ಅಂತರ್ ಕಾಲೇಜ್ ಮಟ್ಟದ ಬ್ಯಾಡ್ಮಿಂಟನ್ ಗೊಬ್ಬುದ ಸಮಾರೋಪ..

ಸರಕಾರಿ ಪ್ರಥಮ ದರ್ಜೆ ಕಾಲೇಜು ತೆಂಕನಿಡಿಯೂರು ಬೊಕ್ಕ ಮಂಗಳೂರು ವಿಶ್ವವಿದ್ಯಾನಿಲಯ ಅಂಚೆನೇ ಯುವಸಬಾಲೀಕರಣ ಕ್ರೀಡಾ ಇಲಾಖೆ ಮೊಕ್ಲೆನ ಆಶ್ರಯೊಡ್ ನಡತಿನ 2021-22ನೇ ಸಾಲುದ ಮಂಗಳೂರು ವಿಶ್ವವಿದ್ಯಾನಿಲಯ ಅಂತರ ಕಾಲೇಜು ಮಟ್ಟದ ಆಣುಲೆನ ಬೊಕ್ಕ ಪೊಣ್ಣುಲೆನ ಬ್ಯಾಡ್ಮಿಂಟನ್ ಪಂದ್ಯಾಟದ ಸಮಾರೋಪ ಸಮಾರಂಭ 2-7-2022 ತಾರೀಕುದಾನಿ ಅಜ್ಜರಕಾಡು ಉಡುಪಿ ಜಿಲ್ಲಾ ಒಳಾoಗಣ ಕ್ರೀಡಾಂಗಣಡ್ ನಡತುಂಡ್. ಕಾರ್ಯಕ್ರಮ ದ ಅಧ್ಯಕ್ಷತೆನ್ ಕನ್ನಡ ಸಹ ಪ್ರಾಧ್ಯಪಕೆರಾಯಿನ ಪ್ರೊ ರಾಧಾಕೃಷ್ಣ ಮೇರ್ ವಹಿಸಾದಿತ್ತೆರ್. ಮಂಗಳೂರು ವಿಶ್ವವಿದ್ಯಾನಿಲಯ ದೈಹಿಕ ಶಿಕ್ಷಣ ವಿಭಾಗದ ನಿರ್ದೇಶಕೆರಾಯಿನ ಡಾ. ಜೆರಾಲ್ಡ್ ಸಂತೋಷ ಡಿಸೋಜ ಮೇರ್ ಅತಿಥಿಯಾದ ಅಂತಾರಾಷ್ಟ್ರೀಯ ಮಟ್ಟೊಡ್ ಪಾಲ್ ಪಡೆದ್ ಪ್ರಶಸ್ತಿ ಪಡೆಯುನಂಚಿನ ಸಾಮರ್ಥ್ಯನ್ ಕ್ರೀಡಾಪಟುಕುಲು ಪಡೆಯೊಡ್ ಪಂಡೆರ್.
ಅತಿಥಿ ಲಾಯಿನ ವಿಜಯ್ ಕೊಡವೂರು ವಿದ್ಯಾರ್ಥಿಲು ಎಡ್ಡೆ ಸಾಧನೆ ಮಲ್ಪೊಡು ಪಂಡುದ್ ಸಲಹೆ ಕೊರಿಯೆರ್. ಹೆಬ್ರಿ ಕಾಲೇಜಿದ ಪ್ರಾಂಶುಪಾಲೆರಾಯಿನ ಪ್ರೊ. ಪ್ರಸಾದ್ ರಾವ್, ಪಂದ್ಯಾಟ ವೀಕ್ಷಕೆರಾಯಿನ ಅರುಣ್ ಶೆಟ್ಟಿ, ದೈಹಿಕ ಶಿಕ್ಷಣ ನಿರ್ದೇಶಕೆರಾಯಿನ ಜಯರಾಮ್ ರೈ, ದೈಹಿಕ ಶಿಕ್ಷಣ ನಿರ್ದೇಶಕೆರಾಯಿನ ಡಾ ರೋಷನ್ ಕುಮಾರ್ ಶೆಟ್ಟಿ, ಡಾ. ರಾಮಚಂದ್ರ ಪಾಟ್ಕರ್ ಉಪಸ್ಥಿತರಿತ್ತೆರ್.
ಪ್ರಿಲಿಮಿನರಿ ರೌಂಡ್ ಪೊಣ್ಣುಲೆನ ವಿಭಾಗಡ್ ಸರಕಾರಿ ಪ್ರಥಮ ದರ್ಜೆ ಕಾಲೇಜು ತೆಂಕನಿಡಿಯೂರು 4ನೇ ಸ್ಥಾನ, MGM ಕಾಲೇಜು ಉಡುಪಿ 3ನೇ ಸ್ಥಾನ, ಆಳ್ವಾಸ್ ಕಾಲೇಜು ಮೂಡುಬಿದಿರೆ 2ನೇ ಸ್ಥಾನ, ಶ್ರೀ ಭುವನೇಂದ್ರ ಕಾಲೇಜು ಕಾರ್ಕಳ ಸುರುತ್ತ ಸ್ಥಾನ ಪಡೆದುಂಡ್.
ಪ್ರಿಲಿಮಿನರಿ ರೌಂಡ್ ಆಣುಲೆನ ವಿಭಾಗಡ್ S D P T ಕಾಲೇಜು ಕುಟ್ಯಲ್ 4ನೇ ಸ್ಥಾನ, P P C ಕಾಲೇಜು ಉಡುಪಿ 3ನೇ ಸ್ಥಾನ, ಭಂಡಾರ್ಕರ್ ಕಾಲೇಜು ಕುಂದಾಪುರ 2ನೇ ಸ್ಥಾನ, FMHMC ಕಾಲೇಜು ಮಡಿಕೇರಿ ಸುರುತ್ತ ಸ್ಥಾನ ಪಡೆದುಂಡ್.
ಚಾಂಪಿಯನ್ಷಿಪ್ ರೌಂಡ್ ಪೊಣ್ಣುಲೆನ ವಿಭಾಗಡ್
ಎಂಜಿಎಂ ಕಾಲೇಜು ಉಡುಪಿ 4ನೇ ಸ್ಥಾನ, ಶ್ರೀ ಭುವನೇಂದ್ರ ಕಾಲೇಜು ಕಾರ್ಕಳ 3ನೇ ಸ್ಥಾನ, ಆಳ್ವಾಸ್ ಕಾಲೇಜು ಮೂಡುಬಿದಿರೆ 2ನೇ ಸ್ಥಾನ, ಸೇಂಟ್ ಅಲೋಶಿಯಸ್ ಕಾಲೇಜು ಮಂಗಳೂರು ಸುರುತ್ತ ಸ್ಥಾನ ಪಡೆದುಂಡ್
ಚಾಂಪಿಯನ್ಷಿಪ್ ರೌಂಡ್ ಪುರುಷೆರೆನ ವಿಭಾಗಡ್ SDM ಕಾಲೇಜು ಉಜಿರೆ 4ನೇ ಸ್ಥಾನ, ಸೇಂಟ್ ಫಿಲೋಮಿನಾ ಕಾಲೇಜು ಪುತ್ತೂರು 3ನೇ ಸ್ಥಾನ, ಆಳ್ವಾಸ್ ಕಾಲೇಜು ಮೂಡುಬಿದಿರೆ 2ನೇ ಸ್ಥಾನ, ಸೇಂಟ್ ಅಲೋಶಿಯಸ್ ಕಾಲೇಜು ಮಂಗಳೂರು ಸುರುತ್ತ ಸ್ಥಾನ ಪಡೆದುಂಡ್.