ರಾಜ್ಯ ಪ್ರಶಸ್ತಿ

ಎಡ್ಡೆ  ಸಾಧನೆಗಾದ್  ಉಡುಪಿ ಜಿಲ್ಲಾ ಪತ್ರಕರ್ತರ ಸಂಘೊಗ್  ರಾಜ್ಯ ಪ್ರಶಸ್ತಿ

ಜ.18-19ತ್ತ ತುಮಕೂರುದ  ಪತ್ರಕರ್ತರೆನ  ರಾಜ್ಯ ಸಮ್ಮೇಳನಡ್  ಪ್ರದಾನ

ಉಡುಪಿ, ಜ.16: ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ವತಿಡ್ದ್  ಕೊರ್ಪಿನ  ರಾಜ್ಯಮಟ್ಟದ ಅತ್ಯುತ್ತಮ  ಸಂಘ ಪ್ರಶಸ್ತಿಗ್  ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತ ಸಂಘ ಆಯ್ಕೆಯಾತುಂಡ್.ಪಂಡುದು ಸಂಘದ ಜಿಲ್ಲಾಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು ತೆರಿಪಾದೆರ್.

ಉಡುಪಿ ಪತ್ರಿಕಾ ಭವನಡ್  ಜ.16ಗ್  ನಡತಿನ ಸುದ್ದಿಗೋಷ್ಠಿ ಡ್  ಪಾತೆರಿನ ಆರು, ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ರಜತ ಮಹೋತ್ಸವ ಹಿನ್ನೆಲೆ ಬೊಕ್ಕ  2024ನೇ ಸಾಲುಡ್ ಸಂಘದ ನಿರಂತರ ಬೊಕ್ಕ  ಅತ್ಯುತ್ತಮ ಕಾರ್ಯ ಚಟುವಟಿಕೆ ಪರಿಗಣಿಸಾದ್  ಈ ಪ್ರಶಸ್ತಿಗ್ ಆಯ್ಕೆ ಮಲ್ದುಂಡ್. ತುಮಕೂರುಡ್  ಜನವರಿ 18 ಬೊಕ್ಕ  19ಗ್  ನಡಪರೆಗುಪ್ಪುನ  39ನೇ ರಾಜ್ಯ ಪತ್ರಕರ್ತರ ಸಮ್ಮೇಳನಡ್  ಪ್ರಶಸ್ತಿ ಪ್ರದಾನ ಮಲ್ಪುಂಡ್  ಪಂಡೆರು.

ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ 2024ನೇ ಸಾಲುಡ್  ಪತ್ರಕರ್ತರ ಕ್ಷೇಮಾಭಿವೃದ್ಧಿ ನಿಧಿಕ್ ಚಾಲನೆ, ಸಂವಾದ, ಸ್ಥಾಪನಾ ದಿನಾಚರಣೆ, ಚುನಾವಣಾ ಮಾಹಿತಿ ಕಾರ್ಯಾಗಾರ, ಸಾಮಾಜಿಕ ಬದ್ಧತೆದ ಕಾರ್ಯಕ್ರಮ, ಪತ್ರಕರ್ತರ ಪರ ಹೋರಾಟ, ಚರ್ಚಾ ಕಾರ್ಯಕ್ರಮ ಪತ್ರಿಕಾ ದಿನಾಚರಣೆ, ಜನಜಾಗೃತಿ ಕಾರ್ಯಕ್ರಮ, ಗ್ರಂಥಾಲಯ ಉದ್ಘಾಟನೆ, ವಾರ್ಷಿಕ ಪ್ರವಾಸ, ರಜತ ಕ್ರೀಡಾ ಸಂಭ್ರಮ ಸೇರಿನಂಚ ಕೆಲವು ಕಾರ್ಯಕ್ರಮಲೆನ್  ಯಶಸ್ವಿಯಾದ್  ನಡಪಾದುಂಡ್.

ಅತ್ತಾವಂದೆ ಉಡುಪಿ ಪತ್ರಕರ್ತರ ಸಂಘ 2024 ನೇ ಸಾಲುದ  ಉಡುಪಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿಗುಲಾ  ಭಾಜನವಾದುಂಡ್. ಅವ್ವೇ   ರೀತಿ ಕರ್ನಾಟಕ ರಾಜ್ಯ ಕಾರ್ಯನಿರತ ಪತ್ರಕರ್ತರ ಸಂಘ ತುಮಕೂರುಡ್ ನಡಪಾಯಿನ  ರಾಜ್ಯ ಮಟ್ಟದ ಪತ್ರಕರ್ತರ ಕ್ರೀಡಾಕೂಟಡ್  ಉಡುಪಿ ತಂಡ ಸಮಗ್ರ ಪ್ರಶಸ್ತಿನ್ ಗೆಂದುದುಂಡ್. ಈ ಮಾತಾ  ಸಾಧನೆನ್  ಪರಿಗಣಿಸಾದ್ ರಾಜ್ಯ ಅತ್ಯುತ್ತಮ ಸಂಘ ಪ್ರಶಸ್ತಿನ್  ಜಿಲ್ಲಾ ಸಂಘಗ್ ಕೊರ್ತುಂಡ್  ಪಂಡುದು ಆರು ಮಾಹಿತಿ ಕೊರಿಯೆರು.

