ನನಲ ಸಮ ಆವಂದಿನ ಬಜಾಲ್ ಅಂಡರ್ ಪಾಸ್ ಸಮಸ್ಯೆ
ಪಡೀಲ್ : ಜುಲೈ 30: ಸ್ಮಾರ್ಟ್‌ಸಿಟಿ, ಪಾಲಿಕೆ ಸಹಿತ ಕುಡ್ಲಡ್ ಬೇತೆ ಬೇತೆ ಅಭಿವೃದ್ಧಿ ಬೇಲೆ ಆವೊಂದು ಇತ್ತುಂಡಲ ಪಡೀಲ್‌ದ ಬಜಾಲ್ ಅಂಡರ್‌ಪಾಸ್‌ಡ್ ಏಪಲಾ ಆಪಿನ ನೆರೆ ಸೃಷ್ಟಿಯಾಪಿನ ಸಮಸ್ಯೆಗ್ ನನಲ ಶಾಶ್ವತ ಪರಿಹಾರ ಅತಿಜಿ .
ಪೇಂಟೆಡ್ ಸಾಧಾರಣ ಬರ್ಸ ಆಂಡಲಾ ಪಡೀಲ್ ಜಂಕ್ಷನ್‌ ಕೈತಲ್ ಬಜಾಲ್ ಸಂಪರ್ಕಿತ ಮಾರ್ಗಡ್ ಉಪ್ಪುನ ಅಂಡರ್ ಪಾಸ್‌ಡ್ ನೀರು ಉಂತುದು ಗಾಡಿದ ಸಂಚಾರಗ್ ಬಂಗ ಆವೊಂದು ಉಂಡು .
ಅಂಡರ್‌ಪಾಸ್‌ ಕಟ್ಟುನ ಪೊರ್ತುಡು ಸಮರ್ಪಕ ಯೋಜನ ಆಧಾರಿತ ಕಾಮಗಾರಿ ಮಲ್ಪಂದಿನಿರ್ದಾವರ ಸದ್ಯ ಸಮಸ್ಯೆಗ್ ಕಾರಣ ಆತುಂಡು . ಇತ್ತೇ ಅಂಡರ್ ಪಾಸ್‌ದ ಬರಿಟ್ ತೋಡು ಉಪ್ಪುನೆರ್ದಾವರ , ಉಂದುಲಾ ಅಸಮರ್ಪಕವಾಯೀನೇರ್ದಾವರ ಪೂರ್ಣ ಆವೊಡು ಆತೆ . ಸದ್ಯ ಬರ್ಸ ಬತ್ತುಂಡ ಪಂಪ್‌ ಮುಖೇನ ನೀರು ಪಿದಾಯಿ ದೆಪ್ಪುವೆರ್ . ಈ ಸಮಸ್ಯೆಗ್ ಶಾಶ್ವತ ಪರಿಹಾರ ಬೋಡು ಪಂದ್ ಸಾರ್ವಜನಿಕೆರ್ .ಪನ್ಪೆರ್.
by 