ಸ್ಟೂಡೆಂಟ್ ಫಾರ್ ಡೆವೆಲಪ್ಮೆಂಟ್ ಉಡುಪಿ ಘಟಕದ ವತಿಡ್ದ್ ವೈಕುಂಠ ಬಾಳಿಗ ಕಾನೂನು ಮಹಾ ವಿದ್ಯಾಲಯಡ್ ರಾಷ್ಟ್ರೀಯ ಸೇವಾ ಯೋಜನೆದ ಸಹಭಾಗಿತ್ವದೊಟ್ಟುಗ್ ಸಿಡಿಲ ಸಂತ ಸ್ವಾಮಿ ವಿವೇಕಾನಂದೆರೆನ 161ನೇ ಜನ್ಮ ಜಯಂತಿದ ಪ್ರಯುಕ್ತ ರಾಷ್ಟ್ರೀಯ ಯುವ ದಿವಸ್ ಕಾರ್ಯಕ್ರಮನ್ ಆಯೋಜನೆ ಮಲ್ದುಂಡ್.
ಸಾಮಾಜಿಕ ಚಿಂತಕೆರಾಯಿನ ಪ್ರಕಾಶ್ ಮಲ್ಪೆ ಮೇರು ಪಾತೆರ್ದ್ ಭಾರತೀಯ ಸಂಸ್ಕೃತಿನ್ ಜಗತ್ತಿನಾದ್ಯಂತ ಪಸರಿಸಾಯಿನ ಕೀರ್ತಿ ಸ್ವಾಮಿ ವಿವೇಕಾನಂದೆರೆಗ್ ಸಲ್ಲುಂಡ್., ಅರೆನ ಆದರ್ಶ ಲು ಇನಿಕುಲಾ ಪ್ರಸ್ತುತವಾದುಂಡ್. ಬೊಕ್ಕ ಸಧೃಡ ಭಾರತೊನ್ ನಿರ್ಮಾಣ ಮಲ್ಪರೆಗ್ ಯುವಕೆರೆನೊಟ್ಟುಗ್ ಯುವತಿಯೆರೆನ ಪಾತ್ರಲಾ ಮಹತ್ವಪೂರ್ಣವಾಯಿನವ್ವ್ ಪಂಡುದ್ ತೆರಿಪಾಯೆರು.
ಕಾರ್ಯಕ್ರಮಡ್ ಕಾಲೇಜಿದ ನಿರ್ದೇಶಕರಾಯಿನ ಡಾ| ನಿರ್ಮಲಾ ಕುಮಾರಿ, ಪ್ರಾಂಶುಪಾಲರಾಯಿನ ರಘುನಾಥ್ ಕೆ.ಎಸ್ ಮೇರು ಪಾತೆರಿಯೆರು ವಿದ್ಯಾರ್ಥಿನಿಯಾಯಿನ ಪ್ರಿಯಾಂಕ ಸ್ವಾಗತ ಮಲ್ತುದ್, ಅಜಿತ್ ಜೋಗಿ ಮೇರು ಅತಿಥಿ ಪರಿಚಯ ಮಲ್ತೆರು, ವಿದ್ಯಾರ್ಥಿ ಸಂಘದ ಅಧ್ಯಕ್ಷೆರಾಯಿನ ಲೋಹಿತ್ ಕರ್ಕೇರ ವಂದಿಸಾದ್, ವಿದ್ಯಾರ್ಥಿಯಾಯಿನ ಗಣೇಶ್ ನಿರೂಪಣೆ ಮಲ್ತೆರು.
by 