ಧನ್ವಂತರಿ ನರ್ಸಿಂಗ್ ಕಾಲೇಜ್

ಉಡುಪಿ ಸಂತೆಕಟ್ಟೆ ಡುಪ್ಪುನ  ಧನ್ವಂತರಿ ನರ್ಸಿಂಗ್ ಕಾಲೇಜಿಡ್  ಕಾಲೇಜು ವಾರ್ಷಿಕೋತ್ಸವ ಬೊಕ್ಕ ಪದವಿ ಪ್ರದಾನ ಸಮಾರಂಭ ನಡತುಂಡ್.
ಮುಖ್ಯ ಅತಿಥಿಲಾದ್  ಮಣಿಪಾಲದ ಕೆಎಂಸಿ ಆಸ್ಪತ್ರೆದ ಮೂಳೆ ರೋಗದ  ಘಟಕದ ಮುಖ್ಯಸ್ಥೆರಾಯಿನ  ಡಾ. ಮೋನಪ್ಪ ನಾಯ್ಕ್ ಪದವಿ ಪ್ರದಾನ ಮಲ್ತುದ್, ಶಿಕ್ಷಣ ಉಸುದಿನ  ನೀರಾವಂದೆ  ಜೀವನದುದ್ದಗುಲಾ  ಬೇತೆ ಬೇತೆ ವಿಷಯದ  ಬಗೆಟ್  ಜ್ಞಾನನ್  ಸಂಪಾದಿಸಾವುನೊಟ್ಟುಗ್  ರೋಗಿನಕ್ಲೆನೊಟ್ಟುಗ್ ಎಡ್ಡೆ  ಸಂವಹನ ಕಾತೊಂದು ಅಪ್ಪೆ ಅಮ್ಮನ  ಪುದರುನ್  ಒರಿಪಾದ್  ಕೀರ್ತಿವಂತೆರಾದ್ ಬದುಕುಲೆ ಪಂಡುದ್ ವಿದ್ಯಾರ್ಥಿಲೆಗ್  ಶುಭಕೋರಿಯೆರು. ಪ್ರಶಾಂತವಾಯಿನ ವಾತಾವರಣಡ್  ಮೌಲ್ಯಯುತ ಶಿಕ್ಷಣ ಕೊರ್ದ್  ವಿದ್ಯಾರ್ಥಿಲೆಗ್ ಉದ್ಯೋಗನ್  ಕಲ್ಪಿಸಾದ್ ಕೊರಿನ  ಸಂಸ್ಥೆಗ್ ಅಭಿನಂದನೆ  ಸಲ್ಲಿಸಾಯೆರು.
ಸಮಾರಂಭದ ಅಧ್ಯಕ್ಷತೆಡ್ ಸಂಸ್ಥೆದ ಚೇರ್ಮನ್  ಡಾ. ಉಮೇಶ್ ಪ್ರಭು ಇತ್ತೆರು. ಈ ಸಂದರ್ಭಡ್ ಸಂಸ್ಥೆದ ಸಂಸ್ಥಾಪಕೆರಾಯಿನ  ಟಿ ವಿ ರಾವ್ ಪುದರುಡ್ ಕೊರ್ಪಿನ ಪ್ರತಿಷ್ಠಿತ ಟಿ ವಿ ರಾವ್ ಪ್ರಶಸ್ತಿನ್ ಶ್ರೀ ವಾದಿರಾಜ ಕುಂದರ್ ಮಟ್ಟು ಅರೆಗ್ ಪ್ರದಾನ ಮಲ್ತೆರ್.
ಸಂಸ್ಥೆಡ್  ಪತ್ತು ವರ್ಷಗುಲಾ  ಮಿತ್ತ್ ಸೇವೆ ಸಲ್ಲಿಸಾದಿನ ಸಿಬ್ಬಂದಿ ವರ್ಗದಕ್ಲೆಗ್  ಸನ್ಮಾನ ಮಲ್ತೆರ್.
ಸಂಸ್ಥೆದ  ಆಡಳಿತಾಧಿಕಾರಿ ಉದಯ್ ಕುಮಾರ್ ಸ್ವಾಗತ ಮಲ್ತೆರು. ಕಾಲೇಜ್ ಆಫ್ ನರ್ಸಿಂಗ್ ಪ್ರಾಂಶುಪಾಲೆರಾಯಿನ ಪ್ರೊ. ಲತಾ ಬೊಕ್ಕ ಸ್ಕೂಲ್ ಆಫ್ ನರ್ಸಿಂಗ್ ಪ್ರಾಂಶುಪಾಲೆರಾಯಿನ  ಶಿವಪ್ರಸಾದ್ ಪ್ರಭು ಉಪಸ್ಥಿತರಿತ್ತೆರು.
ವಿದ್ಯಾರ್ಥಿಲೆಡ್ದ್  ಬೇತೆ ಬೇತೆ ಮನೋರಂಜನ ಕಾರ್ಯಕ್ರಮ ನಡತುಂಡ್.