ಜ್ಞಾನವನ್ನು ಕೊಡುವ ಒಂದು ವ್ಯವಸ್ಥೆಯೇ ಶಾಲೆ- ಪ್ರಮೋದ್ ಮಧ್ವರಾಜ್
ಜ್ಞಾನನ್ ಕೊರ್ಪಿನ ಒಂಜಿ ವ್ಯವಸ್ಥೆನೇ ಶಾಲೆ ಪಂಡುದು ಮಾಜಿ ಸಚಿವರಾಯಿನ ಪ್ರಮೋದ್ ಮಧ್ವರಾಜ್ ಪಂಡೆರು. ಇನಿ ಉಡುಪಿ ಜಿಲ್ಲೆದ ಕಲ್ಯಾಣಪುರದ ಹಿಂದೂ ಹಿರಿಯ ಪ್ರಾಥಮಿಕ ಶಾಲೆಡ್ ಬೆಂಗಳೂರುದ ಸ್ಪಂದನ ಸೇವಾ ಸಂಸ್ಥೆ ಏರ್ಪಡಿಸಾದಿನ ಉಚಿತ ನೋಟ್ ಪುಸ್ತಕ ವಿತರಣೆ ಬೊಕ್ಕ “ಯಶೋಮಾಧ್ಯಮ-2023” ಪ್ರಶಸ್ತಿ ವಿತರಣೆ ಸಮಾರಂಭದ ಅಧ್ಯಕ್ಷತೆ ವಹಿಸಾದ್ ಆರು ಪಾತೆರಿಯೆರ್.
ಉತ್ತರ ಕರ್ನಾಟಕದ ಜೋಕುಲು ಅಕ್ಲೆನ ಪೊಪ್ಪ ಅಮ್ಮ ವಾ ರೀತಿಡ್ ಕಷ್ಟ ಬೈದೆರಾ ಆ ಕಷ್ಟಡ್ ಪಿದಾಯಿ ಬರ್ರೆಗಾದ್ ಜೋಕುಲು ಉನ್ನತ ಶಿಕ್ಷಣ ಪಡೆತುದು ಮಲ್ಲ ಮಟ್ಟಗ್ ಬುಲೆಯಡ್ ಪಂಡೆರು. 30-40 ವರ್ಷೊಡ್ ಬೊಕ್ಕ ದುಂಬು ಉತ್ತರ ಕರ್ನಾಟಕದಕುಲು ಈ ಭಾಗೊಗ್ ಕೆಲಸಗ್ ಬತ್ತಿನಪಗ ಅಕಲೆನ ಜೋಕುಲೆನ್ ಶಾಲೆಗ್ ಕಡಪಾವೊಂದಿತ್ತುಜೆರ್. ಆ ಜೋಕುಲೆಗ್ ಶಿಕ್ಷಣ ಸಿಕ್ಕೊಂದಿತ್ತುಜಿ. ಆಂಡ ಇನಿ ಇಡೀ ಭಾರತ ದೇಶೊಡೇ ಅತ್ಯುತ್ತಮ ಶಿಕ್ಷಣ ಕೊರೊಂದುಪ್ಪುನ ವ್ಯವಸ್ಥೆ ಇತ್ತುಂಡ ಅವ್ ದಕ್ಷಿಣದ ಉಡುಪಿ ಜಿಲ್ಲೆಡ್ ಮಾತ್ರ.
ಬಾಗಲಕೋಟೆ ರಾಯಚೂರು, ಬಿಜಾಪುರದ ಶಾಲೆಡೆಡ್ದ್ ಉತ್ತಮ ಶಿಕ್ಷಣ ಮುಲ್ಪ ಸಿಕ್ಕುಂಡ್. ನಮ್ಮ ಜೋಕುಲೆನ್ ವಿದ್ಯಾಭ್ಯಾಸ ಕ್ಕಾದ್ ಅಮೆರಿಕ ಇಂಗ್ಲೆಂಡ್ ಮುಲ್ಪದ ದೇಶೊಲೆಗ್ ಕಡಪಾವ. ಆಂಡ ಇನಿ ಮುಲ್ಪ ಉತ್ತರ ಕರ್ನಾಟಕದ ಜೋಕುಲು ಶಿಕ್ಷಣ ಪಡೆಯೊಂದುಲ್ಲೆರ್ ಅವರು ನಿಜವಾದುಲಾ ಭಾಗ್ಯವಂತೆರು. ಅಂಚಿನ ಉತ್ತರ ಕರ್ನಾಟಕದ ಜೋಕುಲೆಗ್ ನಿಸ್ವಾರ್ಥತೆಡ್ ವೆಂಕಟೇಶ್ ಪೈ ಅರೆನ ನೇತೃತ್ವದ ಸ್ಪಂದನ ಸೇವಾ ಸಂಸ್ಥೆ ಉಚಿತ ಪುಸ್ತಕಲೆನ್ ವಿತರಣೆ ಮಲ್ಪುನ ಮುಖೇನ ಉತ್ತಮ ನಿಸ್ವಾರ್ಥ ಸೇವೆನ್ ಮಲ್ತೊಂದುಲ್ಲೆರ್.
