ಕಾರ್ಕಳ ಎಬಿವಿಪಿ ವತಿಡ್ದ್ ನಗರ ಸಮ್ಮೇಳನ..

ಕಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಕಾರ್ಕಳ ವತಿಡ್ದ್ ನಗರ ಸಮ್ಮೇಳನ ವೇಣುಗೋಪಾಲ ಕೃಷ್ಣ ದೇವಸ್ಥಾನ ಕಾಬೆಟ್ಟುಡ್ ನಡತುಂಡ್.
ಕಾರ್ಯಕ್ರಮ ಉದಿಪನ ಮಲ್ತಿನ ಎಬಿವಿಪಿದ ಹಿರಿಯ ಕಾರ್ಯಕರ್ತೆರಾಯಿನ ರಾಜೇಂದ್ರ ಅಮಿನ್ ಮೇರ್ ವಿದ್ಯಾರ್ಥಿ ಲೆನ್ ಉದ್ದೇಶಿಸಾದ್ ದೇಶ ಸೇವೆಗ್ ತಂಕುಲೆನ ಪೊರ್ತುನ್ ಮಿಸಲಾದ್ ದೀಪಿನ ಮೂಲಕ ವಿದ್ಯಾರ್ಥಿ ಜೀವನೊನ್ ಸಮರ್ಪಕ ಮಲ್ತೊನೊಡ್ ಪಂಡೆರು.

ಮುಖ್ಯ ಅತಿಥಿಯಾದ್ ರಾಜ್ಯ ಸಹ ಕಾರ್ಯದರ್ಶಿಲಾಯಿನ ಹರ್ಷಿತ್ ಕೊಯ್ಲ ಮೇರು ಪಾತೆರ್ದ್ ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ದ ಇತಿಹಾಸ ಬೊಕ್ಕ ರಾಷ್ಟ್ರದ ಪುನರುನ್ನತಿಯ ಚಿಂತನೆದ ಬಗ್ಗೆ ಪಂಡೆರು ಉಂದುವೇ ಸಂದರ್ಭಡ್ ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ 2023 -24 ಸಾಲುದ ಕಾರ್ಕಳ ತಾಲೂಕು ಬೊಕ್ಕ ನಗರದ ಜವಾಬ್ದಾರಿ ಘೋಷಣೆ ಮಲ್ತೆರ್. ತಾಲೂಕು ಸಂಚಾಲಕರಾದ್ ಶ್ರೇಯಸ್ ಅಂಚನ್, ತಾಲೂಕು ವಿದ್ಯಾರ್ಥಿನಿ ಪ್ರಮುಖ್ ಆದ್ ಸೌಮ್ಯ ಜಿ ನಾಯ್ಕ್, ನಗರ ಕಾರ್ಯದರ್ಶಿ ಆದ್ ಅಕ್ಷಯ್ ಪೂಜಾರಿ, ನಗರ ವಿದ್ಯಾರ್ಥಿನಿ ಪ್ರಮುಖ್ ಆದ್ ಮಾಲಾಶ್ರೀ ಮೊಕುಲು ಆಯ್ಕೆ ಆಯೆರ್..

ವೇದಿಕೆಡ್ ವೇಣುಗೋಪಾಲ ಕೃಷ್ಣ ದೇವಸ್ಥಾನ ದ ಆಡಳಿತ ಮೊಕ್ತೇಸರಾಯಿನ ಸಂತೋಷ್ ಉಪಾಧ್ಯಯ, ತಾಲೂಕು ಸಂಚಾಲಕೆರ್ ಶಿವರುದ್ರಪ್ಪ ಪಾಟೀಲ್, ನಗರ ಕಾರ್ಯದರ್ಶಿ ಧನುಷ್ ಉಪಸ್ಥಿತರಿತ್ತೆರ್.
ಈ ಸಂದರ್ಭಡ್ ಜಿಲ್ಲಾ ಸಂಘಟನಾ ಕಾರ್ಯದರ್ಶಿ ಅಜಯ್ ಪ್ರಭು, ಜಿಲ್ಲಾ ಸಂಚಾಲಕ ಯುಕೇಶ್ ಗೌಡ, ಹಿರಿಯ ಕಾರ್ಯಕರ್ತರಾಯಿನ ಮನೀಶ್ ಕುಲಾಲ್ ಬೊಕ್ಕ ಪ್ರಮುಖ ಕಾರ್ಯಕರ್ತೆರು ಉಪಸ್ಥಿತರಿತ್ತೆರು.

ಕಾರ್ಯಕ್ರಮಡ್ ಬತ್ತಿ ಬಿನ್ನೆರೆನ್ ಸೌಮ್ಯ ಜಿ ನಾಯ್ಕ್ ಮೇರ್ ಸ್ವಾಗತ ಮಲ್ತೆರ್, ಪ್ರಜ್ವಲ್ ರಾವ್ ಮೇರ್ ಸೊಲ್ಮೆಸಂದಾಯ್ತ ಮಲ್ತೆರು ಬೊಕ್ಕ ಶ್ರಾವ್ಯ ಜಿ ನಾಯ್ಕ್ ಮೇರು ನಿರೂಪಣೆ ಮಲ್ತೆರು.

ಸಭಾ ಕಾರ್ಯಕ್ರಮಡ್ ಬೊಕ್ಕ ನಗರ ಮಟ್ಟದ ಚೆಸ್ ಪಂತೊನ್ ಏರ್ಪಾಡ್ ಮಲ್ದಿತ್ತೆರ್..