ವಿಧಾನಸಭಾ ಕ್ಷೇತ್ರವ್ಯಾಪ್ತಿಡ್ ಶಿಕ್ಷಣ ಬೊಕ್ಕ ಆರೋಗ್ಯಗ್ ಸುರುತ್ತ ಆದ್ಯತೆ ಕೊರ್ಪುಂಡ್ . ನಗರದ ಅಜ್ಜರಕಾಡು ವಾರ್ಡ್ ಒಂಜೆಡೇ 9 ಸಾವಿರಗುಲಾ ಜಾಸ್ತಿ ವಿದ್ಯಾರ್ಥಿಲು ಎಲ್‌ಕೆಜಿಡ್ದ್ ಉನ್ನತ ಶಿಕ್ಷಣಮುಟ್ಟಲಾ ಬೇತೆ ಬೇತೆ ಶಿಕ್ಷಣ ಸಂಸ್ಥೆಲೆಡ್ ವ್ಯಾಸಂಗ ಮಲ್ತೊಂದುಲ್ಲೆರ್. ಅಧಿಕಾರಿಲು, ಶಿಕ್ಷಕೆರು ಶೈಕ್ಷಣಿಕ ಗುಣಮಟ್ಟನ್ ನನಲಾತ್ ಮೇಲ್ದರ್ಜೆಗ್ ಕೊನೊಪಿನ ನಿಟ್ಟುಡ್ ಕಾರ್ಯ ನಿರ್ವಹಿಸಾವರೆಗ್ ಶಾಸಕ ಯಶ್‌ಪಾಲ್ ಎ. ಸುವರ್ಣ ತೆರಿಪಾಯೆರು.
ಒಳಕಾಡು ಶಾಲೆಡ್ ಬುಧವಾರ ನಡತಿನ ಶಾಲಾ ಆರಂಭೋತ್ಸವದ ಹಿನ್ನೆಲೆಡ್ ವಿದ್ಯಾಾರ್ಥಿಲೆಗ್ ಸಮವಸ್ತ್ರ, ಪಠ್ಯಪುಸ್ತಕ ಬೊಕ್ಕ ಕಲಿಕಾ ಪರಿಕರಲೆನ್ ವಿತರಿಸಾದ್ ಪಾತೆರಿನ ಆರು, ಶೈಕ್ಷಣಿಕವಾದ್ ಉಡುಪಿ ದೇಶ ವಿದೇಶಡ್ ಪುದರು ಮಲ್ದುಂಡ್. ಮುಲ್ಪದ ವಿದ್ಯಾಾರ್ಥಿಲು ಹೆಚ್ಚು ಪರಿಶ್ರಮ ಮಲ್ತುದ್ ವ್ಯಾಾಸಂಗ ಮಲ್ಪುವೆರ್. ಅಯಿಕ್ ಪೂರಕವಾದ್ ಶಿಕ್ಷಕೆರು ಬೋಧನೆ ಮಲ್ಪುವೆರ್. ಆರೋಗ್ಯ ಕ್ಷೇತ್ರಡುಲಾ ಜಿಲ್ಲೆ ಬೋಡಾಯಿನಾತ್ ಸಾಧನೆ ಮಲ್ದುಂಡ್. ನನಲಾ ಅಭಿವೃದ್ಧಿ ಆವೊಡಾತುಂಡ್. ಶಿಕ್ಷಣ ಬೊಕ್ಕ ಆರೋಗ್ಯದ ವಿಷಯಡ್ ಒವ್ವೇ ರಾಜೀ ಮಲ್ಪುನ ಪ್ರಮೇಯನೇ ಇಜ್ಜಿ. ವಿದ್ಯಾಾರ್ಥಿಲೆಗ್ ಉತ್ಕೃಷ್ಟ ಗುಣಮಟ್ಟದ ಶಿಕ್ಷಣ ತಿಕ್ಕೊಡ್ . ಆತೇ ಎಡ್ಡೆ ಆರೋಗ್ಯ ಸೇವೆಲಾ ಜನ ಸಾಮಾನ್ಯರೆಗ್ ತಿಕ್ಕೊಡ್ ಶಾಲೆಲು, ವಿದ್ಯಾಾರ್ಥಿಲು , ಶಿಕ್ಷಕೆರು ಜಿಲ್ಲೆದ ನಿಜವಾಯಿನ ಸಂಪತ್ತು ಪಂಡೆರು.