ಈ ನಿಸ್ವಾರ್ಥ ಸೇವೆಗ್ ಪುಣ್ಯಫಲ ದೇವರೆಡ್ದ್ ಸದಾ ಸಿಕ್ಕಡ್ ಪಂಡುದ್ ಹಾರೈಸಿಯೆರು. ಟಿ.ಎ.ಪೈ ಮೇರು ಕುಟುಂಬಗ್ ಕೈತಲುದಾರು. 1962 ಡ್ ಎನ್ನ ಪೊಪ್ಪ ಎಂಎಲ್ಎ ಆವೊಡಾಂಡ ಟಿ.ಎ.ಪೈ ಮುಖ್ಯ ಕಾರಣ. . ಅಂಚಿನ ಟಿ.ಎ.ಪೈಯವರು ಕಲ್ತಿನ ಈ ಶಾಲೆಗ್ ಬರ್ಪಿನ ಭಾಗ್ಯ ಇನಿ ಎನ್ನವ್ ಪಂಡೆರು.
ವೆಂಕಟೇಶ್ ಪೈ ಮೇರು ಪತ್ರಕರ್ತರಾಯಿನ ಮೋಹನ್ ಉಡುಪರೆನ್ ಗುರುತಿಸಾದ್”ಯಶೋ ಮಾಧ್ಯಮ-2023″ ಪ್ರಶಸ್ತಿ ಕೊರ್ದ್ ಗೌರವಿಸಾದಿನ ಶ್ಲಾಘನೀಯವಾತುಂಡ್ ಪಂಡೆರು. ದೀಪ್ತಿ ಬಿಲ್ಡ್ ಪ್ರೊ ವೆಂಚರ್ಸ್ ನ ಆಡಳಿತ ನಿರ್ದೇಶಕರು ಬೊಕ್ಕ ಸಮಾಜ ಸೇವಕರಾಯಿನ ಶಿರಿಯಾರ ಗಣೇಶ್ ನಾಯಕ್ ಮೇರ್ ಪಾತೆರ್ದ್ ಶಾಲೆ ಪನಿಬೊಕ್ಕ ನೆನಪುಗ್ ಬರ್ಪಿನಿ ಬಾಲ್ಯ. ಇಜಿತ ಈ ಕಾರ್ಯಕ್ರಮ ಬಾಲ್ಯದ ನೆನಪು ಮಲ್ತುಂಡ್ .
ಟಿ.ಎ.ಪೈ., ಟಿ.ಎಂ.ಎ.ಪೈ ಈ ಶಾಲೆಡ್ ಓದುದ್ ಸಮಾಜಗ್ ಮಲ್ಲ ಕೊಡುಗೆ ಕೊರ್ತೆರ್.. ಈ ಕನ್ನಡ ಶಾಲೆದ ಅಭಿವೃದ್ಧಿ, ಶಾಲೆಗ್ ಜೋಕುಲು ಬರ್ಪಿಲೆಕ್ಕ ಮಲ್ಪುನ ಪ್ರಯತ್ನ, ಈ ಶಾಲೆಗ್ ದಾದ ಅವಶ್ಯಕತೆ ಉಂಡಾ ಅವ್ವೆನ್ ಸಮಾಜಡ್ದ್ ಕೊರ್ಪಿನ ಪ್ರಯತ್ನನ್ ಸ್ಪಂದನಾ ಸೇವಾ ಸಂಸ್ಥೆ ಮಲ್ತೊಂದುಂಡ್ ಪಂಡೆರ್.
