಹಕಾರ್ಯದರ್ಶಿಯಾಯಿನ ಕಾರ್ತಿಕ್, ಶಶಾಂಕ್ ವಿಭಾಗ ಎಸ್.ಎಫ್.ಡಿ. ಪ್ರಮುಖ ಶ್ರೀ ಹರಿ ಬೊಕ್ಕ ನಗರ ಕಾರ್ಯಾಲಯ ಪ್ರಮುಖ್ ಅನಂತ್ ಕೃಷ್ಣ ಪ್ರಮುಖರಾಯಿನ ನವೀನ್, ಸ್ವಸ್ತಿಕ್,ಧನ್ಯ, ಆದಿತ್ಯ, ಲ್ಯಾರಿ ಸೇರಿನಂಚ ವಿದ್ಯಾರ್ಥಿ ಲು ಪಾಲ್ ಪಡೆಯೆರು.
by 