ಅರುಣ್ ಕುಮಾರ್ ಜಾರ್ಕಳ.

ಅರುಣ್ ಕುಮಾರ್ ಜಾರ್ಕಳಗ್  ಕುಂದೇಶ್ವರ ಸಮ್ಮಾನ್
ಮಂಗಳೂರು: ಕಾರ್ಕಳ ಹಿರ್ಗಾನ ಕ್ಷೇತ್ರಡ್ದ್  ಪ್ರತಿ ವರ್ಷ ಕೊರ್ಪಿನ  ಶ್ರೀ ಕುಂದೇಶ್ವರ ಸಮ್ಮಾನ್‌ ಪ್ರಶಸ್ತಿಗ್ ಯಕ್ಷಗಾನ ಕಲಾವಿದ ಹಾಸ್ಯ ಚಕ್ರವರ್ತಿ ಅರುಣ್ ಕುಮಾರ್ ಜಾರ್ಕಳ ಆಯ್ಕೆಯಾತೆರ್. ಜ.23ಗ್ ನಡಪುನ ಶ್ರೀ ಕುಂದೇಶ್ವರ ಜಾತ್ರೆದ  ಸಂದರ್ಭ ಪ್ರಶಸ್ತಿ ಪ್ರದಾನ ಮಲ್ಪುಂಡ್  ಪಂಡುದು ಸಾಂಸ್ಕೃತಿಕ ಕಾರ್ಯಕ್ರಮ ಸಂಯೋಜಕ ಜಿತೇಂದ್ರ ಕುಂದೇಶ್ವರ ತೆರಿಪಾದೆರ್.
ಹಾಸ್ಯ ಚಕ್ರವರ್ತಿ: ಅರುಣ್ ಕುಮಾರ್ ಜಾರ್ಕಳ‌ ಮಾತೃಭಾಷೆ ತೆಲುಗು. ದೊರೆಸ್ವಾಮಿ ಬೊಕ್ಕ ಲೀಲಾವತಿ ದಂಪತಿಲೆನ ಮಗೆ ಉದ್ಯೋಗ ನಿಮಿತ್ತವಾದ್  ಜಾರ್ಕಳ ಡ್ ವಾಸವಾದಿತ್ತೆರು.ಇತ್ತೆ  ಪೆರ್ಣಂಕಿಲಡುಲ್ಲೆರ್.
ಧರ್ಮಸ್ಥಳ ತರಬೇತಿ ಶಿಬಿರಡ್  ಯಕ್ಷಗಾನದ ಅಭ್ಯಾಸ ಮಲ್ತುದ್  ಕಟೀಲು ಮೇಳಗ್  ಸೇರೊಂಡೆರು.ಇತ್ತೆ ತೆಂಕು ಬೊಕ್ಕ  ಬಡಗುತಿಟ್ಟುಡ್  ಬಹು ಬೇಡಿಕೆ ಕಲಾವಿದೆರು.
ಸಾಲಿಗ್ರಾಮ ಮೇಳ ಡ್  ಪ್ರವರ್ಧಮಾನಗ್  ಬತ್ತುದು ಪ್ರಸ್ತುತ ಬೆಂಕಿನಾಥೇಶ್ವರ ಮೇಳಡ್  ಪ್ರಧಾನ ಹಾಸ್ಯ ಕಲಾವಿದರಾತೆರ್.
ವಿಶಿಷ್ಟ ಶೈಲಿದ  ಆಂಗಿಕ ಅಭಿನಯಡಾದ್  ಜನಕ್ಲೆನ್ ತೆಲಿಕೆದ ಕಡಲುಡ್ ನೀಂದಾವುನ  ಸಮರ್ಥ ಹಾಸ್ಯಗಾರ ಪಂಡುದ್  ಖ್ಯಾತಿ ಉಂಡು. ಶ್ವೇತ ಕುಮಾರ ಚರಿತ್ರೆದ ಪ್ರೇತದ ಹಾಸ್ಯ ಸ್ಮರಣೀಯ.
ಅಮೆರಿಕ ಬೊಕ್ಕ ಲಂಡನ್‌ ಲುಡುಲಾ ಯಕ್ಷಗಾನ ಪ್ರದರ್ಶನ ಮಲ್ದೆರ್.

ಜ. 23ಗ್  ರಾತ್ರೆಗ್ 7.30 ಗಂಟೆಗ್ ಬೆಂಕಿನಾಥೇಶ್ವರ ಮೇಳದಕ್ಲೆಡ  ಶ್ರೀದೇವಿ ಅಗ್ನಿ ಕಲ್ಲುರ್ಟಿ ತುಳು ಬಯಲಾಟ ನಡಪರೆಗುಂಡ್.
ಈ ಸಂದರ್ಭ ನಡಪುನ  ಪ್ರಶಸ್ತಿ ಪ್ರದಾನ ಸಮಾರಂಭಡ್ ಶಾಸಕ ವಿ. ಸುನಿಲ್ ಕುಮಾರ್, ಸಂಸದ ಕೋಟ ಶ್ರೀನಿವಾಸ ಪೂಜಾರಿ, ಬಿಜೆಪಿ ಮಾಜಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್, ಎಸ್ ಕೆ ಎಸ್ ಕಾರ್ಕಳ ಸಂಸ್ಥೆದ ವ್ಯವಸ್ಥಾಪಕ ನಿರ್ದೇಶಕ ಸುಜಯಕುಮಾರ್ ಶೆಟ್ಟಿ, ಕಾರ್ಕಳ ಬಿಜೆಪಿ ಅಧ್ಯಕ್ಷ ನವೀನ್ ಕುಮಾರ್ ನಾಯಕ್, ಕಾರ್ಕಳ ತಾಲೂಕು ಗ್ಯಾರಂಟಿ ಸಮಿತಿ ಅಧ್ಯಕ್ಷ ಅಜಿತ್ ಹೆಗಡೆ ಮಾಳ ಪಾಲ್ ಪಡೆಯರೆಗುಲ್ಲೆರು. ಯಕ್ಷಗಾನ ಕಲಾವಿದ, ನ್ಯಾಯವಾದಿ ಶ್ರೀ ರಮಣಾಚಾರ್ ಅಭಿನಂದನಾ ಭಾಷಣ ಮಲ್ಪುವೆರು.
ವರ್ಷಾವಧಿ ಜಾತ್ರೆ
ಜ.21ರಂದು ತೋರಣ ಮುಹೂರ್ತ ಧಾರ್ಮಿಕ ಕಾರ್ಯಕ್ರಮೊಲು ಜ.22ರಂದು ವರ್ಷಾವಧಿ ಮಹೋತ್ಸವ, ಅನ್ನಸಂತರ್ಪಣೆ, ನೇಮೋತ್ಸವ ನಡಪರೆಗುಂಡ್  ಪಂಡುದು ಧರ್ಮದರ್ಶಿ ಕೃಷ್ಣರಾಜೇಂದ್ರ ಭಟ್‌ ತೆರಿಪಾದೆರ್.

ಫೋಟೋ: ಅರುಣ್ ಕುಮಾರ್ ಜಾರ್ಕಳ