ಉದ್ಯಾನ ವೀನ್ಯಾಸಗಾರೆರಾಯಿನ ಲೋಕೇಶ್ ಪೂಜಾರಿ ಪಾತೆರ್ದ್ ಉತ್ತರ ಕರ್ನಾಟಕ ಭಾಗದ ಶ್ರಮಿಕ ವರ್ಗದಕಲೆಡ್ದ್ ಉಡುಪಿ & ದಕ್ಷಿಣ ಕನ್ನಡ ಭಾಗದ ಕನ್ನಡ ಶಾಲೆಲು ಒರಿದುಂಡ್. ಜೋಕುಲು ಮೊಬೈಲ್ ಡ್ದ್ ದೂರ ಇತ್ತುದ್ ವಿದ್ಯಾಭ್ಯಾಸದಂಚಿ ಹೆಚ್ಚಿನ ಗಮನ ಕೊರುಂಡ ಸಮಾಜಡ್ ಉತ್ತಮ ವ್ಯಕ್ತಿ ಆಪೆರ್ ಪಂಡುದು ಪಂಡೆರು.
ಪತ್ರಕರ್ತ ಜನಾರ್ದನ್ ಕೊಡವೂರು ಪಾತೆರ್ದ್ ಸ್ಪಂದನಾ ಸೇವಾ ಸಂಸ್ಥೆದ ಸಾಮಾಜಿಕ ಸೇವಾ ಕಾರ್ಯಲೆನ ಬಗ್ಗೆ ಶ್ಲಾಘನೆ ಮಲ್ತೆರ್. “ಯಶೋ ಮಾಧ್ಯಮ-2023″ಪ್ರಶಸ್ತಿ ಪುರಸ್ಕೃತರಾಯಿನ ಬ್ರಹ್ಮಾವರ ತಾಲ್ಲೂಕು ವಿಜಯ ಕರ್ನಾಟಕ ವರದಿಗಾರರಾಯಿನ ಹೆಚ್. ಮೋಹನ್ ಉಡುಪ ಪಾತೆರ್ದ್ ಸ್ಪಂದನಾ ಸೇವಾ ಸಂಸ್ಥೆ ಎನನ್ ಗುರುತಿಸಾದ್ ” ಯಶೋ ಮಾಧ್ಯಮ-2023″ ಪ್ರಶಸ್ತಿ ಕೊರ್ತಿನವ್ ಅವ್ವೆನ್ ಪ್ರಮೋದ್ ಮಧ್ವರಾಜ್ ಬೊಕ್ಕ ಶಿರಿಯಾರ ಗಣೇಶ್ ನಾಯಕ್ ಮೊಕುಲು ಕೊರ್ಪಿನವ್ಬ ಸಂತೋಷ ಆತುಂಡ್ ಪಂಡೆರ್. ಅಂಚೆನೇ ಜವಾಬ್ದಾರಿಲಾ ಹೆಚ್ಚಾತುಂಡ್ ಪಂಡೆರ್. ದುಂಬುದ ದಿನೊಕುಲೆಡ್ ಸಮಾಜಗ್ ಬೋಡಾಯಿನ ಎಡ್ಡೆ ಕೆಲಸದ ವರದಿಲೆನ ಜವಾಬ್ದಾರಿ ಹೆಚ್ಚಾತುಂಡ್ ಪಂಡೆರು.
ಈ ಸಂದರ್ಭಡ್ ಮೋಹನ್ ಉಡುಪರವರ ಶ್ರೀಮತಿ ಆಯಿನ ವಿದ್ಯಾ, ಹಾಯ್ ಕರಾವಳಿ ದಿನಪತ್ರಿಕೆದ ಸಂಪಾದಕರಾಯಿನ ರವೀಂದ್ರ, ಪೂರ್ಣಿಮಾ ಭಟ್, ಸ್ಪಂದನಾ ಸೇವಾ ಸಂಸ್ಥೆದ ಅಧ್ಯಕ್ಷರಾಯಿನ ವೆಂಕಟೇಶ್ ಪೈ, ಕಾರ್ಯದರ್ಶಿಲಾಯಿನ ಸಂತೋಷ್ ಕಾಮತ್, ಜಂಟಿ‌ಕಾರ್ಯದರ್ಶಿಲಾಯಿನ ಶಿವಾನಂದ ಕಾಮತ್, ಹಿಂದೂ ಹಿರಿಯ ಪ್ರಾಥಮಿಕ ಶಾಲೆದ ಮುಖ್ಯೋಪಾಧ್ಯಾಯರಾಯಿನ ಶ್ರೀಮತಿ ಶಾರದ, ದುಂಬುದ ಮುಖ್ಯೋಪಾಧ್ಯಾಯರಾಯಿನ ಶ್ರೀಮತಿ ಗುಲಾಬಿ, ಅಧ್ಯಾಪಕ ವೃಂದದಕುಲು, ಪೋಷಕೆರು ಉಪಸ್ಥಿತರಿತ್ತೆರು.
by 