ಜಿಲ್ಲಾ ಸಂಘದ ಸದಸ್ಯ ಕಾರ್ಕಳದ ಹರಿಪ್ರಸಾದ್ ನಂದಳಿಕೆ ಅರೆಗ್  ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘ ಕೊರ್ಪಿನ  ವಾರ್ಷಿಕ ಆರ್ ಎಲ್ ವಾಸುದೇವ ರಾವ್ ಪ್ರಶಸ್ತಿ (ಅರಣ್ಯ ಅತ್ಯುತ್ತಮ ವರದಿ)ಗ್ಆಯ್ಕೆಯಾತೆರ್ ಪಂಡುದು ಆರು ತೆರಿಪಾಯೆರು.

39ನೇ ರಾಜ್ಯ ಸಮ್ಮೇಳನ: ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ಆಶ್ರಯಡ್ ತುಮಕೂರು ಜಿಲ್ಲಾ ಶಾಖೆ  ಆತಿಥ್ಯದೊಟ್ಟುಗ್ 39ನೇ ರಾಜ್ಯ ಸಮ್ಮೇಳನನ್ ತುಮಕೂರುಡ್  ಜ.18 ಬೊಕ್ಕ 19ಗ್  ಆಯೋಜನೆ ಮಲ್ದುಂಡ್  ಪಂಡುದು ರಾಜೇಶ್ ಶೆಟ್ಟಿ ಅಲೆವೂರು ತೆರಿಪಾದೆರ್.

ಜ.18 ಗ್  ಕಾಂಡೆ 8.30ಕ್  ಮೆರವಣಿಗೆಗ್ ಗೃಹ ಸಚಿವೆ ಡಾ.ಪರಮೇಶ್ವರ್ ಚಾಲನೆ ಕೊರ್ಪೆರ್. ಕಾಂಡೆ11 ಗಂಟೆಗ್ ಸಿದ್ದಾರ್ಥ ತಾಂತ್ರಿಕ ಮಹಾ ವಿದ್ಯಾಲಯದ ಆವರಣಡ್ ನಿರ್ಮಾಣ ಮಲ್ದಿನ  ವೇದಿಕೆಡ್  ಸಿದ್ದಗಂಗಾ ಮಠದ ಸಿದ್ದಲಿಂಗಸ್ವಾಮೀಜಿ ದಿವ್ಯ ಸಾನಿಧ್ಯಡ್  ಮುಖ್ಯಮಂತ್ರಿ ಸಿದ್ದರಾಮಯ್ಯ ಸಮ್ಮೇಳನನ್  ಉದ್ಘಾಟನೆ ಮಲ್ಪುವೆರ್. ಅಧ್ಯಕ್ಷತೆಡ್  ಸಂಘದ ರಾಜ್ಯ ಅಧ್ಯಕ್ಷ ಟಿ.ವಿ.ಶಿವಾನಂದ ತಗಡೂರು ಉಪ್ಪುವೆರು.

ರಡ್ಡ್  ದಿನತ ಸಮ್ಮೇಳನಡ್  ಪತ್ರಿಕೋದ್ಯಮಗ್ ಸಂಬಂಧಿಸಾಯಿನ  ಮಹತ್ವದ ಸಂವಾದ ಬೊಕ್ಕ ಗೋಷ್ಟಿಲು ನಡಪರೆಗುಂಡ್. ಸಮ್ಮೇಳನಡ್ ಕಾರ್ಯನಿರತ ಪತ್ರಕರ್ತರ ಸಂಘದ ಪ್ರತಿನಿಧಿಲೆನ  ಸಭೆ ಬೊಕ್ಕ ಕಲ್ಪತರು ಪ್ರಶಸ್ತಿ ಪ್ರದಾನ ಸಮಾರಂಭ ನಡಪರೆಗುಂಡ್ ಪಂಡುದು ಆರು ಮಾಹಿತಿ ಕೊರಿಯೆರು.

ಸುದ್ದಿಗೋಷ್ಠಿಡ್  ಜಿಲ್ಲಾ ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ, ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ ಉಪಸ್ಥಿತರಿತ್ತೆರು