ಬಡಗಬೆಟ್ಟು ಕ್ರೆಡಿಟ್ ಕೋಆಪರೇಟಿವ್ ಸೊಸೈಟಿ ಉಡುಪಿದ ವರ್ಷದ ಮಹಾಸಭೆ

ಬಡಗಬೆಟ್ಟು ಕ್ರೆಡಿಟ್ ಕೋಆಪರೇಟಿವ್ ಸೊಸೈಟಿ ಉಡುಪಿದ ವರ್ಷದ ಮಹಾಸಭೆ ಸೆಪ್ಟೆಂಬರ್ 11 ತಾರೀಕುಗ್ ಐತಾರದಾನಿ ಉಡುಪಿದ ಅಮ್ಮಣ್ಣಿ ರಾಮಣ್ಣ ಶೆಟ್ಟಿ ಸಭಾಭವನೊಡ್ ಸಂಘದ ಅಧ್ಯಕ್ಷೆರಾಯಿನ ಶ್ರೀ ಸಂಜೀವ ಕಾಂಚನ್ ಮೆರೆನ ಅಧ್ಯಕ್ಷತೆಡ್ ಕಾಂಡೆ 9 ಗಂಟೆಗ್ ನಡಪರೆಗುಂಡ್ ಪಂಡುದ್ ಸಂಘದ ವಿಶೇಷ ಕರ್ತವ್ಯ ನಿರ್ವಹಣಾಧಿಕಾರಿ ಶ್ರೀ ಜಯಕರ ಶೆಟ್ಟಿ ಇಂದ್ರಾಳಿ & ಸಂಘದ ಪ್ರಧಾನ(ಪ್ರಭಾರ) ವ್ಯವಸ್ಥಾಪಕೆರಾಯಿನ ಶ್ರೀ ರಾಜೇಶ್ ಶೇರಿಗಾರ್ ಮೊಕುಲು ಪತ್ರಿಕಾಗೋಷ್ಠಿಡ್ ತೆರಿಪಾದೆರ್.
1918ಡ್ ತಾಪನೆ ಆಯಿನ 1980 ಮುಟ್ಟ ಸಂಘದ ಸ್ಥಿತಿಗತಿ ಆತ್ ಎಡ್ಡೆ ಇಜ್ಜಾಂಡಲಾ 1985 ಬೊಕ್ಕ ಪೊಸ ಆಡಳಿತಮಂಡಳಿ ರಚನೆ ಆದ್,ಪ್ರಧಾನ ವ್ಯವಸ್ಥಾಪಕೆರಾಯಿನ ಜಯಕರ ಶೆಟ್ಟಿ ಇಂದ್ರಾಳಿ ಬೊಕ್ಕ ಸಿಬ್ಬಂದಿ ವರ್ಗದಕ್ಲೆನ ಸಹಕಾರದೊಟ್ಟುಗ್ ಪ್ರಸ್ತುತ ಸಂಘದ ಸಾಧನೆಗ್ 2 ಸರ್ತಿ ಕೇಂದ್ರ ಸರಕಾರಡ್ದ್ ರಾಷ್ಟ್ರಮಟ್ಟದ ಎನ್.ಸಿ.ಡಿ.ಸಿ.ಪ್ರಶಸ್ತಿ,7 ಸರ್ತಿ ಕರ್ನಾಟಕ ರಾಜ್ಯದ ಸಹಕಾರ ಪ್ರಶಸ್ತಿ,16 ಸರ್ತಿ ಜಿಲ್ಲಾ ಪ್ರಶಸ್ತಿಲೆನ್ ಪಡೆಯಿನ ಒಂಜೇ ಒಂಜಿ ಕ್ರೆಡಿಟ್ ಸೊಸೈಟಿಯಾಗಿ ಗುರುತಿಸಾವೊಂದುಂಡ್.
ಆರ್ಥಿಕ ವ್ಯವಹಾರದೊಟ್ಟುಗ್ ಸಾಮಾಜಿಕ ಸೇವೆಗ್ ಪ್ರತೀ ವರ್ಷ 15 ಡ್ದ್ 20 ಲಕ್ಷ ಖರ್ಚಿ ಮಲ್ಪುಂಡ್.ಸಂಘದ ಸದಸ್ಯೆರೆಗ್ 15% ಡಿವಿಡೆಂಡ್ ಕೊರ್ಪುಂಡ್.ಎಸ್.ಎಸ್.ಎಲ್.ಸಿ. ಬೊಕ್ಕ ಪಿಯುಸಿ ಡ್ ವಿಶೇಷ ಅಂಕೊ ಪಡೆಯಿನ ಸದಸ್ಯೆರೆನ ಜೋಕ್ಲೆಗ್ ವರ್ಷದ ಸಭೆಟ್ ಮಾನಾದಿಗೆ ಮಲ್ಪುಂಡ್.
ಉಡುಪಿ ತಾಲೂಕುಡ್ ಒಟ್ಟು 10 ಶಾಖೆ ಇತ್ತುದ್ 9 ಶಾಖೆ ಸ್ವಂತ ಕಟ್ಟಡ ಉಂಡು.ಸಂಘದ ಶಾಖೆಲು ತಾಲೂಕುಡ್ದ್ ಜಿಲ್ಲೆಹ್ ವಿಸ್ತರಣೆ ಆಪಿನ ಅಂದಾಜು ಉಂಡು.
ಉಡುಪಿ ಅಮ್ಮಣ್ಣಿ ರಾಮಣ್ಣ ಶೆಟ್ಟಿ ಸಭಾಭವನದ ಕೈತಲ್ 1 ಎಕರೆ ಜಾಗಡ್ ಸಾರ್ವಜನಿಕ ಉಪಯೋಗಗಾದ್ ” ಸಹಕಾರ ಸೌಧ” ಸದ್ಯೊಡೇ ನಿರ್ಮಾಣ ಆವರೆಗುಂಡ್.20-21 ನೇ ಸಾಲುಗ್ ಸಂಘ 11.25 ಕೋಟಿ ಲಾಭ ಪಡೆತೊಂದುಂಡ್.
ಸೆಪ್ಟೆಂಬರ್ 11 ತಾರೀಕುಗ್ ನಡಪರೆಗುಪ್ಪುನ ಸಾಮಾನ್ಯ ಸಭೆಕ್ 4 ಡ್ದ್ 5 ಸಾರ ಜನ ಸೇರುನ ಅಂದಾಜು ಉಂಡು.ಪಂಡುದ್ ಜಯಕರ ಶೆಟ್ಟಿ ಇಂದ್ರಾಳಿ ಮೇರ್ ಪತ್ರಿಕಾಗೋಷ್ಠಿಡ್ ತೆರಿಪಾಯೆರ್. ಪತ್ರಿಕಾಗೋಷ್ಠಿಡ್ ಸಂಘದ ಉಪಾಧ್ಯಕ್ಷೆರಾಯಿನ ಉಮಾನಾಥ್ ಎಲ್,ಎಜಿಎಮ್ ರಾಜೇಶ್ ಉಪಸ್ಥಿತರಿತ್ತೆರ್.