ಮನೋವೈದ್ಯ ಡಾ ಪಿ.ವಿ.ಭಂಡಾರಿ ಮೇರ್ ವಿದ್ಯಾರ್ಥಿಲ?ಗ್ ಮಾರ್ಗದರ್ಶನ ಮಲ್ತೆರ್.
ಕೆನರಾ ಬ್ಯಾಂಕ್ ಡಿಜಿಎಂ ಸಬಿತಾ ನಾಯಕ್, ಡಿಡಿಪಿಐ ಕೆ. ಗಣಪತಿ, ಡಯಟ್ ಉಪ ಪ್ರಾಂಶಪಾಲರಾಯಿನ ಡಾ ಅಶೋಕ್ ಕಾಮತ್, ಬಿಇಒ ಚಂದ್ರೇಗೌಡ, ನಗರ ಸಭೆ ಸದಸ್ಯೆ ರಜನಿ ಹೆಬ್ಬಾರ್, ಎಸ್‌ಡಿಎಂಸಿ ಉಪಾಧ್ಯಕ್ಷ ಶ್ಯಾಮ್ ಕುಡ್ವಾ, ಪ್ರಾಾಥಮಿಕ ಶಾಲೆ ಎಸ್‌ಡಿಎಂಸಿ ಅಧ್ಯಕ್ಷ ಪ್ರಕಾಶ್ ಚಂದ್ರ, ಪ್ರಾಥಮಿಕ ಶಾಲೆದ ಮುಖ್ಯಶಿಕ್ಷಕಿ ಕುಸುಮಾ, ಶಿಕ್ಷಕೆರು, ಪಾಲಕ, ಪೋಷಕೆರು, ವಿದ್ಯಾರ್ಥಿಲು ಉಪಸ್ಥಿಿತರಿತ್ತೆರು.
ಪ್ರೌಢಶಾಲೆ ಮುಖ್ಯಶಿಕ್ಷಕಿ ನಿರ್ಮಲಾ ಸ್ವಾಗತ ಮಲ್ತುದ್, ವಿದ್ಯಾಾರ್ಥಿನಿ ಸನ್ನಿಧಿ ನಾಯಕ್ ನಿರೂಪಣೆ ಮಲ್ತೆರ್.
ಶಾಸಕ ಯಶ್‌ಪಾಲ್ ಸುವರ್ಣ ಮೇರು ನಿಟ್ಟೂರು ಹನುಮಂತ ನಗರದ ಸರಕಾರಿ ಶಾಲೆ, ಬ್ರಹ್ಮಾವರದ ಬೋರ್ಡ್ ಹೈಸ್ಕೂಲ್ ಬೊಕ್ಕ ಕೊಕ್ಕರ್ಣೆದ ಕರ್ನಾಟಕ ಪಬ್ಲಿಕ್ ಶಾಲಾ ಆರಂಭೋತ್ಸವಡ್ ಪಾಲ್ ಪಡೆಯೆರು.
ಸೀಪೆ ವಿತರಣೆ
ಶಾಸಕ ಯಶ್‌ಪಾಲ್ ಸುವರ್ಣ ಆರು ಅರೆನ ಪೊಪ್ಪ ಅಮ್ಮನ ನೆನಪುಡ್ ಪುಷ್ಪಾಾನಂದ ಫೌಂಡೇಶನ್ ವತಿಡ್ದ್ ಉಡುಪಿ ಕ್ಷೇತ್ರ ವ್ಯಾಪ್ತಿದ ಮಾತಾ ಸರಕಾರಿ ಬೊಕ್ಕ ಅನುದಾನಿತ ಶಾಲೆಲೆನ ಸುಮಾರು 17 ಸಾವಿರ ವಿದ್ಯಾಾರ್ಥಿಲೆಗ್ ಸೀಪೆ ತಿಂಡಿ(ಲಡ್ಡು) ವಿತರಣೆ ಮಲ್ತೆರ್.
by 