ಇಂಧನ ಇಲಾಖೆ‌ಲಡ್ ಗಲಸುನ ಸರ್ಕಾರಿ ವಾಹನೊಲು ವಿದ್ಯುತ್ ಚಾಲಿತ ವಾಹನ ಆವೊಡ್ ಪನ್ಪಿನ ಚಿಂತನೆ ಉಂಡು ಪಂಡುದ್ ಇಂಧನ ಸಚಿವೆ ರಾಯಿನ ವಿ ಸುನೀಲ್ ಕುಮಾರ್ ಪಂತೆರ್.
ವಿದ್ಯುತ್ ಚಾಲಿತ ವಾಹನೊಲು ಆಟೋಮೊಬೈಲ್ ರಂಗದ ದುಂಬುದ ಭವಿಷ್ಯ.
ಇನಿ ಕುಡ್ಲದ ಪಂಪ್ ವೆಲ್ ಕೈತಲುಡ್ ಪೊಸ PIAGGIO ಸಂಸ್ಥೆದ ವಿದ್ಯುತ್ ಚಾಲಿತ ತ್ರಿಚಕ್ರ ವಾಹನ ಷೋ ರೂಂ ಉದೀಪನ ಮಲ್ತುದ್ ಆರು ಪಾತೆರಿಯೆರ್.
ದೇಶೊಡೊರ್ಮೆ ವಿದ್ಯುತ್ ಚಾಲಿತ ವಾಹನೊಲೆನ ಬೇಡಿಕೆ ಹೆಚ್ಚಾವೊಂದುಂಡ್. ಸರ್ಕಾರಲಾ ಮಾತಾ ಹಂತೊಡ್ ವಿದ್ಯುತ್ ಚಾಲಿತ ವಾಹನೊಲೆಗ್ ಹೆಚ್ಚಿಗೆ ಒತ್ತು ಕೊರೊಂದುಂಡ್ ಪಂಡೆರ್. ಪೆಟ್ರೋಲ್ ಬೊಕ್ಕ ಡೀಸಲ್ ವಾಹನೊಲೆಡಾದ್ ವಾಯು ಮಾಲಿನ್ಯ, ಶಬ್ದ ಮಾಲಿನ್ಯ ಬೊಕ್ಕ ಆರೋಗ್ಯದ ಮಿತ್ತ್ ದುಷ್ಪರಿಣಾಮ ಬೂರೊಂದುಂಡ್. ರೇಟ್ ಲಾ ಜಾಸ್ತಿ ಪಂಡುದ್ ಜನಕುಲ್ ಪನ್ಪೆರ್. ಇಂಚ ಉಪ್ಪನಗ ವಿದ್ಯುತ್ ಚಾಲಿತ ವಾಹನೊಲು ಇನಿತ ದಿನೊಕ್ಲೆಡ್ ಮಲ್ಲ ಮಟ್ಟುಡ್‌ ಮಾರುಕಟ್ಟೆಗ್ ಬರೊಂದುಂಡ್.
ಇಂಧನ ಇಲಾಖೆ ವಹಿಸೊನೆಡ್ ಬೊಕ್ಕ ವಿದ್ಯುತ್ ಚಾಲಿತ ವಾಹನ ತಯಾರಕ ಕಂಪನಿಲೆನ ಸಭೆ ಮಲ್ದಿತ್ತುಂಡ್. ವಿದ್ಯುತ್ ಚಾಲಿತ ವಾಹನೊಲೆಗ್ ಜನಕುಲ್ ಆಕರ್ಷಿತರಾವೊಡ್,ಇನಿತ್ತ ವ್ಯವಸ್ಥೆಡಾದ್‌ ಸುಧಾರಣೆ ಆವೊಡುಂದ್. ಪೆಟ್ರೋಲ್,ಡೀಸಲ್ ವಾಹನೊಲೆಡ್ದ್ ವಿದ್ಯುತ್ ಚಾಲಿತ ವಾಹನೊಲೆನಂಚಿ ಮೋನೆ ಪಾಡುನ ಸುಧಾರಣೆದ ಒಂಜಿ ಭಾಗ, ಜನಕುಲ್ ಬದಲಾವಣೆ ದಂಚಿ ಪಜ್ಜೆ ಪಾಡೊಡ್ ಪಂಡೆರ್.
ವಿದ್ಯುತ್ ಚಾಲಿತ ವಾಹನೊಲೆಗ್ ಕೇಂದ್ರ ಬೊಕ್ಕ ರಾಜ್ಯ ಸರ್ಕಾರೊಡ್ದ್ ೨೦-೪೦% ಸಬ್ಸಿಡಿ ತಿಕ್ಕುಂಡ್. ತ್ರಿಚಕ್ರ ವಾಹನೊಲೆಗ್ ಸುಮಾರು ₹60,೦೦೦ ಸಬ್ಸಿಡಿ ತಿಕ್ಕುನೆಡ್ದಾವರ ಗ್ರಾಹಕರೆಗ್‌ ಹೆಚ್ಚ ಅನುಕೂಲ ಆಪುಂಡ್ ಪಂಡುದ್ ಸಚಿವೆರ್ ಪಂಡೆರ್.. ಇಲಾಖೆ ರಾಜ್ಯದ ಬೇತೆ ಬೇತೆ ಭಾಗೊಲೆಡ್ ಒಂಜಿ ಸಾವಿರ ವಿದ್ಯುತ್ ವಾಹನ ಚಾರ್ಜಿಂಗ್ ಕೇಂದ್ರ ನಿರ್ಮಾಣ ಮಲ್ಪರೆಗ್ ಯೋಜನೆ ಪಾಡ್ದುಂಡ್ ಪಂಡೆರ್.
ವಾಹನೊಲೆನ. ವಿಚಾರೊಡ್ ವಿದ್ಯುತ್ ವಾಹನೊಲ್ ದುಂಬುದ ಭವಿಷ್ಯ ,ಅಂಚಾದ್ ಆ ನಿಟ್ಟುಡ್ ಆಲೋಚನೆ ಮಲ್ಪೊಡಾಪುಂಡ್. ವಿದ್ಯುತ್ ಚಾಲಿತ ವಾಹನೊಲೆನ ಬಳಕೆಗ್ ಉತ್ತೇಜನ ಇಂಧನ ಇಲಾಖೆಲೆಡ್ದ್ ಸುರು ಆವೊಡುಂದ್ , ಅಧಿಕಾರಿಲು ಬೊಕ್ಕ ಸಿಬ್ಬಂದಿಲು ಗಲಸುನ ಸರ್ಕಾರಿ ವಾಹನೊಲು ವಿದ್ಯುತ್ ಚಾಲಿತ ವಾಹನೊಲಾವೊಡ್ ಪನ್ಪಿನ ಚಿಂತನೆ ಉಂಡು ಪಂಡುದ್ ಆರು ಪಂಡೆರ್.
by 