ಸಮಾಜಡ್ ನಾಯಕೆರಾಪಿನೇಡ್ ದುಂಬು ವಿದ್ಯಾರ್ಥಿ ಹಂತೊಡ್ ಸಮಯ ಪ್ರಜ್ಞೆ, ಸೂಕ್ತ ನಿರ್ಧಾರ, ಜವಾಬ್ದಾರಿ ಇಂಚಿನ ನಾಯಕತ್ವ ಗುಣಕ್ಲೆನ್ ಮೈಗೂಡಿಸಾವೊಂದ್,ಎಡ್ಡೆ ಚಟುವಟಿಕೆಲೆನ್ ಧನಾತ್ಮಕ ಕಲಿಕೆಗ್ ಪೂರಕವಾದ್ ಸಂಘಟನೆ ಮಲ್ಪುಲೆ ಪಂಡುದು ಕೆ ವಿ ಜಿ ಆಯುರ್ವೇದ ಮಹಾವಿದ್ಯಾಲಯದ ಪ್ರಾಂಶುಪಾಲೆರಾಯಿನ ಡಾ. ಲೀಲಾಧರ್ ಡಿ.ವಿ ಮೇರು ಪಂಡೆರು.
ಆರು ಸುಳ್ಯದ ನೆಹರು ಮೆಮೋರಿಯಲ್ ಕಾಲೇಜ್ ಡ್ ವಿದ್ಯಾರ್ಥಿ ಸಂಘದ ಉದಿಪನ ಬೊಕ್ಕ ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮಡ್ ಮುಖ್ಯ ಅತಿಥಿಯಾದ್ ಪಾತೆರಿಯೆರು.
ಸಮಾರಂಭದ ಅಧ್ಯಕ್ಷತೆಡಿತ್ತಿನ ಎ.ಒ.ಎಲ್.ಇ (ರಿ) ಸುಳ್ಯ ದ ಅಧ್ಯಕ್ಷೆರಾಯಿನ ಡಾ ಕೆ.ವಿ ಚಿದಾನಂದ ಮೇರು ತುಡರ್ ಅರ್ಲಾದ್ ಪಾತೆರ್ದ್ , ವಿದ್ಯೆ ಕಲ್ಪುನವ್ ತಪಸ್ಸು ಇತ್ತಿಲೆಕ್ಕ, ವಿದ್ಯೆಗ್ ಸಮಾನವಾಯಿನವ್ ಒವ್ಲಾ ಇಜ್ಜಿ . ಶಿಸ್ತು ಬದ್ದ ಜೀವನ ಶೈಲಿ ನಮ್ಮ ವ್ಯಕ್ತಿತ್ವ ವಿಕಸನಗ್ ಪೂರಕ, ವಿದ್ಯಾರ್ಥಿಲು ಸಾಧನೆ ಮಲ್ತುದು ಸಂಸ್ಥೆಗ್ ಎಡ್ಡೆ ಪುದರ್ ಕನಲೆ ಪಂಡುದು ಶುಭ ಹಾರೈಸಿಯೆರು.
ವೇದಿಕೆಡ್ ಆಡಳಿತ ಅಧಿಕಾರಿ ಚಂದ್ರಶೇಖರ ಪೆರಾಲು, ಪದವಿ ವಿಭಾಗದ ಪ್ರಾಚಾರ್ಯೆರಾಯಿನ ಡಾ. ರುದ್ರಕುಮಾರ್, ಸಂಸ್ಥೆದ ಪ್ರಾಚಾರ್ಯರಾದ ಮಿಥಾಲಿ ಪಿ ರೈ, ವಿದ್ಯಾರ್ಥಿ ಕ್ಷೆಮಾಧಿಕಾರಿಯಾಯಿನ ವಿನಯ್ ನಿಡ್ಯಮಲೆ, ವಿದ್ಯಾರ್ಥಿ ಸಂಘದ ಪದಾಧಿಕಾರಿಲಾಯಿನ ಗಾಯತ್ರಿ ಪಿ, ರಿಯಾ ಕೆ ಜೆ, ಮಣಿಕಂಠ ಉಪಸ್ಥಿತರಿತ್ತೆರು.
by 