ಜೋಕುಲೆನ್ ಎದ್ಕೊನರೆಗ್ ತಯಾರಾದುಂಡ್ ಸರ್ಕಾರಿ ಶಾಲೆಲು..ಯಶ್ಪಾಲ್

ಶಾಲಾ ಪ್ರಾರಂಭೋತ್ಸವಗ್ ಸಡಗರದ ಚಾಲನೆ : ಯಶ್ ಪಾಲ್ ಸುವರ್ಣ

ಸರ್ಕಾರಿ ಶಾಲೆಲು ಪೊಸ ಶೈಕ್ಷಣಿಕ ವರ್ಷದೊಟ್ಟುಗ್ ಮೇ 31ಬುಧವಾರ ಪುನರಾರಂಭ ಆವರೆಗಿತ್ತುದಗ, ಉಡುಪಿ ವಿಧಾನ ಸಭಾ ಕ್ಷೇತ್ರದ 72 ಸರ್ಕಾರಿ ಶಾಲೆಲು ಜೋಕ್ಲೆನ ಸ್ವಾಗತಗ್ ಸಜ್ಜಾತುಂಡ್

ಉಡುಪಿ ನಗರದ ವಳಕಾಡು ಸರ್ಕಾರಿ ಪ್ರೌಢ ಶಾಲೆಡ್ ಕಾಂಡೆ 9.00 ಗಂಟೆಗ್ ಮಾನ್ಯ ಶಾಸಕೆರು ಪ್ರಾರಂಭೋತ್ಸವಗ್ ವಿಧ್ಯುಕ್ತವಾದ್ ಚಾಲನೆ ಕೊರ್ರೆಗುಲ್ಲೆರ್. ಬೊಕ್ಕ 10.00 ಗಂಟೆಗ್ ನಿಟ್ಟೂರು ಹನುಮಂತ ನಗರದ ಶಾಲೆ, 10.30 ಕ್ಕ್ ಬೋರ್ಡ್ ಹೈಸ್ಕೂಲ್ ಬ್ರಹ್ಮಾವರ, 11.30 ಗಂಟೆಗ್ ಕೆ.ಪಿ.ಎಸ್‍. ಶಾಲೆ, ಕೊಕ್ಕರ್ಣೆದ ಶಾಲಾ ಪ್ರಾರಂಭೋತ್ಸವ ಕಾರ್ಯಕ್ರಮಲೆಡ್ ಶಾಸಕೆರು ಭಾಗವಹಿಸುವೆರ್.

ಉಡುಪಿ ವಿಧಾನ ಸಭೆ ವ್ಯಾಪ್ತಿದ ಮಾತಾ ಜನಪ್ರತಿನಿಧಿಕುಲು, ಶಾಲಾಭಿವೃದ್ಧಿ ಸಮಿತಿದ ಸದಸ್ಯೆರು, ಪೋಷಕ ಸಮಿತಿದ ಸದಸ್ಯೆರು, ಶಿಕ್ಷಣ ಪ್ರೇಮಿಲು ಸಂಬಂಧ ಪಟ್ಟಿನ ಕೈತಲುದ ತಮ್ಮ ಶಾಲೆದ ವ್ಯಾಪ್ತಿದ ಕಾರ್ಯಕ್ರಮಡ್ ಭಾಗವಹಿಸಾದ್ ಜೋಕ್ಲೆನ ಸಂಭ್ರಮ ಜಾಸ್ತಿ ಮಲ್ಪರೆಗ್ ಶಾಸಕೆರು ಮನವಿ ಮಲ್ದೆರ್

ಶಾಸಕೆರು ಪ್ರವರ್ತಕರಾದುಪ್ಪುನ ಪುಷ್ಪಾನಂದ ಫೌಂಡೇಶನ್‍ ವತಿಡ್ದ್ ಶಾಲಾ ಪ್ರಾರಂಭೋತ್ಸವದ ಪ್ರಯುಕ್ತ ಉಡುಪಿ ವಿಧಾನ ಸಭಾ ವ್ಯಾಪ್ತಿದ ಮಾತಾ ಸರ್ಕಾರಿ ಶಾಲೆದ ಸುಮಾರು 12,000 ಜೋಕುಲೆಗ್ ಸೀಪೆ ತಿಂಡಿ ವಿತರಣೆ ಕಾರ್ಯಕ್ರಮ ಆಯೋಜನೆ ಮಲ್ದೆರ್ ಪಂಡುದು ಶಾಸಕರ ಕಛೇರಿ ಪ್ರಕಟಣಿ ತೆರಿಪಾದುಂಡ್.