ಎಮ್. ಜಿ. ಎಮ್. ಅಮ್ರತ ಮಹೋತ್ಸವ

ಉಡುಪಿದ  ಮಹಾತ್ಮ ಗಾಂಧಿ ಮೆಮೋರಿಯಲ್ ಕಾಲೇಜು  ಅಮೃತ ಮಹೋತ್ಸವದ ಸಂಭ್ರಮೊಡ್  ಉಂಡು. ನೆತ್ತ ಭಾಗವಾದ್, ಕಾಲೇಜಿದ ಪ್ರಾಣಿಶಾಸ್ತ್ರ ಬೊಕ್ಕ  ಸಸ್ಯಶಾಸ್ತ್ರ ವಿಭಾಗಲು  ಜಂಟಿಯಾದ್ , ಉಂದುವೆ ಮಾರ್ಚ್ 15, 16 ಗ್ , Biodiversity Conservation: Impact of Anthropogenic activities and Climate change ಪನ್ಪಿನ  ವಿಷಯದ ಬಗೆಟ್  ರಾಷ್ಟ್ರಮಟ್ಟದ ಉಪನ್ಯಾಸ ಕಾರ್ಯಕ್ರಮ ಆಯೋಜನೆ ಮಲ್ದಿತ್ತುದ್, ಅಮೃತ ಮಹೋತ್ಸವ ವಿಚಾರ ಸಂಕಿರಣದ ಸರಣಿದ ಸುರುತ್ತ  ವಿಚಾರ ಸಂಕಿರಣ ಉಂದಾದುಂಡ್.

ರಾಷ್ಟ್ರಮಟ್ಟದ ಸಂಪನ್ಮೂಲ ವ್ಯಕ್ತಿಲು  ಮಿತ್ತುದ ವಿಷಯದ ಬಗೆಟ್  ತಮ್ಮ ಜ್ಞಾನಾನುಭವವನ್  ಪಟ್ಟೊನರೆಗುಲ್ಲೆರ್. ರಾಜ್ಯ ಬೊಕ್ಕ  ಪರ ರಾಜ್ಯದ ವಿಧ್ಯಾರ್ಥಿ/ಉಪನ್ಯಾಸಕೆರು ಎಡ್ಡೆ  ರೀತಿಡ್  ಸ್ಪಂದಿಸಾದ್ , ತಮ್ಮ ಸಂಶೋಧನೆದ ವಿಚಾರಲೆನ್ ಮಂಡಿಸಾವರೆಗುಲ್ಲೆರ್. ಈ ಕಾರ್ಯಕ್ರಮಗ್ ಜಾಗೆಡೇ ನೋಂದಣಿ ಮಲ್ಪುನ  ಅವಕಾಶ ಇತ್ತುದ್ದು, ಆಸಕ್ತೆರು, ಮಾರ್ಚ್ 15 ಕಾಂಡೆ 9.30 ಗಂಟೆದುಲಾಯಿ ಅಕಲ್ನ  ಪುದರ್  ನೊಂದಾವಣೆ ಮಲ್ಪೊಲಿ  ಪಃಡುದು ಪ್ರಾಣಿಶಾಸ್ತ್ರ ವಿಭಾಗದ ಮುಖ್ಯಸ್ಥೆರಾಯಿನ  ಡಾ. ಮನೀತ ಟಿ. ಕೆ. ಬೊಕ್ಕ  ಸಸ್ಯಶಾಸ್ತ್ರ ವಿಭಾಗದ ಮುಖ್ಯಸ್ಥೆರಾಯಿನ ಶ್ರೀಮತಿ ಶೃತಿ ನಾಯಕ್ ಮೇರು ಪ್ರಕಟಣೆಡ್ ತೆರಿಪಾದೆರ್.